Nehemia 9:28 - Wunta Mempori

²⁸ Nahi tehine mansado merodo, mpoweweu ira mbo'u mosa'o i aro-Miu. Ipeweengako ira mbo'u a ngkaedo luwuno iwalido anu mokonsii ira. Ka do'amba wali mpebooli ndi Omiu ka Irongeo inso i langi. Mararu Ipotola ira hangano pompehohawa-Miu.

Nehemia 9:28 ပူးပေါင်းရင်းမြစ်များ

1 Mokole 8:39

Po'ineeomo Irongeo i suruga, po'ianga-Miu mpiha. Po'ineeomo Ipo'ampuni, moweweu, ka mombalo a sompo mia menunu saru luwuno wineweuno, hangano Omiumo tumo'orio aroano. Mentee ntu'u, butu koa Omiu anu tumo'orio aroano luwuno mia,

Po'unde-unde 106:42

Ondae dompokonsii ira iwalido, onaemo ka dompetenunu i totono pabawado.

Po'unde-unde 136:24

ka motola kita inso a luwuno anu umewai kita, menteeano ranta nahina tampulaano pompehohawa-Do.

Yesaya 63:15

Ipensiroiomo inso i suruga ka Ikitaomo inso a mpo'ianga-Miu anu mempori ka maramba! Isuake mahakino aroa-Miu ka moroso-Miu, pebundeno aroa-Miu ka pompehohawa-Miu? Kime'emao siimo Ipo'iaakono!

Puu Mpobitara 2:19

Sine ba puu mpobitara atuu mate, wali ira mpoweweu anu mosa'o, laluaopo sekono ue mpu'udo, mentondao anu pinesombai susua; mpesomba ira a anu pinesombai atuu ka mpenggolontu mpesombaio. Nahi dompenaa-naakono wineweudo ka leludo anu mpe'ulu watu.

Puu Mpobitara 3:30

Oleo atuu to Isaraeli domenangi ira to Moabi, rodoomo wita atuu, halu pulu nta'u tehineno.

Puu Mpobitara 4:1

Mansano mate i Ehu, to Isaraeli mpoweweu iramo mbo'u anu mosa'o i aro-Do i Ue.

Puu Mpobitara 5:31

Kanandiomo domeropu luwu iwali-Miu, o Ue! Sine mia anu mehohawa Ira kana sabano oleo ia marambaano. Sintuwuomo wita atuu pato pulu nta'u tehineno.