Peluarakoa 12:12 - Wunta Mempori

¹² Nde ia wongi andio Aku melempa sumompoo wita Masiri, Aku mepate ira luwuno ana amba-ambano, moiko anano mia hawe anano pinotuwu, ka luwuno lahumoado to Masiri Aku humuku ira. Ongkuemo Ue.

Peluarakoa 12:12 ပူးပေါင်းရင်းမြစ်များ

1 Tawarika 14:12

To Pelisiti mebintao luwuno pinesombaido i ra'ai. Ka i'amba a mpetenano i Daudi, to Isaraeli mentunuo a api.

Po'unde-unde 135:8

Ondaemo anu tumunduhi ira ka domemate ana aka i Masiri, moiko mia maupo pinotuwu,

Po'unde-unde 82:1

Penani po'unde-undeno i Asapi. Ondae Ue Ala mentade a nterisoa suruga, i olodo pinesombai Ondae mobitara,

Po'unde-unde 82:6

Ongkue isa'a mepau Akumo, ”Lano omiu pinesombai, ka luwumiu ana-Do Anu Tedoa Mantande,

Po'unde-unde 91:7

Maupo asa nsowu mia tebangku i horimu, ka hopulu nsowu i koanamu, masolaa atuu nahi ta umaluko.

Po'unde-unde 95:3

Hangano Ondae i Ue onaemo Ue Ala anu langkai, Mokole anu langkai i wawono luwuno pinesombai.

Peluarakoa 12:23

Ka Ondae i Ue melempa sumompoo humukuo luwuno wita Masiri. Itempono Dokitao rea a orua karuno pewowa ka montoweano iwawono atuu, Ondae i Ue Ira lumaloo pewowa atuu ka nahi Dopo'ineeo mala'eka pompepate mewinso a laro raha humuku komiu.

Peluarakoa 18:11

Kanandio-andio kuto'oriomo, nine Ondae i Ue lalu langkai pabawa-Do sekonopo luwuno lahumoa, ka Doweweu ira kanatuu hangano to Masiri mpopelangka-langkai iramo ndi ondae.”

Peluarakoa 21:6

asalakono mia me'atao wawao ndi Ondae Ue Ala, kai wawao a mpewowa ke a ngkaruno pewowa, ka anu me'atao atuu dumuhuakono a lewe birino, ka ata atuu asalakono mo'angga ndi onae asa ntinuwuno.

Peluarakoa 22:28

”Si totonaa Ira Ue Ala kasi tutundali ira petewawa tongkumiu.

Peluarakoa 6:2

Mepopokita Akumo ndi Burahima, ndi Saki ka ndi Yako nine Ongkuemo Ue Ala anu tedoa pabawa, sine ia nee-Ku Ue napi Kupepopoto'ori.

Peluarakoa 9:6

Kanandiomo Doweweuo i Ue tisomono; luwuakoano pinotuwudo to Masiri memate, sine pinotuwudo to Isaraeli, nahina anu mate maupo te'asa.

Yesaya 19:1

Pau-Do anu pabawa a nto Masiri. Kitao, Ondae i Ue me'ula a nseru anu magasi ka aiwa i masiri; luwuno lahumoa i Masiri mpondidi-ndidi i aro-Do, ka aroado to Masiri gagi tengkuru a laro aroado.

Yeremia 43:12

Onae ta molangao api a luwuno raha pompesombaia pinesombaido to Masiri, tumunu ira ka wawa ira gagi mia tinawa. Onae ta mokomorinao wita Masiri kana asa mia puu mpopakambi mokomorinao sangkano inso a ngkutu-kutu, ka i'amba onae ta lumako inso i ra'ai rodo-rodo.

Yeremia 43:13

Onae ta merawo-rawo ira tugu pelahumoaano i Beti-Semesi i wita Masiri ka ta pingko isongkoo raha pompesombaia pinesombaido to Masiri atuu.”

Yeremia 46:25

Ondae Ueno luwuakoano, Ue Alado to Isaraeli, mepau, ”Menteeano, Kupompotiiakono pohuku a mpinesombaido to Amoni inso i Tebe, ndi Pirao ka Masiri saru luwuno pinesombaido ka luwuno mokoledo, oo, Pirao saru luwuno mia anu mpe'ala-alao.

Yehesikieli 12:16

Sine, asa ntia inso ndi ondae Aku motola ira inso a mponai, mokoninggoa, ka haki lele ka domentutuluo luwuno wineweudo anu mokoburu i olodo luwuno tongku, ba isua domelako. Ka ira mento'orio nine Ongkuemo Ue.”

Amosi 5:17

A luwuno lere anggoro ta hina ponsabangia, hangano Ongkue telalo i tonga-tongamiu,” pau-Do i Ue.

Sepanya 2:11

Ira medoito ndi Ondae i Ue, hangano Ira mokotampulao luwuno pinesombai susua i tolino. Luwuno tongku wita i wiwi ntahi ira mpenggolontu mpesombai Ira, singge mia inso a mpo'iangano.

Podoaa 33:4

kontongaado to Masiri mengkaburuo luwuno ana aka anu Dopepate iramo i Ue i olodo; hangano Dopotiiomo i Ue luwuno pohuku a luwuno pinesombaido.

1 Samueli 5:3

Mansano tisomono mo'oru dompewangu mia i Asidodi, domengkitaomo Dagoni atuu tebangku, rupano a wita i arono Burua Pedandia-Do Ue Ala. Ka do'amba me'alao Dagoni atuu wali mempokuleo a mpo'iangano.

1 Samueli 6:5

Asalakono ka impoweweu pandirino kamba ka tehu anu sumolangio witamu. Asalakono ka ime'akuio maramba-Do Ue Alado to Isaraeli. Bara'ura nami Ira humuku komiu, pelahumoaamiu ka witamiu.