Peluarakoa 13:12 - Wunta Mempori

¹² gagi asalakono ka impesombaakono ndi Ondae i Ue luwuno anu pine'anaako amba-ambano, kanatuu koa mbo'u luwuno lakino pinotuwumiu anu pine'anaako amba-ambano, onaemo tia-Do i Ue.

Peluarakoa 13:12 ပူးပေါင်းရင်းမြစ်များ

Nehemia 10:36

Kami mewawa ira mbo'u anamami anu aka ka luwuno ana amba-ambano pinotuwumami, kana teburi a wunta Taura, luwuno mbo'u ana amba-ambano sapi ka asa bawaa bembe bimbamami a Raha-Do Ue Alamami, onaemo a luwuno sando mpesomba anu mpopekakaako a Raha-Do Ue Alamami.

Nehemia 10:37

Kami mpowawa mbo'u tarigu jelai anu amba-ambano, luwuno pesomba pinesusumami, wuano luwuno keu, anggoro ka lana ndi ondae sando mpesomba, a luwuno bolongkono Raha-Do Ue Alamami. A luwudo to Lewi kami mpowawa pesomba tia hopulu inso a witamami, hangano to Lewimo andiodo anu mporuru pesomba tia hopulu a luwuno kota pelereamami.

Peluarakoa 13:1

Mepau iramo i Ue ndi Musa,

Peluarakoa 13:2

”Impokomemporio tia-Ku luwuno ana amba-ambano, moiko a mia maupo a mpinotuwu i olono luwudo to Isaraeli, Ongkuemo anu me'ueo.”

Peluarakoa 22:28

”Si totonaa Ira Ue Ala kasi tutundali ira petewawa tongkumiu.

Peluarakoa 22:29

Si tekolupe mompesombaako wua gandumu ka uwoi anggoromu. Anamu tama anu amba-ambano asalakono pesombaakono ndi Ongkue.

Peluarakoa 34:19

Luwuno anu pine'anaako amba-ambano inso a laro kompo, onaemo anu-Ku, kanatuu koa mbo'u inso a luwuno pinotuwumiu anu lakino, anu pine'anaako amba-ambano, inso a nsapi ke bimba.

Peluarakoa 34:20

Sine sompo anano kalide anu pine'anaako amba-ambano, asalakono tolosiakono asa ana bimba. Tewala nahi utolosio, asalakono puduo we'uno. Sompo anamiu tama anu aka, asalakono tinolosi. Si hina mia aiwa me'aro ndi Ongkue moa ngkae.

Yehesikieli 16:20

Tendeano omue umala ira anamu tama ka beine anu upe'anaako ira tia-Ku ka mesombaakono ndi ondae gagi kaangado. Nde napi sompo mbo'uke pebelesumu andio?

Yehesikieli 44:30

Anu lalu moiko inso a wua amba-ambano hapamo koa ka pesomba pinesusua inso a hapamo koa i olodo luwuno pesomba pinesusuamiu onaemo tiado sando mpesomba; saru mbo'u anu lalu moiko inso a ntarigu jelaimiu asalakono imeweeako ira sando mpesomba ka ipohawe ronso rahamiu.

Imama 27:26

Sine ana amba-ambano inso i olono pinotuwu, anu gagi ana amba-ambano gagi tia-Do i Ue, nahi moiko ipokomemporio maupo isemamo koa; moiko atuu asa sapi maupo asa bembe ke bimba, tia-Do i Ue atuu.

Podoaa 18:15

Luwuno anu pine'anaako amba-ambano inso a kompono luwuno anu tuwu, anu pinesombaakodo ndi Ondae i Ue, moiko inso a mia maupo inso a ngkondehora, onaemo tiamu. Butu, ana amba-ambano mia asalakono imentolosio, kanatuu koa mbo'u ana amba-ambano kondehora anu mokoburu.

Podoaa 3:12

”Menteeano Ku'ala ira to Lewi inso i olodo to Isaraeli gagi euno luwuno anado anu aka, anu hina amba-ambano inso a pe'anakaa, ka to Lewi gagi mia-Ku.

Podoaa 3:13

Hangano Ongkuemo anu me'ueo luwuno ana amba-ambano. I tempono Kupepate ira luwu ana amba-ambano i wita Masiri, Kupokomemporio tia-Ku luwuno ana amba-ambano i Isaraeli, moiko inso a mia maupo inso a mpinotuwu. Luwuno atuu tia-Ku. Ongkuemo Ue.”

Podoaa 8:17

Menteeano luwuno anu hina amba-ambano i olodo to Isaraeli, moiko inso a mia maupo pinotuwu, luwuno tia-Ku. I tempono Kupepate ira luwuno anu hina amba-ambano i wita Masiri, Kupokomempori iramo tia-Ku.

I LUKASI 2:23

kana hinao teburi a songka-Do i Ue, ”Luwuno ana ntama anu amba-ambano asalakono pinokomempori tia-Do Ue Ala,”

Winali 15:19

Luwuno ana amba-ambano lakino anu pine'anaakodo sapimiu ka asa bawaa bembe bimbamiu, kai pinesusuakoa tia-Do i Ue, Ue Alamiu. Si mpo'anggaako ana amba-ambano sapimiu, kasi megontio wuluno ana amba-ambano bimbamiu.