Peluarakoa 16:7 - Wunta Mempori

⁷ Ka tempono mo'oru komiu mengkitao maramba-Do i Ue, nde Dorongeomo pewuruki miu ndi Ondae. Nde isemake omami andio, ka impewuruki ndi omami?”

Peluarakoa 16:7 ပူးပေါင်းရင်းမြစ်များ

Peluarakoa 16:10

Kontongaano mepau i Haruni a luwuno bawaa Isaraeli, mpewolili ira te'aro i pada one, domengkitaomo maramba-Do i Ue a laro nseru.

Peluarakoa 16:12

”Kurongeomo pewurukido to Isaraeli; pauako iramo: Tempono ngkiniwia komiu mpongkaa bau ka mo'oru komiu memowohi mpongkaa roti, onae ka imento'oriomo, nine Ongkuemo Ue, Ue Alamiu.”

Peluarakoa 16:8

Ipotae mbo'u i Musa, ”Ba lano Ondae i Ue anu moweeakomiu bau i tempono ngkiniwia ka roti kai melalembula i tempono mo'oru, hangano Dorongeomo i Ue pewuruki miu ndi Ondae, isemake omami andio? Pewuruki miu atuu komba ndi omami sine ndi Ondae i Ue!”

Peluarakoa 24:10

Domengkita Ira Ue Alado to Isaraeli pelandaano karu-Do kana horo anu wineweu inso a watu sapiri ka mewantano kana langi anu nahi menseru.

Peluarakoa 24:16

Maramba-Do i Ue mo'ia i wawo ntorukuno Sinai, ka seru tumutuwio torukuno atuu i larono onoo oleo. I oleo ko'opitu, Dopoboio i Musa inso a laro nseru atuu.

Peluarakoa 40:34

Umarino atuu seru kuma'uwio Kema Tepotowoa. Kema Mempori atuu bukeako maramba-Do i Ue,

Yesaya 35:2

kana bunga rosi onae ta marombo sisino, mengkokora-kora, oo mengkokora-kora ka maroa mengkokora-kora. Marambano Libano ta wineeako ndi onae, mewantano Karameli ka Saroni; oo, ira mengkitao maramba-Do i Ue, mewanta-Do Ue Alato.

Yesaya 40:5

asalakono maramba-Do i Ue ta pinokomengkaa ka luwuno mia ira mengkitao mperonga-ronga; mentee ntu'u, Dopauomo i Ue.”

Imama 9:6

Motae i Musa, ”Ndiomo peparenta-Do i Ue kai mentondao ka maramba-Do i Ue tengkita ndi omiu.”

Podoaa 14:10

Ka i'amba luwuno bawaa atuu mpotae ira mewunoakono watu mia orua ira atuu. Sine maramba-Do i Ue tengkita a Ngkema Tepotowoa a luwuno to Isaraeli.

Podoaa 14:27

”Hawe te'ipia mbo'u ke bawaa anu lambaha andio mpewuruki ndi Ongkue? Luwuno pewurukido to Isaraeli ndi Ongkue Kurongeomo.

Podoaa 16:11

Onaemo pu'uno, omue ka luwuno bawaa tumondako kontongaamiu memoroko umewai Ira i Ue. Hangano isemake i Haruni, kai mpewuruki ndi onae?”

Podoaa 16:42

Tempono dompepumpu bawaa atuu umewai ira i Musa ka i Haruni, ka dompewolili te'aro a Ngkema Tepotowoa, tengkitaomo seru atuu tumutuwio ka tengkitaomo maramba-Do i Ue.

Podoaa 17:5

Mia anu bininiki-Ku, tukono ta mentumba; kanandiomo kuliahakono inso ndi Ongkue pewuruki anu pinaudo to Isaraeli ndi omiu.”

I YOHANE 11:4

Tempono Dorongeo i Yesu lele atuu, Dopotae, ”Haki atuu nahi ta mowawa matea, sine ta mokomengkaao maramba-Do Ue Ala, hangano haki atuu Ana-Do Ue Ala Ira pinokomaramba.”

I YOHANE 11:40

Sumangki Ira i Yesu, ”Kombake umariomo Kupauakomu: Tewala upe'ala-alao kokumitao maramba-Do Ue Ala?”