Nehemia 9:30 - Wunta Mempori

³⁰ Sine, mapata'u-ta'u mauru Komiu ndi ondae. Penaa-Miu mopoto'oriako ira molalo luwuno nabi-Miu, sine nahi domperioo, ranta ka Ipeweengako ira a ngkaedo luwu tongku i asa wawontolino.

Nehemia 9:30 ပူးပေါင်းရင်းမြစ်များ

2 Mokole 18:11

Mokoledo to Asuri wawa ira to Isaraeli a pontadia i Asuri ka numaa ira i Halahi, a wiwi ngkoro Habori i wita Gosani ka a luwuno kotado to Madai.

2 Mokole 21:10

Ka i'amba Ondae i Ue mepau molalo luwuno tetenaa-Do, luwuno nabi,

2 Tawarika 24:19

Ondae i Ue tumena ira nabi ndi ondae, ka dompepokule ndi Ondae. Luwuno nabi atuu mentee ntu'u dompopoto'oriako ira, sine nahi domebehe mperorongeakono.

Esera 9:10

Kanandio-andio, oo Ue Ala mami, hapa kami mpotae umarino luwuno atuu? Kimebintaomo parenta-Miu,

Nehemia 9:20

Iweeako ira penaa-Miu anu moiko ka paguru ira. Ka mana-Miu mbo'u nahi ontoo domengkaano ka Ipoweeako ira uwoi kai tetadi mokoranga.

Nehemia 9:26

Sine dome'ewaio parenta-Miu ka me'ewai Komiu. Dompebungkuio songka-Miu ka mpepate ira nabi-Miu anu mopoto'oriako ira kadompepokule ndi Omiu. Mpoweweu ira anu tedoa mosa'o.

Nehemia 9:29

Ipopoto'oriako ira kadompepokule a songka-Miu, sine mpompelangka-langkai ira ka nahi dobehe mentondao luwuno parenta-Miu saru me'ewaio luwuno atora-Miu anu moweeako ira tuwua a mia anu weweuo. Domentandeo oweado nahi domebehe, memotea ulu ira ka nahi dobehe merongeo.

Po'unde-unde 86:15

Sine Omiu, oo Ue, Ue Ala me'aroa ka mompehohawa, tedoa sabara ka hadio ntu'u pompehohawa ka pokongkomi.

Po'unde-unde 95:10

Pato pulu nta'u Kumokoburuakono inule asa api atuu, onaemo ka Kupepau, ”Ondae bawaa anu ntesosaelo aroado, nahi domento'orio pesalaa-Ku.”

Yesaya 28:10

Hangano asalakono andio asalakono atuu, asalakono kanandio asalakono kanatuu, tiangi andio tiangio atuu!”

Yesaya 42:24

Isemake anu meweengakono i Yako ka irinontu, ka i Isaraeli a anu mompomuru? Kombake Ondae i Ue isa'a? Hangano, mentehala kitamo ndi Ondae. Ondae nahi domebehe mentondao sala-Do, ka pompaguru-Do nahi dobehe merongeo.

Yesaya 48:9

Hangano nee-Ku Ku'ontoo tekuda-Ku ka hangano telele-Ku Kupehohawako, onaemo ka nahi Kupokotampulako.

Yesaya 63:10

Sine, ondae me'ewa ka mokomasusao Penaa-Do anu mempori; onaemo ka Dopewolili gagi iwali, ka Ondae-Do isa'a metea umewai ira.

Yeremia 25:4

Ondae i Ue kongko-Do mpiha tumena ira ndi omiu luwuno tetenaa-Do, luwuno nabi, sine omiu nahi mebehe mperorongeakono ka mpekokoongakono.

Yeremia 44:22

Ondae i Ue nahi Dopokompeteao mbo'u kumitao luwuno wineweumiu anu mosa'o ka hapa anu mokoburu wineweumiu. Hanganomo onae witamiu gagi terawo-rawo, mongkokongiria ka pontotonaa ranta nahina palili, kana kanandio-andio.”

