Nehemia 10:29 - Wunta Mempori

²⁹ Mpe'asa ira saru luwuno pepaekompodo, luwuno mia pinemota'u atuu. Ondae mpesumpa totonaa kadomentuwu montonda songka-Do Ue Ala anu domewineeako molalo i Musa, tetenaa-Do Ue Ala atuu, ka mentondao mpiha ka meweweuo luwuno parenta-Do i Ue, Ondaemo Uemami, saru luwuno atora ka pompakosi-Do.

Nehemia 10:29 ပူးပေါင်းရင်းမြစ်များ

2 Mokole 10:31

Sine i Yehu nahi tuwu mpiha montonda songka-Do i Ue, Ue Alado to Isaraeli saru tompaano aroano. Nahi bintao luwuno halano i Yerobea anu poko'ariano to Isaraeli mpoweweu mbo'u hala.

2 Mokole 23:3

Ka i'amba mokole mentade umpeda a ngkaru raha pesombaa ka moweweu pedandia i aro-Do i Ue ta tumonda Ira i Ue, mekariao luwuno parenta-Do, atora-Do ka pompakosi-Do a tompaano aroa ka tompaano sumanga, ka umihiio pau pedandia anu teburi a wunta atuu. Luwuno palili mengkorahakono pedandia atuu.

1 Tawarika 9:2

Luwuno mia anu amba-ambano wali rodo a luwuno kotado, a luwuno wita tiado, onaemo to Isaraeli, saru luwuno sando mpesomba, luwuno to Lewi ka luwuno tetenaa a raha-Do Ue Ala.

2 Tawarika 34:31

Ka i'amba mokole mentade a mpo'iangano ka moweweu pedandia i aro-Do i Ue ta tumonda Ira i Ue, mekariao luwuno parenta-Do, atora-Do ka pompakosi-Do a tompaano aroa ka tompaano sumanga saru weweuo pauno pedandia anu teburi a wunta atuu.

2 Tawarika 6:16

Kanandio-andio, oo Ue Alano i Isaraeli, Ipekariaomo hapa anu dinandi-Miu ndi tetenaa-Miu i Daudi, amaku, ka Ipepau: Nahi ta otu i aro-Ku inulemu anu ta mentoro a wawo ngkadera poparentaa Isaraeli, tewala luwuno anamu mpekariao sala tumuwudo mentondao songka-Ku, mengkena kana utuwu i aro-Ku.

Nehemia 13:25

Kutata ira ka kutotonaa ira. Ba'opia mia i olodo kutunduhio ka kubutao wuuno, ka ku'amba tumenao mesumpa a nee-Do Ue Ala, kanandio, ”Sii ntu'u impeweengako ira ana beinemiu domengkombia ira ana ntamado ke mpo'ala ana beinedo gagi kombiado ana ntamamiu ke tiano koroimiu!

Nehemia 7:46

Ndiomo luwuno anu mpopekaako a Raha-Do Ue Ala: inuleno i Siha, inuleno i Hasupa, inuleno i Tabaoti;

Nehemia 8:2

mperongaako iramo mpepumpu luwuno palili a ntanalapa i arono Pewowa Langkai Uwoi. Dome'emao ndi Esera anu tedoa pande a wunta atuu, ka iwawao wunta Taurano i Musa anu Doweeako ira i Ue a nto Isaraeli.

Nehemia 8:3

Ka i'amba oleo amba-ambano wula ko'opitu atuu sando mpesomba Esera wawao wunta Taura atuu i arodo bawaa, moiko tama maupo beine, ka sompo mia anu mokonto'orio.

Nehemia 9:2

Inuledo to Isaraeli mponsuao koroido inso a luwuno mia hawe. Mpentade ira ka domemangakuakono hala ka salado uempu'udo.

Nehemia 9:38

Me'empehiako luwuno andio kami mpoweweu pedandia moroso, anu binuri ka luwuno petewawamami, to Lewi saru luwuno sando mpesomba mponaakono petondoni.

Po'unde-unde 105:45

ka domentondao mpiha pompakosi-Do, ka me'inio luwuno pompaguru-Do. Haleluya!

Po'unde-unde 119:106

Mesumpa akumo ka aku umihiio, aku me'ini a luwuno songka-Miu anu moleo.

