Peluarakoa 17:7 - Wunta Mempori

⁷ Po'ianga atuu nineeako Masa ka Meriba, hangano to Isaraeli mpegaga ka dome'ara-arahako ira i Ue dompotae, ”Ndio Ira koa ke i Ue i oloto?”

Peluarakoa 17:7 ပူးပေါင်းရင်းမြစ်များ

Po'unde-unde 106:32

Dompokotekuda Ira umpeda uwoi Meriba, onaemo ka ikonao masolaa i Musa hangano ondae;

Po'unde-unde 78:18

I laro aroado umara-arahako Ira Ue Ala onaemo mpo'ema kaanga tumondao po'eheno aroado.

Po'unde-unde 81:7

”Kutandeomo tinembi inso a oweamu, kaeno tolaomo inso a ngkarandi tinembi;

Po'unde-unde 81:8

a laro ma'isoa omue mebooli, ka Kupotolako; Kusangkiko inso a mpewunia a laro nseru rundu, Ku'arahakomumo umpeda uwoi Meriba. Sela

Po'unde-unde 95:8

Si mpokomonteao aroamiu kana i Meriba, kana tempono i Masa i pada one,

Peluarakoa 17:2

Gaagi, dompegagaakono i Musa, ka dompotae, ”Powee kamimo uwoi, ka kimpo'inu.” Sine ipotae i Musa ndi ondae, ”Tembio ka impegagaakune? Si me'ara-arahako Ira i Ue?”

Peluarakoa 34:9

Ipotae, ”Tewala mohawe aku pompehohawa i aro-Miu, oo Ue, Ikongkomi kamimo, oo Ue. Lano tongku andio me'ulu watu, sine I'oninio sala ka hala mami, ka Ipokogagi kamimo bawaa-Miu.”

Yesaya 12:6

Peboolimo ka temaroamo impebooli, hei palilino Sioni, hangano maramba Iramo Anu Tedoa Mempori, Ue Alado to Isaraeli, i tonga-tongamiu!”

Mika 3:11

Luwuno mia pinemota'uno memputusio songka hangano pompowee nahi pototono, ka sando mpesombano mompaguru hangano inowahi, nabino mpompau anu nahi manasa ta gagi hangano doi, kahinaano dompotae mpehonda ira ndi Ondae i Ue; kombake Ondae i Ue kongko Ira i tonga-tongato! Masolaa nahi ta umalu kita!”

Podoaa 14:22

luwuno mia anu kumitaomo maramba-Ku ka luwuno anu kinohali-haliako anu Kuweweuo i Masiri ka i pada one, sine pempulumo dome'ara-arahako Aku ka nahi domebehe merongeo pau-Ku,

Podoaa 20:13

Onaemo mata uwoi Meriba, po'iangado to Isaraeli megagaako Ira i Ue ka Dopopokitao mempori-Do i olodo.

Podoaa 20:24

”I Haruni ta pinumpu a uempu'uno, hangano onae nahi ta mewinso a wita anu Kuweeako ira to Isaraeli, hangano orua komiu i'ewaiomo petena-Ku umpeda mata uwoi Meriba.

Podoaa 27:14

Hangano i tempono pe'u'uado bawaa i pada one Sini, orua komiu i'ewaiomo petena-Ku mokomengkaao mempori-Ku mongkona uwoi atuu i arodo.” Onaemo mata uwoi Meriba umpeda i Kadesi i pada one Sini.

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

Winali 31:17

I tempo atuu tekuda-Ku ta tensila ndi ondae. Aku binta ira ka wunio rupa-Ku inso ndi ondae, ranta ka domempingko ka i alu ira hadio masolaa saru masusaa. I tempo atuu ira mpotae, ’Kombake masolaa atuu umalu kita, hangano Ondae i Ue, Ue Alato nahi Dokongko i oloto?’

Winali 33:8

Mongkona i Lewi, ipotae, ”Po'ineeomo Tumimi ka Urimi-Miu gagi tiano mia pinehohawa-Miu, anu umariomo I'arahakono i Masa. Omiu teposangki saru onae umpeda mata uwoi Meriba.

Winali 6:16

Si me'ara-arahako Ira i Ue, Ue Alamiu, kana ime'ara-arahako Ira i Masa.

Winali 9:22

I Tabera, i Masa ka i Kiberoti-Taawa, wela komiu mokontekuda Ira i Ue.

Yosua 22:31

Ka i'amba motaeomo sando mpesomba Pineha anano i Eleasa ia inuleno i Rube, inuleno i Gadi, ka inuleno i Manase, ”Kanandio kimento'oriomo motae Ondae i Ue ndio Ira i oloto, nde nahi bali petenunumiu ndi Ondae i Ue. Tewala kanandio impotola iramo to Isaraeli inso ia pohuku-Do i Ue.”