Peluarakoa 13:14 - Wunta Mempori

¹⁴ Tewala lembuiano mpesikeno ira anamiu, ’Hapa pengkonaano atuu?’ Pauako ira nine, ’Hangano kae-Do i Ue anu moroso wawa kita mpeluarako inso i wita Masiri, inso a mpo'ianga tepe'ataa.

Peluarakoa 13:14 ပူးပေါင်းရင်းမြစ်များ

Tegagia 30:33

Moleono aroaku ta koa mengkaa lembuino, tewala aiwa komiu paresao tamboku: Luwuno anu nahi peboti-boti ke menggori-nggori i olodo bembe ka luwuno anu nahi mo'ito i olodo bimba, pengkonaano atuu kuponakoomo.”

1 Tawarika 16:12

Imerorambeomo luwuno wineweu-Do anu kinohali-haliako, luwuno pabawa-Do ka luwuno pompakosi anu pinau-Do,

Nehemia 1:10

Kombake luwudo andio tetenaa-Miu ka bawaa-Miu anu Ipotolaako iramo roso-Miu anu langkai ka kae-Miu anu moroso?

Po'unde-unde 136:11

ka anu wawa ira to Isaraeli mpeluarako inso i tonga-tongado, menteeano ranta nahina tampulaano pompehohawa-Do;

Po'unde-unde 145:4

Mapa'api-api inule ta pinelangkai luwuno inangga-Miu ka ira mempaleleo langkaino roso-Miu.

Po'unde-unde 78:4

nahi kami mewuniako ira anado, sine kami mentutuluo a inule anu lembui, luwuno wineweu-Do i Ue anu telele ka roso-Do ka luwuno wineweu-Do anu kinohali-haliako anu Doweweuomo.

Peluarakoa 10:2

ka omue tumutuluako ira ana uemu, kana'umpe kupemae-maeako ira to Masiri ka petondoni hapa anu kinohali-haliako Kupopokitaako ira ndi ondae, nde ka imento'orio koa, nine Ongkuemo Ue.”

Peluarakoa 12:41

Umarino pato etu ka tolu pulu nta'u, kona i oleo atuu, mpeluarako iramo luwu baresino bawaa-Do i Ue inso i wita Masiri.

Peluarakoa 13:3

Ka i'amba motaeako ira i Musa tongku atuu, ”Impelangkaio oleo andio, nde oleo andio impeluarako inso i wita Masiri, inso a mpo'ianga tepe'ataamiu; hangano kae-Do i Ue anu moroso wawakomiu mpeluarako inso i wita Masiri. Onaemo pu'uno kaanga hapamo koa anu meragi, si kinaa.

Peluarakoa 13:8

I oleo atuu asalakono pauako ira anamiu, ’Pesomba andio kuweweuo hangano luwuno anu wineweu-Do i Ue ndi ongkue i tempono kupeluarako inso i wita Masiri.’

Peluarakoa 13:9

Ndi omiu pesomba andio, kai gagi petondoni a ngkaemiu ka ipetako a ra'imiu ka songka-Do i Ue kongko a wiwimu, hangano kae-Do i Ueanu moroso wawakomiu mpeluarako inso i wita Masiri.

Peluarakoa 20:2

”Ongkuemo Ue, Ue Alamu, anu wawakomiu mpeluarako inso i wita Masiri, inso a ntepe'ataa.

Peluarakoa 6:1

Umarino atuu mepau Ira Ue Ala ndi Musa, ”Ongkuemo Ue.

Peluarakoa 6:6

Aku mokogagi komiu bawaa-Ku ka Ongkue Ue Alamiu, ka imento'orio nine Ongkuemo Ue, Ue Ala anu motola komiu inso a mpedadaido mpo'angga a to Masiri.

Peluarakoa 6:7

Aku wawa komiu a wita anu Kudandiomo, Aku weeakono i Burahima, i Saki ka i Yako. Aku weeakomiu gagi tiamiu. Ongkuemo Ue.”

Yeremia 34:13

”Kanandiomo pau-Do i Ue, Ue Alado to Isaraeli: Mowutu Akumo pedandia saru uempu'umiu i tempono Kuwawa ira mpeluarako inso i wita Masiri, inso a mpo'ianga tepe'ataa, ihino:

Danieli 9:15

Onaemo pu'uno, oo Ue, Ue Alamami, anu iwawaako iramo kae anu moroso bawaa-Miu mpeluarako inso i wita Masiri ka weweuo nee-Miu telele kana a oleo andio, mpoweweu kamimo hala, mpoweweu kamimo gau mosa'o.

WINEWEUDO TINENA 13:17

Ondae Ue Alado to Isaraeli andio Dobiniki iramo uempu'uto ka weweuo bawaa atuu gagi langkai, tempono dompo'ia i Masiri gagi mia mehawe. Saru kae-Do anu maramba Dowawa ira mpeluarako inso i wita atuu.

Winali 5:15

Asalakono impewowoloo nine omiu i ndi'ipua ata koa mbo'u i wita Masiri ka Dowawa komiu i Ue, Ue Alamiu mpeluarako inso i ra'ai saru kae moroso ka tokia tetande. Onaemo pu'uno, Ondae iUe, Ue Alamiu parenta komiu mpelangkaio oleo Saba.

Winali 5:6

’Ongkuemo Ue, Ue Alamiu anu wawa komiu mpeluarako inso i wita Masiri, inso a mpo'ianga tepe'ataa.

Winali 6:12

onaemo ka impope'inandaimo kasi mengkolupe Ira i Ue, anu wawa komiu mpeluarako inso i wita Masiri, inso a ntepe'ataa.

Yosua 22:24

Sine menteeano ntu'u, kimeweweuo hangano salalaro mami. Nde pinewowolo mami: Ia lembuiano inule miu bara'ura ira mpotae ia inule mami, kanandio, hapa penggoea miu ka Ondae i Ue, Ue Alado to Isaraeli?

Yosua 24:17

Nde Ondae i Ue, Ue Alato, Ondaemo anu wawa kita ka uempu'uto mpeluarako inso i wita Masiri, wita tepe'ataa ka moweweu anu tedoa kinohali-haliako andio i'aroto. Ondaemo anu kumongkomi kita ia pelempaato ka ia luwuno tongku anu linaloto.

Yosua 4:6

ka igagi tondonino ndi omiu. Tewala te'ipua mpesikeno ira anamiu: Hapa pengkonaano watu andio ndi omiu?

Puu Mpobitara 2:12

Dompebungkui ira i Ue, Ue Ala ue mpu'udo anu lumuarako ira te'inso i wita Masiri. Domentondao anu pinesombai susua, inso i olono anu pinesombaido tongku anu lumimbu ira. Ka dompesombaio anu pinesombaido atuu anu mokotensilao tekuda-Do i Ue.

Puu Mpobitara 6:8

Ondae i Ue montena nabi ia nto Isaraeli anu mompauako ira, ”Kanandiomo pau-Do i Ue, Ue Ala to Isaraeli: Ongkuemo anu wawakomiu mpeluarako te'inso i Masiri ka anu wawakomiu mpeluarako inso a tepe'ataamiu.