Obaja 1:3 - Wunta Mempori

³ Pompelangka-langkaino aroamu popandeikomo, oo, omue anu mo'ia a luwuno aano watu, a mpo'iangamu anu mantande; omue anu motae i laro aroamu: ’Isemake anu polio motii aku i tolino?’

Obaja 1:3 ပူးပေါင်းရင်းမြစ်များ

Tegagia 36:8

Ka i'amba i Esau mo'iampiha i mentorukuno Seiri. I Esaumo atuu i Edomi.

2 Mokole 14:7

I Amasia numangi ira hopulu nsowu to Edomi i Lembono Asini, ka ipongko'alao kota Sela a laro mpeteaa atuu. Ka i'amba kota atuu nineeako Yokete'eli hawe oleo andio.

2 Tawarika 25:11

I Amasia haweako mosiano ka i'amba wawao sorodaduno i Lembono Mopa'i. Ipepateo hopulu nsowu mia inso a inuleno i Seiri.

2 Tawarika 25:12

Umarino anu atuu inuleno i Yehuda montawa hopulu nsowu mia tuwu-tuwu ka dowawa ira i asa punsuno pongku watu. Ka do'amba mempinetadiako inso a punsuno pongku watu atuu, ranta ka domeropu luwu.

Ayubi 20:6

Maupo pompelangka-langkaino mewuatako i langi ka uluno modanggi seru,

Powadi 16:18

Pompelangka-langkai mese'elungio tekale-kalea, ka konangi-nangi mese'elungio tedontaa.

Powadi 18:12

Pompelangka-langkai mese'elungio tekale-kalea, sine pe'urumako mese'elungio pompelangkai.

Powadi 29:23

Pompelangka-langkai mompe'uru-uru mia, sine mia anu me'urumako, montarima po'unde-unde.

Yesaya 16:6

Kimerongeomo mongkona pompelangka-langkaino Moabi, onae tedoa mompelangka-langkai, mongkona pompelangka-langkaino anu tedoa lansara, mongkona laba mpauno anu mooa.

Yeremia 21:13

Menteeano, Aku gagi ewaimu, hei omiu anu i lembono, torukuno watu a mantandeano, kanandiomo pau-Do i Ue, hei omiu anu mpotae: Isema anu ta metii umewai kami, isema anu ta mewinso a mpo'iangamami?

Yeremia 37:9

Kanandiomo pau-Do i Ue: Si megaupio koroimiu ka impotae: ’To Kasidimi atuudo melako iramo mpiha inso ndi ontae.’ Kahinaano komba ira melako mpiha!

Yeremia 48:28

Binta iramo kota ka po'iamo a pongku watu, hei palilino Moabi! Gagimo kana manu-manu marapatii anu meseno a rere ngangano aa.

Yeremia 49:16

Pelelumu anu mompokodoito ka pompelangka-langkaino aroamu onaemo mopo'ooko, oo omue anu mo'ia a laro aano watu, anu mentoroki ira punsuno pongku! Maupo upoweweu senomu kana mantandeno senono manu-manu rajawali, Aku motiiko inso i ra'ai, kanandiomo pau-Do i Ue.

Yeremia 49:4

Omue tedoa mompelangka-langkaiako luwuno wita lembomu, lembomu anu mewalo, hei ana beine anu mebungkui Ira i Ue, anu momperorohi arataano ka motae: Isema anu mosia aiwa sumapoi aku?

Yehesikieli 28:16

Saru pebalu-balumu anu langkai omue bukeako pompokonsii ka omue moweweu hala. Ka Kutadiko inso a ntorukuno-Do Ue Ala, Kupepateko, hei kerubi puu mpodagai, inso a laro watu me'api.

Maleaki 1:4

Tewala motae Edomi, ”Mempinerawo-rawo kamimo, sine kami koa wali mewanguo hangano kota atuu,” ka kanandiomo pau-Do Ueno luwuakoano, ”Moiko koa dompowangu, sine Aku koa mobangkuo. Mia ira meneeakono Wita Po'ewaia parenta-Do i Ue, ka tongku anu tinekudaako-Do i Ue ranta nahina tampulaano.”