Peluarakoa 12:3 - Wunta Mempori

³ Pauako iramo luwuno bawaa Isaraeli: Ia tanggala hopulu wula andio, asalakono sompo mia mo'ala asa ana bimba tiano sompo sombori, montonda pepe'etuado.

Peluarakoa 12:3 ပူးပေါင်းရင်းမြစ်များ

Tegagia 22:8

Sumangki i Burahima, ”Ondae Ue Ala anu mompatinda ana bimba weweua pesomba tinunu tia-Do, Anaku.” Kanandiomo dopelempa orua ira meronga-ronga.

Tegagia 4:4

i Abeli mbo'u mompesombaako asa ntia inso a ana amba-ambano asa bawaa bembe bimbano saru tabano. Ondae i Ue merioo i Abeli saru pesombano atuu,

2 Tawarika 35:7

I Yosia mompowee tiado mia hadio, asa bawaa bembe bimba, onaemo bimba mongura ka bembe lakino mongura, tolu pulu nsowu hadiono, luwuno gagi pesomba Pasa tiado luwuno mia anu hawe, ka tolu nsowu mbo'u sapi. Luwuno atuu inso a arataano mokole.

Peluarakoa 12:2

”Wula andio tumondonio pompu'uano luwuakoano wula ndi omiu; onaemo wula ko'aasa a mpodoamiu wula sompo ta'u.

Peluarakoa 12:21

Ka i'amba moboi ira i Musa luwuno mia memota'u to Isaraeli, ka ipotaeako ira, ”Imelakomo mpo'ala bembe ke bimba tiamiu asa mpinu'u ka imensumbeleomo ana bimba Pasa.

Peluarakoa 12:4

Sine tewala tedei lahi miano asa nsombori, moiko domperonga-ronga saru pehori rahado mposumbele asa ana bimba, montonda hadiono mia; anu domentasereo sompo dompetiao montonda tekonano asa mia.

Peluarakoa 12:6

Bimba ke bembe atuu, asalakono imponsiao hawe tanggala hopulu ka opaa wula andio; ka i'amba luwuno bawaa Isaraeli mpepumpu mposumbele tempono ngkiniwia.

Peluarakoa 14:15

Mepau Iramo i Ue ndi Musa, ”Tembio kau pebooli kanandio ndi Ongkue? Tena iramo to Isaraeli ka domelako.

Peluarakoa 20:19

Dompotaeakono i Musa, ”Omuemo koa mepau ndi omami kami mperorongeakono. Siimo Ondae i Ue Ala anu mepau ndi omami, kasi kimemate.”

Peluarakoa 4:30

I Haruni pauo luwuakoano anu pinau-Do i Ue ndi Musa, ka moweweu petondoni anu kinohali-haliako i arodo tongkuno.

Peluarakoa 6:6

Aku mokogagi komiu bawaa-Ku ka Ongkue Ue Alamiu, ka imento'orio nine Ongkuemo Ue, Ue Ala anu motola komiu inso a mpedadaido mpo'angga a to Masiri.

Yehesikieli 40:1

A nta'u korua pulu ka olima umarino kimentinadi, a pompu'uano ta'u, tanggala hopulu wula atuu, a nta'u kohopulu ka opaa umarino ninangi kota atuu, a oleo mbo'u atuu pabawa-Do i Ue lumimbu aku ka Dowawa aku

Imama 1:2

”Pepaumo a nto Isaraeli ka pauako ira: Tewala asa mia inso i olomu ta mompowe pesombano ndi Ondae i Ue, asalakono pesomba anu komiu mpesombaakono atuu inso a mpinotuwu, ke sapi ke asa bawaa bembe bimba.

Imama 5:6

Onae asalakono mompesombaako mbo'u ndi Ondae i Ue, gagi pontolosi sala hangano hala atuu, asa bimba ke bembe waino gagi pesomba po'onini hala. Kanandiomo sando mpesomba moweweuakono pesintuwua mia atuu hangano halano.

Podoaa 15:11

Kanandiomo asalakono iwineweu a sompo sapi, sompo bimba lakino ka sompo bimba ke bembe.

I YOHANE 1:29

Tisomono i Yohane kumita Ira i Yesu aiwa ndi onae ka ipotae, ”Kita Iramo Ana bimba-Do Ue Ala, anu umoninio halano wawontolino.

I YOHANE 1:36

Ka mansano kumita Ira i Yesu telalo, ipotae, ”Kita Iramo Ana bimba-Do Ue Ala!”

I YOHANE 12:1

Onoo oleo napi haweako Pasa Ondae i Yesu hawe i Betania, po'iangano i Lasaru anu winangu-Do i Yesu inso i olodo mia mate.

I YOHANE 12:12

Tisomono tempono domerongeo mia hadio anu mehawe merame-rameo gawe, nine Ondae i Yesu kontongaa-Do a nsala te'aro i Yerusale,

1 KORINTI 5:7

Imentadiomo ragi anu tehineomo atuu, ka imegagi tarigu sinalo anu wo'ohu, hangano omiu lano nahi mperagi. Hangano ana bimba Pasato mbo'u sinumbele Iramo, onaemo Ondae i Kerisituu.

Yosua 7:14

Tisomo mo'oru impe'aro nte'o'asa tongku ka tongku anu tiniso-Do i Ue asalakono ira mpe'aro nte'o'asa ondae anu mpepe'etu, ka anu tiniso-Do i Ue ira mpe'aro nte'o'asa sombori, ka sombori anu tiniso-Do i Ue ira mpe'aro nte'o'asa mia.

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

1 Samueli 7:9

Ka i'amba i Semueli mo'ala asa ana bimba anu da mo'uo ka ipesombaakono ndi Ondae i Ue gagi pesomba tinunu asa ngkoroi. I Semueli mekakaiako ira to Isaraeli ndi Ondae i Ue ka Dosangkio i Ue.