Nehemia 9:26 - Wunta Mempori

²⁶ Sine dome'ewaio parenta-Miu ka me'ewai Komiu. Dompebungkuio songka-Miu ka mpepate ira nabi-Miu anu mopoto'oriako ira kadompepokule ndi Omiu. Mpoweweu ira anu tedoa mosa'o.

Nehemia 9:26 ပူးပေါင်းရင်းမြစ်များ

1 Mokole 14:9

Omue moweweukomo anu mosa'o, lansaraopo sekono anu mese'elungiko. Uweweuomo tiamu luwuno pinesombai susua ka luwuno tinaha tinawa, ranta mokotesingkao tekuda-Ku, tendeano upebungkui Akumo.

1 Mokole 18:13

Nahi ipinauako ke ueku hapa anu kuweweuomo tempono i Isebeli mepate ira nabi-Do i Ue, kana'umpe kuwuni ira asa etu mia nabi-Do i Ue a laro kunepo, lima pulu mia asa bawaa ka mompatindaako ira kaanga ka inuado?

1 Mokole 18:4

I tempono i Isebeli mepate ira nabi-Do i Ue, i Obaja umala ira asa etu mia nabi ka iwuni ira i larono ngkunepo, asa mpo'ianga lima pulu mia, ka ipompatindaako ira kaanga ka inuado.

1 Mokole 19:10

Sangkino, ”Tedoa aku me'o'osu mo'angga ndi Omiu Ue, Ue Alano luwuakoano, hangano to Isaraeli mebintao pedandia-Miu, mpobangkuo luwuno meda pontunua pesomba ndi Omiu ka mpepateako ira ponai luwuno nabi-Miu. Butu ongkue asa-asaku anu da tuwu ka ondae mpo'ungke sala ira mpepate aku.”

2 Mokole 21:10

Ka i'amba Ondae i Ue mepau molalo luwuno tetenaa-Do, luwuno nabi,

2 Mokole 21:11

”I Manase mokole i Yehuda moweweuomo luwuno wineweu mokoburu andio, moweweu mosa'o laluaopo sekono luwuno anu wineweudo to Amori anu mese'elungio. Hangano luwuno lahumoano poko'ariano iweweu iramo to Yehuda mpoweweu mbo'u hala.

2 Tawarika 36:16

Sine dopasinggiri ira tinena-Do Ue Ala atuu, mokongkodeio luwuno pau-Do, ka mompopodeu-deu ira nabi-Do. Onaemo pu'uno tekuda-Do i Ue tesingka a bawaa-Do, ranta nami tepomule tekuda-Do.

Nehemia 9:18

Tamoako tempono dompoweweu ana nsapi tinawa ka dompotae, ’Ndiomo Ue Alamiu anu wawa komiu mpeluarako inso i Masiri’, ka mpoweweu anu tedoa mosa'o,

Nehemia 9:29

Ipopoto'oriako ira kadompepokule a songka-Miu, sine mpompelangka-langkai ira ka nahi dobehe mentondao luwuno parenta-Miu saru me'ewaio luwuno atora-Miu anu moweeako ira tuwua a mia anu weweuo. Domentandeo oweado nahi domebehe, memotea ulu ira ka nahi dobehe merongeo.

Nehemia 9:30

Sine, mapata'u-ta'u mauru Komiu ndi ondae. Penaa-Miu mopoto'oriako ira molalo luwuno nabi-Miu, sine nahi domperioo, ranta ka Ipeweengako ira a ngkaedo luwu tongku i asa wawontolino.

Po'unde-unde 50:17

kahinaano omue umo'aliaakono pongkuahako, ka nahi uperioo pau-Ku?

Yeremia 16:11

ka pauako iramo, ’Hangano dompebungkui Akumo uempu'umiu, kanandiomo pau-Do i Ue, ondae mbo'u mpontonda iramo pinesombai susua, mpesomba ka mpenggolontu mpesomba ndi onae. Dompebungkui Aku ka nahi dompe'ini a songka-Ku.

Yeremia 2:30

Nahina pengkonaano Kutunduhi ira anamu, pontunduhi nahi domperioo; ponaimu isa'a pingko ira nabimu kana singa mongura anu mongkaa rinakono.

Yeremia 2:7

Kuwawa komiu a wita anu mewalo ka imperapio wuano ka luwuno anu moiko inso ndi onae. Sine mansamiu mpewinso, imengkokoburutio wita-Ku; wita-Ku imeweweuomo gagi mokoburua.

Yeremia 32:23

Ka do'amba mpewinsokio ka mpetorokio, sine nahi domperorongeakono pau-Miu ka nahi domentuwu montonda Songka-Miu. Luwuno anu Iparentaako ira ka domeweweuo, nahi domeweweuo. Onaemo pu'uno ka Ipotiiako ira luwuno masolaa andio.

Yeremia 42:19

Ondae i Ue mepau Iramo ndi omiu, hei to Yehuda anu da mentuwu: Si melako i Masiri! Impenootio tementee, nine kupopoto'oriakomiu a oleo andio!

Ponsabangi 3:42

Tehala kamimo ka me'ewa, nahi oniniakami halamami.

Yehesikieli 20:21

Sine luwuno anado me'ewa ndi Ongkue, nahi domentuwu montonda luwuno pompakosi-Ku, ka nahi dompe'ini a luwuno atora-Ku ka domeweweuo, kahinaano mia anu weweuo ta tuwu. Ondae mbo'u mengkokoburutio luwuno oleo Saba-Ku. Ka Kupontoo umuwuo tekuda-Ku ndi ondae, motiio tekuda-Ku ndi onae i pada one.

I MATIU 21:35

Sine mia mpo'angga lere atuu merako ira ata atuudo: anu asa mia domentunduhio, anu susuano pinepate ka anu susuano mbo'u winunoako watu.

WINEWEUDO TINENA 7:52

Isemake inso a luwuno nabi anu nahi domeweweunsaoo uempu'umiu? Tendeano dompepate ira mia anu ntese'elu mempaleleo mongkona hawe-Do Mia Mentee, anu kanandio-andio impeweengako Iramo ka mpepate Ira.

Winali 32:14

susu sapi anu pinokobaku, ka susu inso a asa bawaa bembe bimba, saru tabano luwuno ana bimba; bimba lakino inso i Basani, ka bembe lakino, saru tonggi gandu anu moiko ntu'u; ka reano wua anggoro anu mewure kai me'inuo.

Winali 32:15

Ka i'amba i Yesuruni gagi mewalo ka ipetundo i bungkuno, ta mewalo, langkai kompo, ka me'ihi. Ibinta Ira Ue Ala anu mokogagio, ipe'uru-uruo Torukuno Watu tekaduduiano.

Puu Mpobitara 10:6

To Isaraeli mpoweweu iramo mbo'u anu mosa'o ia pongkita-Do i Ue. Mpesomba ira ia Baala ka ia Asitore, a luwuno anu pinesombaido to Arami, anu pinesombaido to Sidoni, anu pinesombaido to Moabi, anu pinesombaido inuledo to Amoni ka anu pinesombaido to Pilisiti. Domebinta ira i Ue ka nami dompesombai Ira.