10 Mansano nana'ote atuu langkaiomo, iwawaomo a beine anano i Pirao, anu tumandeo gagi anano, ka ineeakono i Musa, nde ipotae, ”Hangano ongkue wuatakono inso a uwoi.”
Motaeomo mbo'u Mala'eka-Do i Ue ndi onae, ”Omue kontongaamu mentia ka kome'anaako asa ana ntama. Konumeeakono i Sumaila, hangano Dorongeomo i Ue a laro tepokonsiimu.
I Adama mewowaliakono mbo'u beineno. Ka i'amba beine atuu me'anaakono asa ana ntama ka ineeakono i Seti, hangano ipotae, ”Ondae Ue Ala moweeakunemo asa mia inule anu susua gagi euno i Abeli, hangano ipepateomo i Kai.”
Kanandio-andio, orua ira anamu anu pine'anaako i wita Masiri, ongkue me'ueo. I Eparai ka i Manase ta gagi ongkue me'ueo mengkena kana i Rube ka i Simeo.
Kitaomo, tedoa langkai pompehohawa anu Doweeakita i Ama, onaemo ka tomenineeako ana-Do Ue Ala, ka lano ontae ana-Domo Ue Ala. Onaemo pu'uno wawontolino nahi to'ori kita, hangano wawontolino nahi to'ori Ira.