Peluarakoa 13:3 - Wunta Mempori

³ Ka i'amba motaeako ira i Musa tongku atuu, ”Impelangkaio oleo andio, nde oleo andio impeluarako inso i wita Masiri, inso a mpo'ianga tepe'ataamiu; hangano kae-Do i Ue anu moroso wawakomiu mpeluarako inso i wita Masiri. Onaemo pu'uno kaanga hapamo koa anu meragi, si kinaa.

Peluarakoa 13:3 ပူးပေါင်းရင်းမြစ်များ

Tegagia 15:16

Sine inule anu ko'opaa ira mpekule i ndi'ai, hangano mosa'ono poweweudo to Amori atuu napi inihii ranta kanandio-andio.”

1 Mokole 8:42

hangano ira merongeo mia mongkona nee-Miu anu langkai ka kae-Miu anu moroso saru tokia-Miu anu tetande — tewala onae aiwa mekakai i raha andio,

1 Tawarika 16:12

Imerorambeomo luwuno wineweu-Do anu kinohali-haliako, luwuno pabawa-Do ka luwuno pompakosi anu pinau-Do,

Nehemia 1:10

Kombake luwudo andio tetenaa-Miu ka bawaa-Miu anu Ipotolaako iramo roso-Miu anu langkai ka kae-Miu anu moroso?

Nehemia 9:10

Ipopokitaomo luwuno petondoni ka luwuno anu kinohali-haliako i arono i Pirao ka luwuno pegawaino saru luwuno palili i witano, hangano Omiu tumo'orio pompelangka-langkaido ndi ondae uempu'umami. Kanandiomo Iweweuo nee-Miu telele kana anu mengkaa oleo andio.

Po'unde-unde 105:5

Rambeomo luwuno poweweu kinohali-haliako anu wineweu-Do, luwuno wineweu-Do anu kinohali-haliako ka pomputusi-Do anu pinau-Do,

Po'unde-unde 114:1

Tempono dompeluarako to Isaraeli inso i Masiri, suku inuleno i Yako inso a tongku anu susua paudo,

Po'unde-unde 136:11

ka anu wawa ira to Isaraeli mpeluarako inso i tonga-tongado, menteeano ranta nahina tampulaano pompehohawa-Do;

Po'unde-unde 136:12

saru kae-Do anu moroso ka tokia tetande! Menteeano ranta nahina tampulaano pompehohawa-Do.

Po'unde-unde 89:14

Omiu koa me'ueo tokia anu moroso, kae-Miu moroso ka kae ngkoana-Miu tetande mantande.

Peluarakoa 12:15

Opitu oleo tehineno imempokaa roti anu nahi peragi. Oleo ko'aasa ragi anu kongko a laro rahamiu imentadio, nde i larono opitu oleo atuu, isema mia anu mongkaa hapamo koa anu meragi, mia atuu linuarako inso a bawaa Isaraeli.

Peluarakoa 12:17

Gagi asalakono impelangkaio Oleo Langkai Roti Nahi Peragi, nde ia oleo atuu Kuwawao pebaresimiu mpeluarako inso i wita Masiri. Asalakono ka impelangkaio oleo atuu ranta hawe a inulemiu. Onaemo pompakosi ranta nahina tampulaano.

Peluarakoa 12:19

Opitu oleo tehinenio kasihina ragi i rahamiu, nde mia anu mongkaa hapamokoa anu meragi, asalakono mia atuu linuarako inso a bawaa Isaraeli, moiko mia hawe maupo to Isaraeli.

Peluarakoa 12:2

”Wula andio tumondonio pompu'uano luwuakoano wula ndi omiu; onaemo wula ko'aasa a mpodoamiu wula sompo ta'u.

Peluarakoa 12:41

Umarino pato etu ka tolu pulu nta'u, kona i oleo atuu, mpeluarako iramo luwu baresino bawaa-Do i Ue inso i wita Masiri.

