Peluarakoa 13:9 - Wunta Mempori

⁹ Ndi omiu pesomba andio, kai gagi petondoni a ngkaemiu ka ipetako a ra'imiu ka songka-Do i Ue kongko a wiwimu, hangano kae-Do i Ueanu moroso wawakomiu mpeluarako inso i wita Masiri.

Peluarakoa 13:9 ပူးပေါင်းရင်းမြစ်များ

Nehemia 1:10

Kombake luwudo andio tetenaa-Miu ka bawaa-Miu anu Ipotolaako iramo roso-Miu anu langkai ka kae-Miu anu moroso?

Po'unde-unde 136:11

ka anu wawa ira to Isaraeli mpeluarako inso i tonga-tongado, menteeano ranta nahina tampulaano pompehohawa-Do;

Po'unde-unde 136:12

saru kae-Do anu moroso ka tokia tetande! Menteeano ranta nahina tampulaano pompehohawa-Do.

Po'unde-unde 89:13

Utara ka selata, Omiu koa anu mokogagio. Tabori ka Heremoni kokora-kora mo'unde hangano Omiu.

Peluarakoa 12:14

Oleo andio ta gagi oleo pepopoto'ori ndi omiu. Asalakono impelangkaio oleo atuu gagi oleo langkai-Do i Ue hawe a inulemiu. Kanatuumo sompo ta'u asalakono impelangkaio mpiha gagi pompakosi.

Peluarakoa 12:41

Umarino pato etu ka tolu pulu nta'u, kona i oleo atuu, mpeluarako iramo luwu baresino bawaa-Do i Ue inso i wita Masiri.

Peluarakoa 13:14

Tewala lembuiano mpesikeno ira anamiu, ’Hapa pengkonaano atuu?’ Pauako ira nine, ’Hangano kae-Do i Ue anu moroso wawa kita mpeluarako inso i wita Masiri, inso a mpo'ianga tepe'ataa.

Peluarakoa 13:16

Mongkona anu kanatuu asalakono gagi petondoni a ngkaemu ka ipetako a ra'imiu, hangano kae-Do i Ue anu moroso wawa kita mpeluarako inso i wita Masiri.”

Peluarakoa 13:3

Ka i'amba motaeako ira i Musa tongku atuu, ”Impelangkaio oleo andio, nde oleo andio impeluarako inso i wita Masiri, inso a mpo'ianga tepe'ataamiu; hangano kae-Do i Ue anu moroso wawakomiu mpeluarako inso i wita Masiri. Onaemo pu'uno kaanga hapamo koa anu meragi, si kinaa.

Peluarakoa 3:20

Aku pakeo pabawa-Ku humukuo wita Masiri saru luwuakoano wineweu anu kinohali-haliako, anu Aku weweuo ndi ondae. Umarino atuu, ka do'amba mpo'ineekomiu melako.

Peluarakoa 7:4

Tewala nahi perorongeakomiu i Pirao, Aku motiio kae-Ku moweeako ira pohuku anu mobea a nto Masiri, ka lumuarako ira mia-Ku, bawaa-Ku, to Isaraeli inso i wita Masiri.

Powadi 1:9

hangano kalono bunga anu tekosi atuu tiano ulumu, ka enu-enu tiano we'umu.

Powadi 3:21

Hei anaku, pontimbanga ka pande mosongka si olai inso a matamu, pekariaomo atuu,

Powadi 7:23

hawe ana mpana lumompahio aroano; kana manu-manu montuturako te'aro a mporakoa, nahi pokonto'orio nine tuwuno ta masolaa.

Penani Maramba 8:6

Naa akumo kana pontondoni a aroamu, kana pontondoni a ntokiamu, hangano pompehohawa moroso kana matea, po'eheno ngisi kana tolinodo mia mate, langano onaemo langano api, kana langano api-Do i Ue!

Yesaya 27:1

I tempo atuu Ondae i Ue Ira weweuo pohuku mompake ponai-Do anu montaso, langkai ka moroso a Lewiata, ule anu molore, a Lewiata, ule anu monggelo-nggelo, ka Ira mepateo ule naga anu a ntahi.

Yesaya 40:10

Kitao, Ondae Ue Ala hawe saru roso ka saru kae-Do Dopokomengkaao pabawa-Do. Kitao, ondae anu megagi tambono pe'i'isei-Do kongko saru Ondae, ondae anu hinawe-Do mpelempa i aro-Do.

