Peluarakoa 12:2 - Wunta Mempori

² ”Wula andio tumondonio pompu'uano luwuakoano wula ndi omiu; onaemo wula ko'aasa a mpodoamiu wula sompo ta'u.

Peluarakoa 12:2 ပူးပေါင်းရင်းမြစ်များ

Esetere 3:7

I larono wula ko'asa, onaemo wula Nisani, i larono ta'u anu kohopulu ka orua tempo poparentaano mokole Ahasiwero, mia mpontende pur, onaemo undi i arono i Hamani, oleo me'eu oleo, wula me'eu wula hawe kai hawe a wula kohopulu ka orua, onaemo wula Adari.

Peluarakoa 12:1

Mepau Iramo i Ue ndi Musa ka ndi Haruni i wita Masiri,

Peluarakoa 12:18

Ia wula ko'aasa, tanggala hopulu ka opaa wula atuu tempono ngkiniwia, asalakono impokaa roti nahi peragi, hawe ia tanggala rua pulu ka asa wula atuu tempono ngkiniwia.

Peluarakoa 12:3

Pauako iramo luwuno bawaa Isaraeli: Ia tanggala hopulu wula andio, asalakono sompo mia mo'ala asa ana bimba tiano sompo sombori, montonda pepe'etuado.

Peluarakoa 13:3

Ka i'amba motaeako ira i Musa tongku atuu, ”Impelangkaio oleo andio, nde oleo andio impeluarako inso i wita Masiri, inso a mpo'ianga tepe'ataamiu; hangano kae-Do i Ue anu moroso wawakomiu mpeluarako inso i wita Masiri. Onaemo pu'uno kaanga hapamo koa anu meragi, si kinaa.

Peluarakoa 13:4

Oleo andio ilarono wula Abi, oleo peluarakoamiu.

Peluarakoa 23:15

Oleo Langkai Roti Nahi Peragi asalakono impelangkaio. Kana anu umariomo Kutenaa komiu, i larono opitu oleo omiu asalakono impokaa roti nahi peragi ia tempo anu pinakosi a wula Abi, hangano a wula atuumo omiu mpeluarako inso i wita Masiri. Sine, mia anu mesomba ndi Ongkue, si aiwa moa ngkae.

Peluarakoa 34:18

Oleo Langkai Roti Nahi Peragi asalakono imerame-rameo. Kana anu umariomo Kutenaakomu, opitu oleo tehineno asalakono impongkaa roti nahi peragi, a tempo anu pinakosi a wula Abi, hangano a wulamo atuu impeluarako inso i wita Masiri.

Peluarakoa 40:17

Tanggala aasa wula ko'aasa ta'u ko'orua, Kema Mempori winangu.

Yehesikieli 45:18

Kanandiomo pau-Do Ue Ala, ”A wula ko'asa, tanggala asa wula atuu, alaomo asa sapi lakino mongura anu nahina tataano ka pokomemporiomo po'ianga mempori atuu.

Yehesikieli 45:21

A wula ko'asa, tanggala hopulu ka opaa wula atuu, asalakono imerame-rameo oleo langkai Pasa, ka i larono opitu oleo mpongkaa roti nahi peragi.

Imama 23:5

A wula amba-ambano, tanggala opaa wula atuu, i tempono ngkiniwia hinao Pasa ndi Ondae i Ue.

Podoaa 28:16

”I larono wula anu amba-ambano, ia oleo anu kohopulu ka opaa wula atuu, hinao Pasa-Do i Ue.

Winali 16:1

Impelangkaio wula Abi kai merame-rameo Pasa tia-Do i Ue, Ue Alamiu, hangano i larono wula Abi atuumo Dowawa komiu i Ue, Ue Alamiu mpeluarako inso i wita Masiri i tempono wongi.