Peluarakoa 12:42

Wongi atuu Ondae i Ue dumagai ira ka tumaate ira a mpelempado mpeluarako inso i wita Masiri. Wongi atuu nahi ira mengkolupeo to Isaraeli mpedagai ndi Ondae i Ue ranta a inuledo.

Peluarakoa 12:8

Bauno asalakono rinarami ka i'amba kinaa a wongi koa atuu saru roti anu nahi peragi ka inahu mopa'i.

Peluarakoa 13:14

Tewala lembuiano mpesikeno ira anamiu, ’Hapa pengkonaano atuu?’ Pauako ira nine, ’Hangano kae-Do i Ue anu moroso wawa kita mpeluarako inso i wita Masiri, inso a mpo'ianga tepe'ataa.

Peluarakoa 13:9

Ndi omiu pesomba andio, kai gagi petondoni a ngkaemiu ka ipetako a ra'imiu ka songka-Do i Ue kongko a wiwimu, hangano kae-Do i Ueanu moroso wawakomiu mpeluarako inso i wita Masiri.

Peluarakoa 20:2

”Ongkuemo Ue, Ue Alamu, anu wawakomiu mpeluarako inso i wita Masiri, inso a ntepe'ataa.

Peluarakoa 20:8

Impewowoloo ka impokomemporio oleo Saba.

Peluarakoa 23:15

Oleo Langkai Roti Nahi Peragi asalakono impelangkaio. Kana anu umariomo Kutenaa komiu, i larono opitu oleo omiu asalakono impokaa roti nahi peragi ia tempo anu pinakosi a wula Abi, hangano a wula atuumo omiu mpeluarako inso i wita Masiri. Sine, mia anu mesomba ndi Ongkue, si aiwa moa ngkae.

Peluarakoa 3:20

Aku pakeo pabawa-Ku humukuo wita Masiri saru luwuakoano wineweu anu kinohali-haliako, anu Aku weweuo ndi ondae. Umarino atuu, ka do'amba mpo'ineekomiu melako.

Peluarakoa 34:18

Oleo Langkai Roti Nahi Peragi asalakono imerame-rameo. Kana anu umariomo Kutenaakomu, opitu oleo tehineno asalakono impongkaa roti nahi peragi, a tempo anu pinakosi a wula Abi, hangano a wulamo atuu impeluarako inso i wita Masiri.

Peluarakoa 6:1

Umarino atuu mepau Ira Ue Ala ndi Musa, ”Ongkuemo Ue.

Peluarakoa 6:6

Aku mokogagi komiu bawaa-Ku ka Ongkue Ue Alamiu, ka imento'orio nine Ongkuemo Ue, Ue Ala anu motola komiu inso a mpedadaido mpo'angga a to Masiri.

Peluarakoa 6:7

Aku wawa komiu a wita anu Kudandiomo, Aku weeakono i Burahima, i Saki ka i Yako. Aku weeakomiu gagi tiamiu. Ongkuemo Ue.”

Peluarakoa 7:4

Tewala nahi perorongeakomiu i Pirao, Aku motiio kae-Ku moweeako ira pohuku anu mobea a nto Masiri, ka lumuarako ira mia-Ku, bawaa-Ku, to Isaraeli inso i wita Masiri.

Yeremia 34:13

”Kanandiomo pau-Do i Ue, Ue Alado to Isaraeli: Mowutu Akumo pedandia saru uempu'umiu i tempono Kuwawa ira mpeluarako inso i wita Masiri, inso a mpo'ianga tepe'ataa, ihino:

Danieli 9:15

Onaemo pu'uno, oo Ue, Ue Alamami, anu iwawaako iramo kae anu moroso bawaa-Miu mpeluarako inso i wita Masiri ka weweuo nee-Miu telele kana a oleo andio, mpoweweu kamimo hala, mpoweweu kamimo gau mosa'o.

