Peluarakoa 16:3 - Wunta Mempori

³ ka dompotaeako ira, ”Aa! Laluopo Dopepate kamimo i Ue i wita Masiri, tempo atuu mpentoro kami mpotaroi kawali bukeako bau ka mpokaa roti ranta lalembula! Sekonopo i wawa kami mpeluarako hawe i pada one andio komiu mepate ira luwuno bawaa andio hangano mokoninggoa.”

Peluarakoa 16:3 ပူးပေါင်းရင်းမြစ်များ

2 Samueli 18:33

Masusaomo aroado mokole ka do'amba mewuatako a bolongko i wawono pewowa langkai ka dopengese. Kontongaado melempa, dopotae kanandio, ”Anaku Abisalo, anaku, anaku Abisalo! Bakanaano ongkue anu mate sekonopo omue, Abisalo, anaku, anaku!”

Ayubi 3:1

Umarino atuu i Ayubi mepau ka itotonaao oleo hinaano.

Ayubi 3:10

hangano nahi tondoo pewowano pe'anakaano ineku, ka nahi winuni masusaa inso a mataku.

Ayubi 3:20

Tembio mewine ka domewineeako anu mpe'isei, ka tuwu a anu mahaki aroa,

Po'unde-unde 107:5

memokoninggo ira ka memokoranga, sumangado telusa molema.

Po'unde-unde 78:19

Ondae mpepau umewai Ira Ue Ala, ”Poli Irake Ue Ala mompatinda meda pongkaanga i pada one?

Po'unde-unde 78:25

sompo mia mongkaaomo rotido mala'eka, ndi ondae hadio ntu'u.

Peluarakoa 14:11

Ka dompotae ndi Musa, ”Nde nahina pekaburua i wita Masiri, onaekoa kau wawa kami memate i pada one andio? Hapa tinoomu wawa kami mpeluarako inso i wita Masiri?

Peluarakoa 17:3

I ra'ai tongku atuu memokoranga. Tongku atuu mpewuruki iramo ndi Musa ka dompotae, ”Tembio kau wawa kami mpeluarako inso i wita Masiri? Nde komepate kami ke, luwuno ana mami ka pinotuwu mami ka kimemateako mokoranga?”

Peluarakoa 2:23

Tehine umari atuu mateomo mokole i wita Masiri. Sine to Isaraeli mpe'anaiki ira hangano pompe'ata. Mpeboo-booli ira, hangano pompe'ata atuu ka peboolido mpepetulungi, hawe ndi Ondae Ue Ala.

Peluarakoa 5:21

Ka do'amba motae ndi ondae, ”Po'ineomo Dokitao i Ue wineweumiu, ka humukukomiu hangano ipokomosa'oo nee mami i arono i Pirao ka a luwuno pegawaino, hangano kanarau, mengkenaomo ipoweeako ira ponai ka dompokoropu kami.”

Yeremia 2:6

Nahi dompesikeno mbo'u: Isua Irake i Ue, anu tumaate kita mpeluarako inso i wita Masiri, anu wawa kita i pada one, a wita anu londa ka mpebobanga, a wita anu tedoa mokari ka wongi-wongi, a wita anu nahi dontelaloio mia ka nahi dompo'iangario mia?

Yeremia 42:14

hangano pinewowolomiu, Naahi! Kami melako i wita Masiri, isua nahi kami mpompembasai peteaa, mporonge unino tawuwua, ke marasai mokoninggo; i ra'aimo kami mpo'ia!,

Yeremia 44:17

Sine, kami meweweuo mpiha luwuno anu pinaumami: mpontunu pesomba a mpinesombai beine i suruga ka mpompesombaako pesomba tinawa ndi onae kana anu kimeweweuomo, omami ka uempu'umami, luwuno mokolemami ka luwuno mia pinemota'umami a luwuno kotano Yehuda ka a luwuno sala i Yerusale. I tempo atuu hadio kaangamami, meme'ura ka nahi kipompemarasai.

