Peluarakoa 14:4 - Wunta Mempori

⁴ Aku mokomoteao aroano i Pirao, kai lampui ira. Aku mokomengkaao maramba-Ku ndi Pirao ka a luwuno sorodaduno, ka domento'orio koa to Masiri, nine Ongkuemo Ue.” Onaemo ka domeweweuo.

Peluarakoa 14:4 ပူးပေါင်းရင်းမြစ်များ

Nehemia 9:10

Ipopokitaomo luwuno petondoni ka luwuno anu kinohali-haliako i arono i Pirao ka luwuno pegawaino saru luwuno palili i witano, hangano Omiu tumo'orio pompelangka-langkaido ndi ondae uempu'umami. Kanandiomo Iweweuo nee-Miu telele kana anu mengkaa oleo andio.

Peluarakoa 10:2

ka omue tumutuluako ira ana uemu, kana'umpe kupemae-maeako ira to Masiri ka petondoni hapa anu kinohali-haliako Kupopokitaako ira ndi ondae, nde ka imento'orio koa, nine Ongkuemo Ue.”

Peluarakoa 10:27

Sine Ondae i Ue mokomoteao aroano i Pirao, onaemo ka nahi eheako ira.

Peluarakoa 12:28

Melako iramo to Isaraeli, ka domeweweuo kana petena-Do i Ue ndi Musa ka ndi Haruni, kanatuumo domeweweuo.

Peluarakoa 14:23

To Masiri lumampui ira, luwuno ngarano i Pirao, karetano ka mia mpesawi a ngara tumonda lembui ira hawe a tonga ntahi.

Peluarakoa 14:25

Doweweuo bolano karetado melempa tintihere ka mobea lakono, onae ka dompotae to Masiri, ”Aiwa kato mpolai binta ira to Isaraeli, nde Ondaemo i Ue anu me'iwaliako ira to Isaraeli umewai kita.”

Peluarakoa 14:3

Ta motae i Pirao, ’Mebulalingo iramo to Isaraeli atuu i wita andio, pada one kumadu ira.’

Peluarakoa 14:5

Mansano pinauako mokole i wita Masiri, nine to Isaraeli atuu mpolai iramo, tebaliomo aroano i Pirao saru luwuno pegawaino a tongku atuu, ka dompotae, ”Hapake anu wineweuto andio, ranta ka tompo'inee ira to Isaraeli melako inso a mpope'ataato?”

Peluarakoa 14:8

Ondae i Ue mokomoteao aroano i Pirao, mokole Masiri atuu, onaemo ka ilampui ira to Isaraeli. Sine to Isaraeli mpelempa ira mpiha kae-Do i Ue kumongkomi ira.

Peluarakoa 18:11

Kanandio-andio kuto'oriomo, nine Ondae i Ue lalu langkai pabawa-Do sekonopo luwuno lahumoa, ka Doweweu ira kanatuu hangano to Masiri mpopelangka-langkai iramo ndi ondae.”

Peluarakoa 6:7

Aku wawa komiu a wita anu Kudandiomo, Aku weeakono i Burahima, i Saki ka i Yako. Aku weeakomiu gagi tiamiu. Ongkuemo Ue.”

Peluarakoa 7:17

Onaemo pu'uno, kanandiomo pau-Do i Ue: Inso anu ta gagi andio, ko tumo'orio, nine Ongkuemo Ue. Pauakono i Pirao: Kitao, tuko a ngkaeku andio, aku wombaakono uwoi i koro Nili, ka uwoi atuu ta bali gagi rea.

Peluarakoa 7:3

Sine Aku mokomoteao aroano i Pirao ka Aku mompoko hadio petondoni ka moweweu kinohali-haliako i wita Masiri.

Peluarakoa 7:5

To Masiri atuu iramo mento'orio nine Ongkuemo Ue, tewala Kupotiio kae-Ku a nto Masiri ka wawa ira to Isaraeli mpeluarako inso i olodo.”

Peluarakoa 9:16

Sine tinoo-Ku ka Kupo'ineekomiu mentuwu, onaemo ka imengkitao roso mpabawa-Ku, ka itelele nee-Ku i asa wawontolino.

Yehesikieli 20:9

Kuweweuo a nee-Ku, ka si kinokoburuti nee i arodo luwuno tongku, ba isua domekongko. I arodo luwuno tongku atuu Ongkue mepopokita ndi ondae saru wawa ira mpeluarako inso i wita Masiri.

Yehesikieli 28:22

ka potaemo: Kanandiomo pau-Do Ue Ala: Kitao, Ongkue gagi ewaimu, hei Sidoni, ka Aku mopokitao maramba-Ku i tonga-tongamu. Ira mento'orio nine Ongkuemo Ue, i tempono Kudontaiakono pohuku ka tumisoo mempori-Ku ndi onae.

Yehesikieli 32:15

I tempono Masiri Kupokogagio boni-boni, saru mbo'u pingko pinokotampula luwuno ihino wita ka luwuno palilino Kutunduhi ira luwu; ka ira mento'orio nine Ongkuemo Ue.

Yehesikieli 38:16

Omue mentade umewai ira bawaa-Ku Isaraeli kana seru anu tumutuwio tolino. A tempo anu ta hawe mongkona atuu ta gagi, ka Aku wawako umewaio wita-Ku, ka domento'ori Aku luwuno tongku, i tempono Kupopokitao mempori-Ku ndi omue i arodo, hei Goge.

Yehesikieli 38:23

Aku mopokitao langkaino pabawa-Ku ka mempori-Ku, saru mokomengkaao koroi-Ku i arodo hadio tongku. Ka ira mento'orio nine Ongkuemo Ue.

Yehesikieli 39:13

Luwuno palilino wita mpetonda kumaburu ira. Mongkona atuu mokogagi ira teto'ori a oleo Kupokomengkaao maramba-Ku, kanandiomo pau-Do Ue Ala.

Imama 10:3

Mepauomo i Musa ndi Haruni, ”Onaemo andio anu pinau-Do i Ue: Mia anu umpeda ndi Ongkue Kupokomengkaao mempori-Ku, ka i arodo luwuno tongku atuu Aku mopokitao maramba-Ku.” I Haruni butu menoro-noro.

ROMA 11:8

kana hinao teburi, ”Ondae Ue Ala weweu ira ntekoturi rodo, moweeako ira mata ka si dompongkita ka biri ka si domporonge, hawe a oleo kanandio-andio.”

ROMA 9:17

Hangano Wunta Mempori mepau ndi Pirao, ”Onaemo pu'uno ka Kupontadeko, onaemo ka Kupopokitao pabawa-Ku ndi omue, ka ipinalele nee-Ku i asa wawontolino.”

ROMA 9:18

Gagi Dopehohawao ndi sema anu inehe-Do ka Dopokomoteao aroano isema anu inehe-Do.

Yosua 11:20

Hangano Ondae i Ue anu mokomoteao aroado, onaemo ka dompeteaako ira to Isaraeli, ka domempinokoropu kasi domempinehohawa, sine merinopu, kana anu petena-Do i Ue ndi Musa.

Puu Mpobitara 4:7

ka Aku weweuo i Sisera, tadulako sorodadudo to Yabi, saru luwuno kareta ka sorodaduno lumako umaropiko, i Korono Kisoni, ka Aku meweengakono ia ngkaemu.”