Peluarakoa 12:1 - Wunta Mempori

¹ Mepau Iramo i Ue ndi Musa ka ndi Haruni i wita Masiri,

Peluarakoa 12:1 ပူးပေါင်းရင်းမြစ်များ

Tegagia 20:7

Kanandio-andio, pokuleomo kombiano mia atuu, hangano onae asa nabi. Onae ta mekakaiakomu, ka omue kongko tuwu. Sine tewala nahi upokuleo, to'oriomo, manasa omue mate, omue ka luwuno mia anu pe'asamu.”

2 Tawarika 35:17

I tempo atuu to Isaraeli anu mehawe, merame-rameo Pasa ka oleo langkai Roti Nahi Peragi i larono opitu oleo.

Peluarakoa 11:10

Doweweuomo i Musa ka i Haruni luwuakoano petondoni kinohali-haliako i arono i Pirao. Sine Ondae i Ue mokomoteao aroano i Pirao, onaemo ka nahi eheako ira to Isaraeli melako inso ia witado.

Peluarakoa 11:2

Pauako iramo to Isaraeli, ka dompo'ema sangka wulaa ka salaka, singge mia moiko tama ka beine mo'ema a pehori rahano.”

Peluarakoa 12:18

Ia wula ko'aasa, tanggala hopulu ka opaa wula atuu tempono ngkiniwia, asalakono impokaa roti nahi peragi, hawe ia tanggala rua pulu ka asa wula atuu tempono ngkiniwia.

Peluarakoa 12:2

”Wula andio tumondonio pompu'uano luwuakoano wula ndi omiu; onaemo wula ko'aasa a mpodoamiu wula sompo ta'u.

Peluarakoa 14:1

Mepau Iramo i Ue ndi Musa, kanandio,

Peluarakoa 40:2

”A oleo ko aasa wula ko'aasa asalakono wanguomo Kema Mempori, Kema Tepotowoa atuu.

Yehesikieli 45:21

A wula ko'asa, tanggala hopulu ka opaa wula atuu, asalakono imerame-rameo oleo langkai Pasa, ka i larono opitu oleo mpongkaa roti nahi peragi.

Podoaa 28:16

”I larono wula anu amba-ambano, ia oleo anu kohopulu ka opaa wula atuu, hinao Pasa-Do i Ue.

Podoaa 9:2

”To Isaraeli asalakono mpokomaroao Pasa ia tempono.

Podoaa 9:3

Ia oleo kohopulu ka opaa wula andio, i tempono ngkiniwia, asalakono impokomaroao ia tempo anu pinakosi. Montonda luwuno pompakosi ka atorano asalakono impokomaroao.”

Podoaa 9:5

Onaemo ka dompokomaroao Pasa ia wula amba-ambano, oleo kohopulu ka opaa wula atuu i tempono ngkiniwia i pada one Sinai. Kona ntu'u kana parenta-Do i Ue ndi Musa, kanandiomo domeweweuo to Isaraeli.

I MARAKUSU 14:1

Oleo langkai Pasa ka oleo langkai Roti Nahi Peragi ta pinu'u orua oleopo mbo'u. Petewawado sando mpesomba ka anu mponto'ori Taura mpo'ungke sala saru mpe'akala ka dompokorako Ira ka mepate Ira i Yesu,

I LUKASI 22:1

Oleo langkai Roti Nahi Peragi, anu nineeako Pasa, rangkuomo.

WINEWEUDO TINENA 12:4

Mansano rinako i Peturu, metena i Herode ka domentorungkuo ka domedagaio opaa bawaa sorodadu, asa bawaa opaa sorodadu. Tinoono onaemo, sa'umarino oleo langkai Pasa ta wawao i arodo mia hadio.

1 Samueli 2:27

Asa nabi hawe ndi Eli ka ipotae ndi onae, ”Kanandiomo pau-Do i Ue: I tempono ue mpu'umiu da ipabawai ira i Pirao i Wita Masiri, mepopoto'ori Akumo ndi ondae.