Ponsabangi 4:9

Me'ura irapo anu memate hangano ponai sekonopo ondae anu memate hangano mokoninggo, anu mpe'isei ka memate hangano nahina hasilino lere.

Podoaa 11:15

Tewala moweweu Komiu kanandio ndi ongkue, moikoopo Ipepate akumo, tewala lano aku mohawe pompehohawa a pongkita-Miu, ka siimo kukitao urasa'oku.”

Podoaa 11:20

sine sompo asa wula, ranta bau atuu meluarako inso a engemiu ka ranta kai memongkokowuere. Hangano impebungkui Iramo i Ue anu kongko i tonga-tongamiu ka mpengese i aro-Do ka mpotae: Pombio ke ka tompeluarako inso i Masiri?”

Podoaa 14:2

Luwudo to Isaraeli mpewuruki ndi Musa ka ndi Haruni ka luwuno bawaa atuu mpotaeako ira, ”Ha, ba kimematemo koa i wita Masiri ke i pada one andio!

Podoaa 14:3

Tembio ka Howawa kami i Ue i wita andio, ka kimemateako ponai, ka kombia ka luwuno ana mami gagi mia tinawa? Nahi moikoopo ke kimpekule i wita Masiri?”

Podoaa 16:13

Napi sompo ke, nine uwawa kami mpeluarako inso i asa wita anu hadio ntu'u susu ka siu hoanino kai po'inee kami memate i pada one, ka da upokogagio mbo'u koroimu ue ndi omami?

Podoaa 16:41

Sine, tisomono luwuno bawaa Isaraeli mpewuruki ndi Musa ka ndi Haruni, dompotae, ”Ipepate iramo bawaa-Do i Ue.”

Podoaa 21:5

Ka do'amba mpepauki umewai Ira Ue Ala ka i Musa, ”Tembio ka Iwawa kami mpeluarako inso i Masiri? Ka kimemate i pada one andio? Hangano i ndi'ai nahina roti ka nahina uwoi, ka kaanga motewe andio nte'osa kamimo.”

WINEWEUDO TINENA 26:29

Motae i Paulu, ”Aku mekakai ndi Ondae Ue Ala, ka ironga ke kotehi-tehineno komba butu omiu, sine luwuno mia mehano anu mehawe i ndi'ai ka anu merongeo pauku gagi mpengkena saru ongkue, sangkadio pongu andiodo.”

1 KORINTI 4:8

Memowohi komiumo, gagi komiumo mengkaea, maupo nahi saru omami megagi komiumo mokole. Anai, tedoa moiko tewala mentee kanandio, nine megagi komiumo mokole, ranta omami mbo'u tetonda gagi mokole saru omiu.

2 KORINTI 11:1

Tedoa moiko, tewala mensabara komiu a benge-bengeku anu kodei atuu. Lano mensabara komiu ndi ongkue!

Winali 28:67

Tempono mo'oru komiu mpotae, ”A, ande-andeno wongi andio!” ka tempono wongi komiu mpotae, ”A, ande-andeno mo'oru andio!” hangano aroamiu bukeako doito, ka hangano hapa anu kinitano matamiu.

Winali 8:3

Gagi Doweweu komiu mpe'urumako, mo'inee komiu memokoninggo ka Dopakaa komiu mana anu nahi imento'orio ka anu nahi domento'orio mbo'u uempu'umiu, Ira weweu komiu kai mento'orio, nine mia mentuwu komba butu inso a roti, sine mia mentuwu inso a luwuno anu pinau-Do i Ue.

Yosua 7:7

Mepauomo i Yosua, ”O, Ueku Ue Ala, tembio ka Itena ira tongku andio mensakio koro Yarade? Ka kimempineweengako ia mia to Amori ka kimempinepate? Da laluopo ba kimempakosio mpo'ia i asatowano koro Yarade!