Peluarakoa 18:12 - Wunta Mempori

¹² Umarino atuu i Yitiro, ponino i Musa, mompesombaako pesomba tinunu ka ba opia pesomba sinumbele ndi Ondae Ue Ala. I Haruni ka luwuno mia memota'u Isaraeli me'aiwa mpongkaa mperonga-ronga saru ponino i Musa i aro-Do Ue Ala.

Peluarakoa 18:12 ပူးပေါင်းရင်းမြစ်များ

Tegagia 12:7

Tempo atuu Ondae i Ue mepopokita ndi Burama ka Dopepau, ”Wita andio Aku weeako ira inulemu.” Ka i'amba i tu'ai iwanguo meda pontunua pesomba ndi Ondae i Ue anu mepopokita Iramo ndi onae.

Tegagia 26:25

Ka i'amba i tu'ai i Saki mowangu meda pontunua pesomba ka moboio nee-Do i Ue. Ipasao kemano i tu'ai, ka i tu'aimo atano dompokeke sumuru.

Tegagia 26:30

Ka i'amba i Saki moweweuako ira pelimbua, ka dompongkaa ka mpo'inu.

Tegagia 31:54

Ka i'amba i Yako mompesombaako pesomba sinumbele a ntorukuno atuu ka i'olu ira pe'etuno mpongkaa. Ondae mpongkaa ka mperato a ntorukuno atuu.

Tegagia 4:4

i Abeli mbo'u mompesombaako asa ntia inso a ana amba-ambano asa bawaa bembe bimbano saru tabano. Ondae i Ue merioo i Abeli saru pesombano atuu,

Tegagia 43:25

Umarino atuu domempatindao pesombado kontongaado mensikorio haweno i Yusupu ntonga oleo, hangano domerongeomo nine ira mpongkaa i tu'ai.

Tegagia 8:20

Ka i'amba i Noho mowangu meda pontunua pesomba ndi Ondae i Ue. I'alao ba opia kondehora inso a luwuno pinotuwu anu nahina tataano, ka inso mbo'u a luwuno manu-manu anu nahina tataano ka ipesombaakono pesomba tinunu a wawo meda pontunua pesomba atuu.

2 Samueli 9:7

Motae i Daudi ndi onae, ”Sii doito, nde ongkue asalakono aku mopokitao pompehohawaku ndi omue hangano amamu i Yonata. Aku mokuleo ndi omue luwuno lereno uemu i Saulu, ka omue, kowela mongkaa meronga saru ongkue.”

2 Tawarika 30:22

I Hisikia mohaweo luwuno pau mpo'unde-unde a luwuno to Lewi anu momoiko ntu'u a laro pompekakaako-Do i Ue. Kanandiomo mia dompongkaa kaanga oleo langkai atuu i larono opitu oleo, ka dompopesombaako pesomba tekaduduia ka po'unde-unde ndi Ondae i Ue, Ue Alano uempu'udo.

Ayubi 1:5

Sompo umarino oleo pogawea, i Ayubi moboi ira ka mokomempori ira. Tisomono mo'oru, i Ayubi mewangu ka mompesombaako pesomba tinunu menunu saru hadiodo, hangano ipewowoloo, ”Bara'ura anaku mpoweweu iramo hala ka domentotonaa Iramo Ue Ala i laro aroado.” Kanandiomo iwela weweuo i Ayubi.

Ayubi 42:11

Ka i'amba luwuno pepaekompono tama ka beine saru luwuno tepoto'orino i ndi'ipua me'aiwa ndi onae ka mpongkaa meronga saru onae i rahano. Mpetonda ira mpompemasusa ka mentareroo hangano luwuno urasa'o anu Dopokonaakono i Ue ndi onae. Ondae singge mpoweeakono doi asa kesita ka asa sinsi wulaa.

Ayubi 42:8

Onaemo pu'uno, alaomo opitu sapi lakino ka opitu bimba lakino. Lakomo a ntetenaa-Ku i Ayubi ka pesombaakonomo luwuno atuu gagi pesomba tinunu tiano koroimiu. Tetenaa-Ku i Ayubi ta mekakaiakomiu hangano po'emano anu Aku tumarimao. Bakanatuu nahi Aku weweu komiu menunu saru benge-bengemiu, hangano nahi mpepau mentee mongkona Ongkue kana tetenaa-Ku i Ayubi.”

