Mika 7:3 - Wunta Mempori

³ Kaedo pande ntu'u mpoweweu mosa'o; petewawa motuntu tambo, puu mpobitara montarima pompowee nahi pototo; Anu langkai potorono mompowee pomputusi po'eheno aroano, ka luwuno domemposuleo!

Mika 7:3 ပူးပေါင်းရင်းမြစ်များ

Powadi 16:30

Isema mempiroakono matano, mosongka pompopo'oo; isema mekomu, moweweuomo anu mosa'o.

Powadi 17:23

Mia mosa'o gauno menoro-noro montarima pompowee nahi pototono ka ipelengkuakono pesalaano songka.

Yesaya 1:23

Luwuno petewawamu ondaemo anu me'ewa ka ntepo'asa saru puu mponako. Inehedo luwu mpontarima pompowee nahi pototono ka inehedo mpo'ala anu komba tiado. Nahi dompe'alaako a ntiado nana'ote nahina amado, ka kara-karado tuwu beine nahi hawe ndi ondae.

Yesaya 26:21

Hangano menteeano, Ondae i Ue Ira ronga meluarako inso a mpo'ianga-Do Ira humukuo palilino tolino hangano salado, ka tolino mosabao rea anu te'uwu i wawono, nahi wunio mbo'u mia anu mempinepate i ra'ai.

Yesaya 3:5

Palili ira mambepokonsii, asa mia ka anu susuano; mia mongura mompepaukiako mia mota'u, mia pinokongkodei mompepaukiako mia maramba.

Yesaya 32:7

Pompopo'oodo anu mpopopo'oo mosa'o ntu'u, luwuno tinoono mokoburu ta sumolangiakono ira pau mpegaupi mia marasai, maupo mia mongkokolaro tumeahakono tiano.

Yesaya 5:23

anu mokomenteeo mia mosa'o gauno hangano pompowee nahi pototono ka anu humapuo tiano mia mentee.

Yeremia 3:5

Nde Ira tekudake ranta nahina tampulaano ke monaa-naa aroa mosa'o mpiha? Kanandiomo paumu, sine omue moweweu mosa'o te'ipiamo koa upolio.”

Yeremia 4:22

”Mentee ntu'u, bawaa-Ku atuu mebenge-benge, nahi domento'ori Aku! Ondae onaemo nana'ote monge-monge, nahina tino'orido! Ondae pande mpoweweu mosa'o, sine nahi domponto'ori mpoweweu moiko.”

Yeremia 8:10

Onaemo pu'uno, Aku meweengako ira beinedo a mia susua, luwuno leredo a mia mpope'ata. Hangano, inso anu lalu kodei hawe anu lalu langkai, luwuno mpo'ungke me'uraa, moiko nabi maupo sando mpesomba, luwuno mpoweweu pompopo'oo.

Yehesikieli 22:12

I olomu hinawe mia anu montarima pompowee anu nahi pototono ka ipo'uwu rea. Omue mo'ala tiangino ke bungano doi ka mokorugio pe'asa miamu mo'ala anu komba tiamu. Mentee ntu'u, ukolupe Akumo, kanandiomo pau-Do Ue Ala.

Yehesikieli 22:27

Luwuno mia pinemota'u i tonga-tongano kana serigala anu momperangkami kaangano ka ipo'uwu rea ka mompepate mia hangano ime'uraakono koroino onaeno.

Yehesikieli 22:6

Kitao, singge mia petewawado to Isaraeli merorohio rosono i tonga-tongamu ka ipo'uwu rea.

Yehesikieli 34:21

Hangano luwuno anu molema imedandaakono kompo ka oweamiu saru mentanduakono tandumiu ranta imensaari ira mpeluarako inso a walado,

Yehesikieli 9:9

Dosangki aku, ”Salado suku Isaraeli ka Yehuda tedoa langkai, ranta wita andio bukeako rea ka kota andio bukeako poweweu nahina moleoa. Hangano, dompotae, ’Wita andio Dobintaomo i Ue ka nahi Dokitao i Ue.’

Hosea 4:18

Mansado memolangu, mpepotende ira mpebelesu; domengkekewoio pontataa sekonopo mohawe pompelangkai.

Hosea 7:3

Aroano mokole dompokosanaakono wineweudo mosa'o, ka pegaupido a luwuno mia pinemota'u.

Amosi 5:12

Kuto'orio kana'umpe hadio ntu'u wineweumiu anu mosa'o ka kogagi-gagino ntu'u halamiu, hei omiu anu pokonsii ira mia mentee, anu montarima pompowee nahi pototono ka anu mebungkui ira mia mongkokolaro a mpewowa langkai.

Mika 2:8

Sine mompu'u i ndi'ipua bawaa-Ku mpentade gagi iwali: i arono imerontuo lemba meloe, sangka tekosi, inso a mia anu telalo nahina morenggo-renggo, kana mpekule inso a mpetea.

Mika 3:11

Luwuno mia pinemota'uno memputusio songka hangano pompowee nahi pototono, ka sando mpesombano mompaguru hangano inowahi, nabino mpompau anu nahi manasa ta gagi hangano doi, kahinaano dompotae mpehonda ira ndi Ondae i Ue; kombake Ondae i Ue kongko Ira i tonga-tongato! Masolaa nahi ta umalu kita!”

Mika 3:2

hei omiu anu umo'aliaakono moleoa ka anu kumekewoio mosa'oa? Omiu anu mpoberi kuli ngkoroido tongkuku ka ihi inso a luwuno wukudo,

I MATIU 26:15

Ipotae, ”Hapa anu komiu mpoweeakune, ka kupeweengako Ira ndi omiu?” Dome'owahio ndi onae tolu pulu doi salaka.

1 KORINTI 4:5

Onaemo pu'uno, si mpobitara ba napi tempono, onaemo ba napi Dohawe i Ue. Ira mokomewineo, saru mbo'u hapa anu tewuni a laro wongi-wongia, ka Ira mopokitao hapa anu tinoo i laro aroa. Ka sompo-sompo mia ta mohawe po'unde-unde inso ndi Ondae Ue Ala.