I MATIU 10:12

Tewala mpewinso komiu a rahano mia, impetabei ira.

I LUKASI 22:19

Ka Do'amba umalao roti, montarima kasi, sumiba-sibao ka Doweeako ira, Dopotae, ”Ndiomo koroi-Ku anu imewineeako; imeweweuomo andio gagi rorambe-Ku.”

1 KORINTI 11:24

ka umarino atuu Dopontarimakasiakono; Dosiba-sibao ka Dopotae, ”Ndiomo koroi-Ku, anu pineweengako hangano omiu; imeweweuomo andio gagi rorambe-Ku!”

1 KORINTI 5:8

Onaemo pu'uno aiwamo ka tompogawe, komba saru ragi anu tehineomo, komba mbo'u saru ragi mokoburua ka mosa'oa, sine saru roti anu nahi peragi, onaemo molinoa ka menteea.

EPESU 1:19

ka tedoa langkai pabawa-Do ndi ontae anu mpompe'ala-ala, menunu saru rosono pabawa-Do,

Winali 13:10

Asalakono imewunoakono watu, ranta kai mate, hangano montooomo moko'olaikomiu inso ndi Ondae i Ue, Ue Alamiu, anu wawa komiu mpeluarako inso i wita Masiri, a ntepe'ataa.

Winali 13:11

Onaemo iramo merongeo luwuno to Isaraeli ka dogagi medoito, ranta nahi ira mpoweweu mbo'u wineweu mosa'o kanatuu i tonga-tongamiu.

Winali 13:5

Nabi ke puu mpo'ipi atuu asalakono hinuku mate, hangano i'oluakomumo bintao pompe'ala-alamu ndi Ondae i Ue, Ue Alamiu, anu wawakomiumo mpeluarako inso i Wita Masiri ka tumolosi komiu inso a ntepe'ataa. Tinoono ta mokopansiakomiu inso a nsala anu Doparentaakomiu i Ue, Ue Alamiu kai mentondao. Kanatuumo asalakono imempahihio anu mosa'o atuu inso i tonga-tongamiu.

Winali 13:6

Bara'ura pepaekompomiu tama, anano inemiu, ke anamiu tama ke beine ke kombiamiu ke sambe'e morosomiu mewuni-wuni popandei komiu, ipotae, ”Aiwa topesomba a anu pinesombai susua” anu nahi imento'orio ke ondae uempu'umiu,

Winali 15:15

Asalakono upewowoloo nine omue mbo'u i ndi'ipua ata i wita Masiri ka omue Dotolosiko i Ue, Ue Alamu. Onaemo pu'uno kuweeakomu parenta atuu a oleo andio.

Winali 16:1

Impelangkaio wula Abi kai merame-rameo Pasa tia-Do i Ue, Ue Alamiu, hangano i larono wula Abi atuumo Dowawa komiu i Ue, Ue Alamiu mpeluarako inso i wita Masiri i tempono wongi.

Winali 16:12

Asalakono impewowoloo, nine maupo omiu i ndi'ipua ata i wita Masiri, ka impetenunumo meweweuo pompakosi andio.

Winali 16:3

Si mpokaa hapa anu meragi saru onae. I larono opitu oleo omiu asalakono kai mpokaa roti nahi peragi, roti marasaia atuu, hangano mpodadusi komiu impeluarako inso i wita Masiri. Bakanatuu, asa ntinuwumiu komiu nterorambe ia oleo peluarakoamiu inso i wita Masiri.

Winali 24:18

Asalakono kau pewowoloo, nine omue mbo'u i ndi'ipua ata i wita Masiri ka omue Dotolosiko i Ue, Ue Alamu, inso i ra'ai. Onaemo pu'uno kuparentaakomu kau weweuo anu andio.

Winali 24:22

Asalakono kau pewowoloo, nine omue mbo'u i ndi'ipua ata i wita Masiri. Onaemo pu'uno, kuparentako meweweuo luwuno andio.

