Peluarakoa 15:7 - Wunta Mempori

⁷ Saru mpoponangi-Miu anu langkai Iropu ira anu umewaiko-Miu; Ipotolao tekuda-Miu, kana langano api, kumaa ira kana seami.

Peluarakoa 15:7 ပူးပေါင်းရင်းမြစ်များ

Ayubi 9:4

Ondae Ue Ala atuu tedoa monto'ori ka tedoa moroso, isemake anu mokompeteahako umewai Ira, ka kongko tekadudui?

Po'unde-unde 148:13

Po'ineeomo luwuno me'unde-undeo nee-Do i Ue, hangano butu nee-Do anu maramba, maramba-Do lumaloio tolino ka langi.

Po'unde-unde 59:13

Hangano halano ngangado onaemo pinauno wiwido, po'ineeomo domengkona rako a laro pompelangka-langkaido. Hangano pontotonaa ka pegaupi anu pinaudo,

Po'unde-unde 68:33

Hei luwuno poparentaa ntolino, penanimo tia-Do Ue Ala, penanimo unde-unde Ira i Ue; Sela

Po'unde-unde 83:13

anu mpotae, ”Aiwamo tompentorokio pada pompakambia-Do Ue Ala!”

Peluarakoa 14:27

Onaemo kai taangakono i Musa kaeno a wawo ntahi, mansano umpeda meene mepokuleomo uwoi ntahi a mpo'iangaano, ka to Masiri atuu mempolai inso i arono uwoi atuu. Kanatuumo Ondae i Ue metadiako ira to Masiri a tonga ntahi.

Peluarakoa 5:12

Ntesiarawo iramo to Isaraeli mesompoo wita Masiri mpopumpu keuno gandu euno seami.

Peluarakoa 9:16

Sine tinoo-Ku ka Kupo'ineekomiu mentuwu, onaemo ka imengkitao roso mpabawa-Ku, ka itelele nee-Ku i asa wawontolino.

Yesaya 37:17

Ipo'aroomo biri-Miu, oo Ue, ka Irongeomo. Iwileomo mata-Miu, oo Ue, ka Ikitaomo. Irongeomo luwuno pinauno i Saniheri anu i'oliwiomo mokongkodei-Komiu Ue Ala anu tuwu.

Yesaya 37:23

Isemake anu pinokongkodeimu ka pinepaukiakomu? Te'aro ndi semake upokomerokuo suaramu ka mengkita saru mompelangka-langkai? Te'aro ndi Ondae Anu Tedoa Mempori, Ue Alado to Isaraeli!

Yesaya 37:29

Hangano momemukomo ndi Ongkue, ka pompelangka-langkaimu mewuatakoomo hawe a biri-Ku, Aku mokonao kai-Ku a engemu ka sama-Ku a ngangamu. Aku mokuleko telalo a nsala inso isua u'aiwa.

Yesaya 37:36

Ka i'amba meluarakoomo Mala'eka-Do i Ue ka mepateo asa etu halo pulu ka olima nsowu mia a mpekemaado to Asiuri. Tisomono, tempono dompewangu mia mo'oru, tengkitaomo luwuno gagiomo wata ngkoroi!

Yesaya 37:38

Pohona tempono ipekakai a laro raha po'iangano Nisiriroki, pinesombaino, i Adarameleki ka i Sareseri anano, mepateakono ponai. Ka do'amba molai i wita Arara. Ka i'amba i Esaradoni, anano, gagi mokole umeuo.

Yesaya 47:14

Menteeano, ondae kana seami anu tinununo api; ondae nahi dompokompetolahako inso a mpabawano langano api, komba waro api pelahoi, komba api pominua!

Yesaya 5:16

Sine Ondae Ueno luwuakoano lano tedoa mantande a laro moleoa-Do, ka Ondae Ue Ala anu tedoa mempori mokomengkaao pentoroa-Do a laro menteea-Do.

Yesaya 5:24

Onaemo pu'uno, kana elo api mongkaa seami, ka kana ewo mokari pingko tampula a laro langano api, kanatuumo luwuno hakado ta moboo, ka sisino mpenee kana awu, hangano nahi domentarimao pompaguru-Do Ueno luwuakoano ka mentatao pau-Do Anu Tedoa mempori, Ue Alado to Isaraeli.

Yeremia 10:6

Nahina kana Omiu, oo Ue! Omiu tedoa langkai ka langkai nee-Miu hangano tedoa moroso.

Mika 4:11

Kanandio-andio hadio tongku mpepumpu umewaiko. Dompotae, ”Po'ineeomo onae isinosa'ai, po'ineeomo matato mo'ila kumitao Sioni!”

Sakaria 14:3

Ka i'amba Ondae i Ue Ira lumako metea umewaio luwuno tongku atuu kana Dopetea a oleo peteaa.

Sakaria 14:8

A oleo atuu uwoi tuwu ta waa inso i Yerusale, asa ntia oruano waa a ntahi i sabaano oleo, ka asa ntia oruano mbo'u a ntahi i sumooano oleo. Kanandiomo anu ta gagi i tempo motu'i ka i tempo morini.

Sakaria 2:8

Hangano kanandiomo pau-Do Ueno luwuakoano, anu a laro maramba-Do tumena akumo, mongkona luwuno tongku anu mpomuru komiumo, hangano isema dumanggi komiu, pengkonaano dumanggio ihi mata-Do.

Maleaki 4:1

Menteeano oleo atuu hawe, melanga kana pompuuria api. Luwuno mia mompelangka-langkai ka mia anu moweweu gau mosa'o gagi kana seami. Oleo anu hawe atuu ta tumunu ira, pau-Do Ueno luwuakoano, ranta nahina binintano haka ka sampado.

I MATIU 3:12

Poduku kongkoomo a ngkae-Do. Ira mokomorinao ponsesaa-Do ka pumpuo gandu-Do a laro nsi'e, sine awuno seami atuu Ira tumunuo a laro api anu nahi pinokompepate.”

WINEWEUDO TINENA 9:4

Onae tebangku a wita ka irongeomo aasa suara anu mepau ndi onae, ”Saulu, Saulu, tembio ka ubobarasai Aku?”

Winali 33:26

Nahina kana Ondae Ue Ala, hei Yesuruni. Ondae mepole ilangi gagi pontulungimu ka luwuno seru a laro maramba-Do.

Winali 4:24

Hangano, Ondae i Ue, Ue Alamiu, onaemo api anu mompokomo'ai, Ondae Ue Ala anu monsiri.

IBARANI 12:29

Hangano Ondae Ue Alato onaemo api anu mompokomo'ai.