Yesaya 44:5

Anu asa ta motae: Ongkue mia-Do i Ue, anu susua pauo koroino meneeako i Yako, ka anu susuano mbo'u burio a ngkaeno: Tia-Do i Ue, ka motoroo koroino meneeako i Isaraeli.”

Yesaya 49:16

Kitao, Kunggorikomo a mpele ngkae-Ku; luwuno rere watumu kongko mpiha a laro mata-Ku.

Yesaya 51:9

Pekaangakomo, pekaangakomo! Pokonaomo roso, hei kae-Do i Ue! Pekaangakomo kana i tempo se'eluno ntu'u, ia tempo inule anu ndi'ipua ntu'u! Komba Omiuke anu purokio i Rahabi, anu montobo naga ranta mate?

Yesaya 59:21

Ndiomo pedandia-Ku saru ondae, pau-Do i Ue, Penaa-Ku anu medongkoiko ka pau-Ku anu kunaao a laro ngangamu nahi ta bintao ngangamu saru ngangado inulemu ka inuledo, mompu'u kanandio-andio hawe nahina tampulaano, pau-Do i Ue.

Yeremia 22:24

”Hangano Ongkue anu tuwu, kanandiomo pau-Do i Ue, maupo i Konia anano i Yotakimi, mokoledo to Yehuda, onaemo sinsi pontondoni a ngkae koana-Ku, Aku butako!

Danieli 9:15

Onaemo pu'uno, oo Ue, Ue Alamami, anu iwawaako iramo kae anu moroso bawaa-Miu mpeluarako inso i wita Masiri ka weweuo nee-Miu telele kana a oleo andio, mpoweweu kamimo hala, mpoweweu kamimo gau mosa'o.

Yoeli 2:11

Ondae i Ue moporongeo pau-Do i arono sorodadu-Do. Mentee ntu'u, tedoa hadio sorodadu-Do, moroso ntu'u anu meleluakono pau-Do. Tedoa ntu'u mongkokongiri oleo-Do i Ue atuu. Isema anu moko'ontoo?

Podoaa 15:39

Tempono imengkitao rawe-rawe atuu, ta mopoto'oriakomiu a luwuno parenta-Do i Ue, ranta ka imeweweuo, ka nami mentondao mbo'u po'eheno aroa ka matamiu, anu weweu komiu mepansia.

I MATIU 23:5

Luwuno anggaa anu mewineweudo butu tinoodo ka domengkitao mia; mpopokona ira peboo pekakaido anu molue ka wuakino lemba anu meloe;

ROMA 10:8

Sine hapake pinauno? Ndiomo, ”Pau atuu umpeda ndi omue, onaemo a laro ngangamu ka i laro aroamu.” Onaemo atuu pauno pompe'ala-ala, anu pinalelemami.

Winali 30:14

Sine pau andio umpeda ntu'u ndi omue, ilaro ngangamu ka ilaro aroamu kau weweuo

Winali 5:15

Asalakono impewowoloo nine omiu i ndi'ipua ata koa mbo'u i wita Masiri ka Dowawa komiu i Ue, Ue Alamiu mpeluarako inso i ra'ai saru kae moroso ka tokia tetande. Onaemo pu'uno, Ondae iUe, Ue Alamiu parenta komiu mpelangkaio oleo Saba.

Winali 6:21

Asalakono imesangki ira anamiu atuu, ”Ontae i ndi'ipua atano i Pirao i wita Masiri, sine saru kae-Do anu moroso, Ondae i Ue wawa kita mpeluarako inso i wita Masiri.

Winali 6:6

Hapa anu kuparentaa komiu a oleo andio, asalakono impekokoongakono.

Winali 6:8

Asalakono impetanggoakono gagi petondoni a ngkaemiu ka mempokogagio petondoni i ra'imiu.

MENGKAAA 18:8

Onaemo pu'uno luwuno marasaiano ta hawe i larono aasa oleo, onaemo haki lele ka po'inombo ka mokoninggoa; ka onae ta tinunu a api, hangano Ondae Ue Ala, anu bitarao, moroso Ira.”

Puu Mpobitara 2:12

Dompebungkui ira i Ue, Ue Ala ue mpu'udo anu lumuarako ira te'inso i wita Masiri. Domentondao anu pinesombai susua, inso i olono anu pinesombaido tongku anu lumimbu ira. Ka dompesombaio anu pinesombaido atuu anu mokotensilao tekuda-Do i Ue.