Winali 26:8

Ka i'amba Ondae i Ue wawa kami mpeluarako inso i wita Masiri saru kae-Do anu moroso ka tokia-Do tetaangako, saru mongkokongiria anu langkai ka saru luwuno petondoni ka anu mengkinohali-haliako.

Winali 4:34

Horiokoake aasa ue ala mo'arahako aiwa ta mo'ala tiano aasa tongku inso i tonga-tongano tongku anu susua a mperupa-rupa po'arahako, petondoni, wineweu kinohali-haliako, ka peteaa, ka kae anu moroso ka tokia tetande, saru luwuno mongkokongiria langkai, kana anu wineweu-Do i Ue, Ue Alamiu ndi omiu i wita Masiri, i arono matamiu?

Winali 5:15

Asalakono impewowoloo nine omiu i ndi'ipua ata koa mbo'u i wita Masiri ka Dowawa komiu i Ue, Ue Alamiu mpeluarako inso i ra'ai saru kae moroso ka tokia tetande. Onaemo pu'uno, Ondae iUe, Ue Alamiu parenta komiu mpelangkaio oleo Saba.

Winali 5:6

’Ongkuemo Ue, Ue Alamiu anu wawa komiu mpeluarako inso i wita Masiri, inso a mpo'ianga tepe'ataa.

Winali 6:12

onaemo ka impope'inandaimo kasi mengkolupe Ira i Ue, anu wawa komiu mpeluarako inso i wita Masiri, inso a ntepe'ataa.

Winali 6:21

Asalakono imesangki ira anamiu atuu, ”Ontae i ndi'ipua atano i Pirao i wita Masiri, sine saru kae-Do anu moroso, Ondae i Ue wawa kita mpeluarako inso i wita Masiri.

Winali 7:8

Sine hangano Dopehohawa komiu i Ue ka Do'inio sumpa anu Dopauomo ndi ondae uempu'umiu, Dowawa komiumo i Ue mpeluarako saru kae-Do anu moroso ka tumolosi komiu inso a mpo'ianga tepe'ataa, inso a ngkaeno i Pirao, mokole i wita Masiri.

Winali 8:14

si mpopelangka-langkai, ranta ka imengkolupe Ira i Ue, Ue Alamiu, anu wawa komiu mpeluarako inso i wita Masiri, inso a raha pompe'ataa,

Winali 9:12

Ka Do'amba mepau i Ue ndi ongkue, ”Rongamo petii inso i ndi'ai, hangano tongkumu anu winawamu mpeluarako inso i wita Masiri, mosa'oomo gaudo. Ronga iramo ntu'u mepansia inso a nsala anu Kuparentaako ira. Mpoweweu iramo tinaha tinawa.”

Yosua 24:17

Nde Ondae i Ue, Ue Alato, Ondaemo anu wawa kita ka uempu'uto mpeluarako inso i wita Masiri, wita tepe'ataa ka moweweu anu tedoa kinohali-haliako andio i'aroto. Ondaemo anu kumongkomi kita ia pelempaato ka ia luwuno tongku anu linaloto.

Puu Mpobitara 2:12

Dompebungkui ira i Ue, Ue Ala ue mpu'udo anu lumuarako ira te'inso i wita Masiri. Domentondao anu pinesombai susua, inso i olono anu pinesombaido tongku anu lumimbu ira. Ka dompesombaio anu pinesombaido atuu anu mokotensilao tekuda-Do i Ue.

Puu Mpobitara 6:8

Ondae i Ue montena nabi ia nto Isaraeli anu mompauako ira, ”Kanandiomo pau-Do i Ue, Ue Ala to Isaraeli: Ongkuemo anu wawakomiu mpeluarako te'inso i Masiri ka anu wawakomiu mpeluarako inso a tepe'ataamiu.