Peluarakoa 15:1 - Wunta Mempori

¹ Itempono atuu i Musa saru to Isaraeli mpenaniako mpenani andio ndi Ondae i Ue, ”Aku menani ndi Ondae i Ue, nde Ondae maramba ka poponangi, ngara ka anu mesawikio Dopetadiako ira a laro ntahi.

Peluarakoa 15:1 ပူးပေါင်းရင်းမြစ်များ

Nehemia 9:11

Iponsiao tahi i arodo, ranta kadompokosaki telalo a motu'iano i tonga-tongano tahi. Sine luwuno anu lumulu ira Ipetadiako ira a uwoi anu ondalo kana watu a uwoi anu mongkokongiri.

Ayubi 36:24

Pewowoloomo nine omue asalakono melangkaio wineweu-Do, anu dowela mpenaniako mia.

Po'unde-unde 105:43

Dotaate ira bawaa-Do mpeluarako saru mawongko ka luwuno mia bininiki-Do mengkokora-kora mpo'unde.

Po'unde-unde 106:12

Tempo atuu mpompe'ala-ala iramo a luwuno pau-Do, ka mpenaniako po'unde-unde ndi Ondae.

Po'unde-unde 107:15

Po'ineeomo dompontarimakasi ndi Ondae i Ue hangano pompehohawa-Do, hangano luwuno wineweu-Do anu kinohali-haliako a luwuno anano mia,

Po'unde-unde 107:8

Po'ineeomo dompontarimakasi ndi Ondae i Ue hangano pompehohawa-Do, hangano luwuno wineweu-Do anu kinohali-haliako a luwuno anano mia,

Po'unde-unde 32:7

Omiumo pewuniaku, a ma'isoa Omiu dumagai aku, Omiu lumimbu aku, ranta kakutola ka mebooli. Sela

Po'unde-unde 76:6

Mia anu memosia mempinomuru iramo, merodo ira a laro mpoturido, ka luwuno mia anu moroso ka mosia tetadi rosodo.

Po'unde-unde 76:7

Hangano te'ise-Miu, oo Ue Alano i Yako, tekoturi rodo anu mesawi maupo ngarano.

Peluarakoa 14:26

Mepau Iramo i Ue ndi Musa, ”Taangakono kaemu a wawo ntahi, ka ipepokule uwoi kuma'uwi ira to Masiri, karetado ka mia anu mpengara.”

Peluarakoa 14:27

Onaemo kai taangakono i Musa kaeno a wawo ntahi, mansano umpeda meene mepokuleomo uwoi ntahi a mpo'iangaano, ka to Masiri atuu mempolai inso i arono uwoi atuu. Kanatuumo Ondae i Ue metadiako ira to Masiri a tonga ntahi.

Peluarakoa 15:21

I Miria tumondao penanido to Isaraeli, ”Aku menani umunde-unde Ira i Ue, nde Ondae maramba poponangi; ngara ka miano Dopetadiako ira a ntahi.”

Peluarakoa 18:11

Kanandio-andio kuto'oriomo, nine Ondae i Ue lalu langkai pabawa-Do sekonopo luwuno lahumoa, ka Doweweu ira kanatuu hangano to Masiri mpopelangka-langkai iramo ndi ondae.”

Powadi 29:6

Mia anu moweweu mosa'o te'ohoako polimpa'ino, sine mia mentee ta kumora ka mo'unde.

Yesaya 42:10

Penaniakonomo penani wo'ohu tia-Do i Ue ka unde-unde Iramo inso i tompano tolino, hei omiu anu mpetii a ntahi, hei luwuno ihino, luwuno togo saru luwuno palilino.

Yeremia 51:21

saru omue Aku merawo-rawoo ngara ka anu mesawikio, saru omue Aku merawo-rawoo kareta ka anu me'ulaio,

Hosea 2:17

Aku mowutu pedandia ndi omue i tempo atuu saru luwuno kondehora i tongampada, saru luwuno manu-manu i laro meene, ka luwuno kondehora melele a wawo wita; Aku umoninio wo'eno pana, ponai ka parewa mpetea inso i witamu, Aku weweuko rodo mepombole.

Habaku 3:18

sine aku mo'unde ndi Ondae i Ue, mebooli mo'unde ndi Ondae Ue Ala anu kumadudui aku.

Podoaa 21:17

I tempo atuu to Isaraeli mpenaniako penani andio, ”Luluamo, hei sumuru! Aiwa to mpenani ntepoposangki, hangano sumuru anu mengkinekedo mokole,

KOLOSE 2:15

Dololohi iramo anu mpeparenta ka anu mempabawa ka mokogagi ira kikitaado mia hadio a mponangi-Do ndi ondae.

MENGKAAA 15:3

Ka dompenaniako penanino i Musa, tetenaa-Do Ue Ala, ka penani-Do i Ana Bimba, unino, ”Langkai ka kinohali-haliako inangga-Miu, oo Ue, Ue Ala, Anu Tedoa Pabawa! Moleo ka mentee luwuno pesalaa-Miu, oo Mokoleno luwuno tongku!