Peluarakoa 18:13

Tisomono i Musa mentoro mobitara kara-kara i olodo tongku atuu, ka tongku atuu mpentade ira i arono i Musa, mompu'u mo'oru hawe ngkiniwia.

Peluarakoa 2:16

Sando mpesomba i Midia atuu hinao opitu ira anano beine. Me'aiwa ira mpontambu uwoi umihiio dula pinotuwu ta mopo'inu ira asa bawaa bembe bimbano amado.

Peluarakoa 2:20

Ipotaeako ira anano, ”Isuaomo? Tembio ka i mebintao mia atuu? Poboiomo ka ipongkaa.”

Peluarakoa 20:24

Asalakono impoweweu pontunua mpesomba ndi Ongkue inso a wita ka impesombaakonomo i wawono, pesombamiu anu tinunu ka pesomba tekaduduiamiu, bembe bimba ka sapi. Sompo po'ianga anu Kutisoakomu, gagi po'ianga impelangkaio nee-Ku, Aku hawe ndi omiu rumonso komiu.

Peluarakoa 24:11

Sine nahi Dopotiio kae-Do humuku ira petewawado to Isaraeli. Tendeano dopoposoo Ira Ue Ala, ka dompongkaa ka mpo'inu.

Peluarakoa 24:5

Ka i'amba tumena ira mia mongura inso a tongku Isaraeli, ka dompopesombaako pesomba tinunu ka mposumbele ba te'opia sapi laki gagi pesomba tekaduduia ndi Ondae i Ue

Peluarakoa 3:1

I Musa mompakambi asa bawaa bembe bimbano i Yitiro, ponino, sando mpesomba i Midia. Mansano wawa ira asa bawaa bembe bimba atuu me'asambaliako i pada one, haweomo i torukuno Hore, torukuno Ue Ala.

Peluarakoa 33:7

Kanatuumo i Musa, wela umalao kema ka ipasao i bungkuno pekemaa, olai inso a mpekemaa atuu. Ineeakono Kema Tepotowoa. Sompo mia anu umungke Ira i Ue, ta lumako a Ngkema Tepotowoa atuu anu mo'ia olai inso a mpekemaa.

Danieli 10:3

Nahi kupongkaa kaanga mo'ahi, bau ka anggoro nahi pewinso a laro ngangaku ka nahi kupompake lana hawe ka isompo otolu minggu.

Podoaa 10:29

Ka i'amba motae i Musa ndi Hobabi anano i Rehueli to Midia, ponino i Musa, ”Kami mpelungka a mpo'ianga anu dinandi-Do i Ue tempono Dopepau: Aku koa meweengakono ndi omiu. Ipetondamo merongaakami, kami koa mpoweweu moiko ndi omiu, hangano Ondae i Ue modandiako ira anu moiko a nto Isaraeli.”

I LUKASI 14:1

Pohona oleo Saba Ondae i Yesu aiwa a rahano aasa petewawado to Parisi Ira mongkaa i tu'ai. Luwuno anu mehawe mempoporoo Ira ntu'u.

I LUKASI 14:15

Rumongeo atuu motaeomo asa mia inso a ntotoka atuu ndi Ondae i Yesu, ”Me'uraomo mia anu ta inolu a Poparentaa-Do Ue Ala.”

1 KORINTI 10:18

Impepentee ira tongku Isaraeli montonda ihi: kombake ondae anu mpongkaa hapa anu pinesombaako mpohawe tia a pompekakaakoa meda pontunua pesomba?

1 KORINTI 10:21

Nahi komiu mpokompo'inu inso a ntonde-Do i Ue ka inso mbo'u a ntondedo onitu nsa'o. Nahi komiu mpokompohawe tia a mpelimbua-Do i Ue ka a pelimbuado mbo'u onitu nsa'o.

1 KORINTI 10:31

Sumangki aku: Tewala mongkaako ke mo'inu, ke tewala hinao wineweumu anu susua, weweuomo luwuno atuu melangkai Ira Ue Ala.

Winali 12:7

I ra'aimo imengkaano i aro-Do i Ue, Ue Alamiu, ka memawongko, omiu ka pe'asa rahamiu, hangano a luwuno inanggano kaemiu Doronsoo i Ue, Ue Alamiu.

Winali 27:7

Impesombaakono mbo'u pesomba tekaduduia, ka i'amba mengkaano i ra'ai ka memawongko i aro-Do i Ue, Ue Alamiu.