Yeremia 44:4

Nahi otu-otu Kutena ira ndi omiu luwuno tetenaa-Ku, luwuno nabi, ka domempauo: Si mpoweweu anu mokoburu anu Ku'o'aliaakono andio!

Yeremia 44:5

Sine, nahi dobehe merongeo ka nahi dompo'aroo biri ka dompewolili inso a mpoweweudo anu mosa'o ka nahi dompotunu mbo'u pesomba tiado pinesombai susua.

Yeremia 7:25

Mompu'u tempo dompeluarako uempu'umiu inso i wita Masiri hawe oleo andio, Kutena ira mpiha luwuno nabi ndi omiu, luwuno tetenaa-Ku, oleo me'eu oleo, motilalo mpiha.

Ponsabangi 2:17

Doweweuomo i Ue hapa anu tinoo-Do, Do'ihiio hapa anu pinau-Do, anu Dopeparentaako i ndi'ipua. Ondae monsolangi nahina pompehohawa, Doweweuo iwali mawongkoakomiu, ka tumandeo tandudo anu umewai komiu.

Danieli 9:6

Nahi kimperorongeako ira tetenaa-Miu, luwuno nabi, anu mpepau iramo a nee-Miu a luwuno mokolemami, a luwuno petewawamami, ndi ondae amamami ka a luwuno palili.

Sakaria 7:12

Domeweweuo aroado motea kana watu labu, kasi domporonge pompaguru ka pau anu pinohawe-Do Ueno luwuakoano molalo Penaa-Do telalo a luwuno nabi anu i ndi'ipua. Onaemo pu'uno haweomo tekuda anu mongkokongiri inso ndi Ondae i Ue.

Sakaria 7:13

”Mengkena kana nahi domperorongeakono tempono domempinoboi, kanatuumo mbo'u Ongkue nahi Kuperorongeakono i tempono dompepoboi, pau-Do Ueno luwuakoano.

Podoaa 11:26

Orua mia, anu asa meneeako i Elidadi, anu susua meneeako i Medadi, da mo'ia a mpekemaa. Ondae andio tewinso a luwuno mia anu mebinuri, sine nahi dopetonda lumako a ngkema. Penaa mbo'u atuu kongko ndi ondae ka ipewinsoki ira Penaa kana nabi a mpekemaa.

WINEWEUDO TINENA 13:18

Pato pulu nta'u tehineno Dosabaraakono luwuno gaudo i pada one.

WINEWEUDO TINENA 28:25

Ka tekaleomo tepotowoa atuu nahi dontepokona pada ondaedo. Sine i Paulu da mepauako pau anu aasa andio, ”Menteeomo ntu'u pau anu pinohawe-Do Penaa Mempori a uempu'uto anu pinauno Nabi Yesaya:

WINEWEUDO TINENA 7:51

Hei mia anu memotea ulu ka anu nahi petindi aroa ka biri, omiu wela me'ewaio Penaa Mempori, mengkena kana uempu'umiu, kanandio koa mbo'u omiu.

ROMA 2:4

Inehemuke me'uru-uruo langkaino pe'aroa-Do, sabara-Do ka sanaano aroa-Do? Nahi uto'orioke, nine pe'aroa-Do Ue Ala onaemo tumaateko a ntepidia?

1 PETURU 1:11

Ka dompepenteeo tempo anu isua ka anu kana'umpe tinoono Penaa-Do i Kerisituu, anu kongko i larodo, onaemo Penaa anu se'eluno mompowee ponsakosii mongkona luwuno tebobarasaia anu ta umalu Ira i Kerisituu ka mongkona luwuno marambaa anu metonda lembui umarino atuu.

2 PETURU 1:21

hangano pinau anu ta gagi nahi hori te'inso a mpo'eheno mia, sine hangano petena-Do Penaa Mempori ka dompepau luwuno mia a nee-Do Ue Ala.

2 PETURU 3:9

Ondae i Ue nahi Dotekolupe umihiio dandi-Do, maupo hinao mia anu tumuduo kana tekolupe, sine sabara Ira ndi omiu, hangano po'ehe-Do ka si hina anu mate, tendeano luwuno mia ka dompepokule ntepidi.