Mika 7:9 - Wunta Mempori

⁹ Aku tumembio tekuda-Do i Ue, hangano tehala akumo ndi Ondae, ranta ka Do'ungkeakono kara-karaku ka tumeahakono moleoa ndi ongkue. Ira wawa aku a mewantaano, ka kukitao moleo-Do.

Mika 7:9 ပူးပေါင်းရင်းမြစ်များ

2 Samueli 24:17

I Daudi mepau ndi Ondae i Ue, tempono ikitao mala'eka anu tekonai mompotii haki a tongku atuu, kanandio, ”Ongkue koa anu tehala, ongkue koa anu sala, sine hapamoke anu wineweudo luwuno bimba-Miu andio? Po'ineeomo kae-Miu humuku aku saru luwuno somboriku.”

Ayubi 23:10

Hangano Doto'orio sala ntumuwuku; ande-andeno Do'arahako aku, aku meluarako kana wulaa.

Ayubi 35:14

Tamoako mbo'u tewala omue motae nine nahi ukita Ira, nine teweweumu winawaomo i aro-Do, sine omue da sumisikori Ira!

Po'unde-unde 119:154

Ikorahakonomo kara-karaku ka Itolosi akumo, Iweweu akumo tuwu menunu saru dandi-Miu.

Po'unde-unde 37:6

Ira mosabao menteemu kana mewine, ka tiamu kana meene.

Po'unde-unde 43:1

Ipowee akumo moleoa, oo Ue Ala, ka Ikorahakonomo kara-karaku a nsuku anu nahi moleo! Ipotola akumo inso a anu mompopo'oo ka mia molengku!

Po'unde-unde 7:6

po'ineeomo ilulu aku iwali ka rumako aku, lumolandao tuwuku a wita, ka numaao pelangkaiku a laro pampawu.

Po'unde-unde 94:15

Mentee ntu'u, songka ta wali moroso menunu saru moleoa, luwuno mia anu bobotoli aroano ta tumondao.

Yesaya 42:16

Aku tumaate ira mia memorawu a nsala anu nahi domento'orio, a pesalaa anu nahi domento'orio. Aku wawa ira mpelempa. Aku weweuo wongi-wongi i arodo gagi mewine ka wita anu mpebanga-bangano gagi wita anu merete. Mongkonamo anu kanatuu Aku weweuo ndi ondae, anu asalakono Aku weweuo.

Yesaya 42:7

ka mowile mata anu morawu, ka moluarako mia hinuku inso a ntorungku ka luwuno mia anu mpentoro a wongi-wongiano inso a raha po'ukoa.

Yesaya 46:13

Moleo-Ku nami olai mbo'u, hangano Kupoko'umpedaomo ka tolaa anu Kupeweengakono nahi tepotulu mbo'u; Aku mompowee pongkadudui i Sioni ka maramba-Ku ndi Isaraeli.”

Yesaya 51:22

Kanandiomo pau Uemu, Ue Alamu anu tumeahakono kara-karano bawaa-Do, ”Menteeano, Ku'alao inso a ngkaemu piala saru ihino anu mompokomokolili, ka ihino sangkiri mokulano tekuda-Ku nahi ko'uminuo mbo'u.

Yesaya 56:1

Kanandiomo pau-Do i Ue: Tondaomo songka ka teahakonomo moleoa, hangano saraimo koa ta hawe tekaduduia anu inso ndi Ongkue, ka moleoa-Ku ta pinokomengkaa.

Yeremia 10:19

Masola akumo, hangano mobelaku langkai; mobelaku nahi hori toompa! Kupewowoloo, ”mentee ntu'u, onaemo andio pobobarasaia ka asalakono aku tumembio!”

Yeremia 14:7

”Maupo luwuno salamami mpesakosii umewai kami, Itulungi kamimo, oo Ue, a nee-Miu! Tedoa hadio pehapumami, ndi Omiumo kimentehala.

Yeremia 51:10

Doweweuomo i Ue mengkaa luwuno menteeto; aiwamo tomentutuluo i Sioni wineweu-Do Ue, Ue Alato!

Ponsabangi 1:18

”Ondaemo i Ue anu mentee, sine ku'ewaiomo pau-Do; rongeomo hei luwuno tongku, ka kitaomo pompemasusaku; luwuno ana beineku ka mangalitauku melako gagi mia mentinawa.

Imama 26:41

ka Ongkue mbo'u umewai ira ka wawa ira a witano iwalido ke tewala lembuino aroado anu motea atuu metuunduomo ka dome'owahio salado,

Maleaki 3:18

Ka komiu mpepokule mengkitao teposisinggeno mia mentee ka mia mogau mosa'o, olono mia anu mesomba ndi Ondae Ue Ala ka anu nahi pesomba ndi Ondae.

1 KORINTI 4:5

Onaemo pu'uno, si mpobitara ba napi tempono, onaemo ba napi Dohawe i Ue. Ira mokomewineo, saru mbo'u hapa anu tewuni a laro wongi-wongia, ka Ira mopokitao hapa anu tinoo i laro aroa. Ka sompo-sompo mia ta mohawe po'unde-unde inso ndi Ondae Ue Ala.

2 TIMOTIU 4:8

Kanandio-andio pinatindaako akumo ramba-ramba ulu menteea anu Ira weeakune i Ue, Puu mpobitara anu moleo, a oleo-Do; sine komba butu ndi ongkue, tendeano a luwuno mbo'u mia anu kumekewoio hawea-Do.

MENGKAAA 18:20

Impo'undeakonomo, hei suruga, ka omiu, hei luwuno mia mempori, luwuno tinena ka luwuno nabi, hangano Ondae Ue Ala mompotii Iramo pohuku ndi onae hangano omiu.”

1 Samueli 24:15

Isemake anu linuluno mokoledo to Isaraeli? Isemake anu linulumiu? Butu dahu mate! Butu anu kana kutu!

1 Samueli 25:39

Irongeo i Daudi nine mateomo i Naba, ipotae, ”Unde-unde Ira i Ue, anu tumaloi aku inso a mpompe'uru-uruno i Naba ndi ongkue, ka anu umontoo tetenaa-Do moweweu mosa'o. Ondae i Ue humukuo i Naba hangano wineweuno anu mosa'o.” Ka i'amba i Daudi montena mia mepauakono i Abigai ta umalao gagi kombiano.

1 Samueli 26:10

Ipotae mbo'u i Daudi, ”A nee-Do i Ue anu tuwu, asalakono Ira mepateo i Ue, ke lano haweakoomo tempono, ke mate a mpeteaa.

1 Samueli 3:18

Ka i'amba i Semueli pauakono, nahina maupo hapa anu winunino. Ipotae i Eli, ”Ondaemo i Ue, po'ineeomo Doweweuo hapa anu moiko a pongkita-Do.”