Peluarakoa 1:7 - Wunta Mempori

⁷ To isaraeli mpe'ana ue ka nahi pinokodoa hadiodo. Ondae ntetiangi hadio ka tedoa mokongkongiri donte'ule, onaemo wita atuu bukeako ondae.

Peluarakoa 1:7 ပူးပေါင်းရင်းမြစ်များ

Tegagia 1:20

Mepau Iramo Ue Ala, ”Asalakono uwoi muluarako anu tuwu anu mpengowo, ka asalakono anu tuwu mepani mpenee-nee i wawontolino telaloio longkuno langi.”

Tegagia 1:28

Ondae Ue Ala rumonso ira, ka mepau ndi ondae, ”Ipo'ulemo ka itetiangi hadio! Buketiomo ka pokopetuuduomo tolino! Ipabawaimo luwuno bou a ntahi, manu-manu i laro meene ka luwuno kodehora melele a wita.”

Tegagia 12:2

Aku weweuko gagi tongku anu langkai, rumonsoko, saru weweuo neemu telele, ka omue kogagi ronso.

Tegagia 13:16

Aku mokogagio inulemu kana awu wita hadiono. Ba hinao mia mokodoao awu wita, inulemu mbo'u pinokodoa.

Tegagia 15:5

Ka Do'amba i Ue wawao i Burama meluarako ka Dopepau, ”Pentombumo i langi ka doaomo anano wula, tewala upokodoao.” Mepau Ira mbo'u ndi onae, ”Kanatuumo te'ipua hadiono inulemu.”

Tegagia 17:16

Aku rumonsoo, ka inso ndi onae mbo'u Aku moweakomu asa ana ntama. Aku rumonsoo, ranta ka igagi tepu'uado luwuno tongku, luwuno mokoledo tongku inso ndi onae.”

Tegagia 22:17

manasa Aku rumonsoko tehadio ntu'u ka weweuo inulemu hadio ntu'u kana anano wula i langi ka kana one i wiwi ntahi. Inulemu atuu ira mpentorokio luwuno kotado iwalido.

Tegagia 26:22

Onae melimba inso i tu'ai ka mongkeke sumuru susua, sine mongkona sumuru andio nahi dompe'u'ua. Sumuru andio ineeakono Rehobo, ka ipotae, ”Kanandio-andio Dopokomalua kitamo i Ue, ranta ka tompokompo'ule i wita andio.”

Tegagia 26:4

Aku weweuo inulemu hadio kana anano wula i langi. Aku weeako ira inulemu luwuno wita andio, ka hangano inulemu luwuno tongku i tolino ira mpohawe ronso.

Tegagia 28:14

Inulemu ira megagi kana awu wita hadiono, ka omue kotesiarawo te'alaako i sabaano oleo, i sumooano oleo, i utara ka i selata ka hangano omue saru inulemu luwuno suku i wawontolino ira mpohawe ronso.

Tegagia 35:11

Ondae Ue Ala mepau mbo'u ndi onae, ”Ongkuemo Ue Ala Anu Tedoa Pabawa. Impo'ulemo ka intetiangimo; asa tongku, tendeano asa tepumpuano luwuno tongku, ira mehina inso ndi omue ka luwuno mokole ira ntepu'u inso ndi omue.

Tegagia 46:3

Ka Do'amba mepau, ”Ongkuemo Ue Ala, Ue Alano amamu. Siimo doito lako i Masiri, hangano Aku weweuko gagi tongku anu langkai i ra'ai.

Tegagia 47:27

I Isaraeli rodo mo'ia i wita Masiri, i wita Gose. Ondae mpohawe wita pine'uedo i tu'ai, mpo'ule ka ntetiangi hadio ntu'u.

Tegagia 48:16

ka kana Mala'eka anu motola akumo inso a luwuno masolaa, Po'ineeomo Ondae anu rumonso ira mia mongura andio. Po'ineeomo neeku saru needo ueku ka amaku, i Burahima ka i Saki, telele hangano ondae ka ira tetiangi hadiodo i tolino.”

Tegagia 48:4

saru mepau ndi ongkue: Ongkuemo anu weweuko mo'ule, ka weweuko tetiangi hadio, saru gagi tepumpuano luwuno tongku. Aku meweengakono wita andio a inulemu ka dompe'ueo ranta nahina tampulaano.

Tegagia 9:1

Ondae Ue Ala rumonsoo i Noho ka luwuno anano, saru mepau ndi ondae, ”Impo'ulemo ka intetiangimo hadio ka imebuketio tolino.

Nehemia 9:23

Ipokogagio anado kana hadiono anano wula i langi. Iwawa ira a wita anu Itenaako ira uempu'udo kadompewinsokio ka mpetorokio.

Po'unde-unde 105:24

Ondae i Ue weweu ira bawaa-Do tedoa nte'ule, ka mokogagi ira moroso irapo sekono luwuno iwalido;

Po'unde-unde 107:38

Doronso ira onaemo ka dontetiangi hadio ntu'u, ka luwuno pinotuwudo Doweweuo nahi makura.

Peluarakoa 1:12

Sine kongkodomo mempinokonsii, kongkodomo ntetiangi hadiodo ka nte'ule ira, ranta ka domedoito a nto Isaraeli atuu.

Peluarakoa 12:37

Umarino atuu, mpelungka iramo to Isaraeli melako inso i Ra'amase te'aro i Sukoti, tama anu mpelempa ngkaru bara'ura nomo'etu nsowu mia nahi tedoa nana'ote ka kombiado.

Peluarakoa 5:5

Ipotae mbo'u i Pirao, ”Kitao, kanandio-andio tongku atuu mehadio iramo lahi i wita andio, ka komiu mokompenaa-naa ira a mpo'anggaado!”

Yehesikieli 16:7

Kuweweuko langkai kana pinopaho a lere. Omue tuwu ka gagi langkai, tendeano hawe gagi sompo tinuwu. Wua radamu hinaomo tadeno ka wuumu tuwuomo, sine omue kolambe-lambe.

WINEWEUDO TINENA 13:17

Ondae Ue Alado to Isaraeli andio Dobiniki iramo uempu'uto ka weweuo bawaa atuu gagi langkai, tempono dompo'ia i Masiri gagi mia mehawe. Saru kae-Do anu maramba Dowawa ira mpeluarako inso i wita atuu.

Winali 10:22

Butu pitu pulu mia uempu'umiu melako i wita Masiri, sine kanandio-andio Ondae i Ue, Ue Alamiu weweu komiumo hadio kana anano wula i langi.

Winali 26:5

Ka i'amba asalakono omue pauo i aro-Do i Ue, Ue Alamu, kanandio, ”Amaku i ndi'ipua to Arami, asa mia puu mpelakopi. Onae lumako saru tedeikoa mia i wita Masiri ka mo'ia i ra'ai gagi mia hawe. Sine i ra'ai gagi ira asa tongku langkai, moroso ka mehadio ira.