Obaja 1:4 - Wunta Mempori

⁴ Maupo upenee mantande kana singko, tendeano maupo senomu ninaa i olodo luwuno anano wula, inso i ra'ai mbo'u Aku motiiko,” kanandiomo pau-Do i Ue.

Obaja 1:4 ပူးပေါင်းရင်းမြစ်များ

Yesaya 10:14

Kana mompete'umala senono manu-manu, kupongko'alaakonomo kaeku pompolino luwuno tongku, ka kana mopumpu su'uluino anu binintano ineno, kurakuomo asa wawontolino, ka nahina maupo te'asa anu mowile panino, mongangao tungkuno ke mompio-pio.”

Yeremia 49:16

Pelelumu anu mompokodoito ka pompelangka-langkaino aroamu onaemo mopo'ooko, oo omue anu mo'ia a laro aano watu, anu mentoroki ira punsuno pongku! Maupo upoweweu senomu kana mantandeno senono manu-manu rajawali, Aku motiiko inso i ra'ai, kanandiomo pau-Do i Ue.

Yeremia 51:53

Maupo mewuatako i langi Babeli ka weweuo mantandeno benteno nahi pinokorangkuhi, a parenta-Ku ira mehawe ndi onae anu mponsolangi, kanandiomo pau-Do i Ue.

Amosi 9:2

Maupo dompekeke hawe a mpo'iangano mia mate, inso mbo'u i ra'ai kae-Ku umala ira. Maupo dompewuatako i langi, inso i ra'ai mbo'u Aku motii ira.

Habaku 2:9

Masola ntu'u mia mo'ala ura anu nahi moleo pesalaano ta pakeano i rahano, ta numaao senono a mpo'ianga anu mantande, ka itola inso a masolaa!