Po'unde-unde 8:1

Tiano petewawado anu mpenani. Montonda unino penani Gititi. Penani po'unde-undeno i Daudi.

Po'unde-unde 8:9

luwuno manu-manu i laro meene ka luwuno bou a ntahi, ka hapamo koa anu telaloio mansolono tahi malua.

Yesaya 14:1

Tempono Ondae i Ue mehohawao i Yako ka binikio Isaraeli pohona mbo'u saru mo'inee ira mpo'ia i witado, mia mehawe ira mpe'asaako ira ka mpesaloako inuleno i Yako.

Yeremia 26:4

Pauako iramo: Kanandiomo pau-Do i Ue: Tewala nahi mebehe mperorongea-Kune saru mentondao Songka-Ku anu Kupauomo i aromiu,

Yeremia 34:15

Oleo andio ntepidi komiumo ka mpoweweu hapa anu mentee a pongkita-Ku hangano sompo mia mopoto'orio pompotolaa a mpepaekompono, ka mpoweweu komiumo pedandia i aro-Ku a raha anu nineeako montonda nee-Ku.

Yehesikieli 36:27

Penaa-Ku Aku numaao i laro aroamiu ka Aku weweu komiu mentuwu montonda luwuno pompakosi-Ku ka mpe'ini mpiha a luwuno atora-Ku saru meweweuo.

Imama 20:26

Omiu asalakono gagi mempori ndi Ongkue, hangano Ongkue andio Ue, mempori ka Kuponsia komiumo inso a luwuno tongku susua, kai megagi bawaa-Ku.

Maleaki 4:4

Impewowoloomo Taura anu Kuparentaakono i Musa, tetenaa-Ku, i torukuno Hore tiado luwuno to Isaraeli, onaemo luwuno pompakosi ka luwuno songka.

Podoaa 5:21

I larono anu kanandio asalakono sando mpesomba sumumpaakono sumpa totonaa beine atuu ka motaeakono: po'ineeomo Ondae i Ue weweuko gagi sumpa totonaa i tonga-tongano tongkumu saru weweuo pu'u mpa'amu gagi kodei ka pe'anakaamu kamba.

I YOHANE 1:17

hangano songka Taura inso ndi Musa, sine pe'aroa ka menteea hawe inso ndi Ondae i Yesu Kerisituu.

I YOHANE 15:14

Omiumo sambe'e-Ku, tewala imeweweuo hapa anu Kuparentaakomiu.

I YOHANE 7:19

Kombake i Musa anu moweeakomiumo songka Taura? Sine nahina maupo te'asa mia i olomiu anu weweuo songka Taura atuu. Tembio ka impo'ungke-ungkeako komiu mpepate Aku?”

WINEWEUDO TINENA 11:23

Mansano hawe i Baranaba ka ikitao pompehohawa-Do Ue Ala, mo'undeomo. Ipatudu ira, ka dompetenunu koa mpiha ndi Ondae i Ue,

WINEWEUDO TINENA 17:34

Sine ba opia ira tama mentondao ka mpompe'ala-ala, i olodo i Dionisiu, anu mentoro majelisi Areopagu, ka asa mia beine meneeako i Damari, ka mia mbo'u mehano anu mperonga saru ondae.

WINEWEUDO TINENA 23:21

Sine siimo iperorongeako ira, hangano torea pato pulu mia inso ndi ondae mpepatinda iramo mentowokio. Mpesumpa iramo saru mentotonaao koroido, nine nahi ira mpongkaa ka mpo'inu ba napi dompepateo; kanandio-andio mpepatinda iramo butumo koa mposikori pomputusi inso ndi omiu.”

ROMA 12:9

Asalakono mompehohawa atuu si mpo'onde-onde! Ime'olaiakonomo anu mosa'o ka impoweweumo anu moiko.

Winali 33:4

I Musa mohaweo songka Taura ndi ontae, aasa tiado bawaano i Yako.

Winali 5:1

I Musa moboi ira luwu to Isaraeli mpepumpu ka ipotaeako ira, ”Imerongeomo, hei to Isaraeli, pompakosi ka atora anu kupohaweakomiu a oleo andio, kai mpepaguruakono ka mpetenunu meweweuo.

Winali 5:32

Gagi, Impetenunumo meweweuo luwuno atuu, kana anu Doparentaa komiu i Ue, Ue Alamiu. Si mepansia i koana ke i manggali.