Nehemia 13:31 - Wunta Mempori

³¹ Kupakosio mbo'u asa pesalaano mompatinda keu ponahu a luwuno tempo anu pinakosi ka a luwuno wua amba-ambano. Oo Ue Alaku Ipewowolo akumo a laro ntumuwuku!

Nehemia 13:31 ပူးပေါင်းရင်းမြစ်များ

Nehemia 10:34

Omami, luwuno sando mpesomba, luwuno to Lewi ka mia hadio, pontende undi mompakosi pompatindaa keu ponahu. Keu atuu asalakono domewawao luwuno pe'etumami i Raha-Do Ue Alamami ia luwuno tempo anu pinakosi sompo ta'u, ka ihina koa api anu melanga a wawo meda pontunua pesomba ndi Ondae Ue Alamami, kana teburi a wunta Taura.

Nehemia 10:35

Ka mbo'u sompo ta'u kami mpowawa a Raha-Do i Ue wua amba-ambano inso a witamami ka wua amba-ambano luwuno keu.

Nehemia 10:38

Asa sando mpesomba, anano i Haruni, ta tumonda ira to Lewi atuu, tempono domporuru pesomba tia hopulu. Luwuno to Lewi atuu ira mewawao asa ntia hopulu inso a mpesomba tia hopulu atuu a Raha-Do Ue Alamami, a luwuno bolongkono raha ponaapa arataa.

Nehemia 13:14

Oo Ue Alaku, Ipewowolo akumo hangano mongkona atuu, ka sii pahihio luwuno petenunu anu kuweweuomo tiano Raha-Do Ue Alaku ka luwuno anu wineweu i larono!

Nehemia 13:22

Kutena ira mbo'u to Lewi mokomemporio koroido ka me'aiwa medagaio luwuno pewowa langkai kai pinokomempori oleo Saba. Oo Ue Alaku, Ipewowolo akumo hangano mongkona mbo'u atuu ka Ipehohawa akumo montonda petenunu ka pompehohawa-Miu anu langkai!

Nehemia 5:19

Ipewowolo aku, oo Ue Alaku, a moikoaku, hangano luwuno anu kuweweuako ira palili andio.

Po'unde-unde 106:4

Irambe akumo, oo Ue, tewala Ipehohawa ira bawaa-Miu, Iperio akumo, tewala Ikadudui ira,

Po'unde-unde 25:7

Luwuno hala tempono kumongura luwuno peleluku anu nahi pontonda songka siimo Irambeo mbo'u, menunu saru pompehohawa-Miu, Irambe akumo a moikoa-Miu, oo Ue.

I LUKASI 23:42

Ka i'amba motae, ”Yesu, Ipewowolo aku koa, tewala hawe Komiu gagi Mokole.”