Mika 7:19 - Wunta Mempori

¹⁹ Po'ineeomo Dowali mehohawa kita, pahihio luwuno salato ka metadiakono luwuno halato a laro luwuno wingke ntahi.

Mika 7:19 ပူးပေါင်းရင်းမြစ်များ

2 Samueli 24:14

Sumangki i Daudi ndi Gadi, ”Tedoa aku mompemasusa. Po'ineeomo tontedonta a ngkae-Do i Ue hangano langkai ntu'u pompehohawa-Do, sine siimo kutedonta a ngkaedo mia.”

Po'unde-unde 103:12

kana olaino sabaano oleo inso i sumooano oleo, kanatuumo Dopoko'olaio polimpa'ito.

Po'unde-unde 130:8

Ondaemo anu motola ira to Isaraeli inso a luwuno salado.

Po'unde-unde 85:3

Itandeomo salado bawaa-Miu, nami pototo'iako ira luwuno halado. Sela

Yesaya 33:24

Nahina maupo te'asa mia anu mo'ia i ra'ai ta motae, ”Ongkue mahaki,” ka luwuno palilino ta inampuni salano.

Yesaya 38:17

Menteeano, pompemarasai anu pinembasaiku gagiomo tekaduduiaku; Ipe'eheo ntu'u sumangaku tola inso a masolaa. Mentee ntu'u, Itadiomo luwu halaku inso i aro-Miu.

Yesaya 43:25

Ongkue, Ongkuemo Onae anu umoninio pe'ewamu hangano Ongkue-Ku, ka nahi Kupewowoloo halamu.

Yeremia 31:20

Kombake i Eparai ana pinehohawa, kombake onae ana anu inehe-eheako? Hangano sompo Kutekudaakono, wela Aku rumambeo; onaemo pu'uno aroa-Ku mondende hangano onae; maupo kana'umpe Aku mehohawao, kanandiomo pau-Do i Ue.

Yeremia 31:34

Siimo mbo'u mia paguruo pe'asa miano ke pepaekompono ka ipotae, ’To'ori Iramo i Ue!’ Hangano luwudo, langkai ka kodei, ira mento'ori Aku, kanandiomo pau-Do i Ue. Hangano Aku umoniniako ira salado ka nahi pinewowolo mbo'u halado.”

Yeremia 33:8

Aku mokomentee ira inso a luwuno salado ka hala anu wineweudo ndi Ongkue. Aku umoninio luwuno sala, hala, ka pe'ewado ndi Ongkue.

Yeremia 50:20

I tempo atuu, kanandiomo pau-Do i Ue, mia ta mo'ungke salano i Isaraeli sine nahi pohawe, ka halano i Yehuda sine nahi pohawe, hangano Aku umoniniako ira halado mia anu Kupo'inee ira mentuwu.

Ponsabangi 3:22

Menteeano nahi otu-otu pompehohawa-Do i Ue pompowee-Do nahi hori pingko,

Ponsabangi 3:32

Maupo Dopompotii masusaa, me'aroa Ira koa mbo'u montonda langkaino pompehohawa-Do.

Yehesikieli 18:22

Luwuno polalono songka anu wineweuno nahi ta pinewowolo mbo'u; onae ta tuwu hangano menteea anu wineweuno.

Yehesikieli 39:29

Nahi Aku wunio mbo'u rupa-Ku ndi ondae, hangano Aku motiio Penaa-Ku i wawodo suku Isaraeli, kanandiomo pau-Do Ue Ala.”

Danieli 9:24

Pinakosiomo pitu pulu meluka opitu tempo a tongkumu ka a ngkotamu anu mempori, mokotampulao gau mosa'o, mokompenaa-naao hala, pahihio sala, ka ihawe moleoa anu nahina tampulaano, umihiio pongkita ka pinau anu ta gagi, umurapio anu tedoa mempori.

Hosea 14:2

Pepokulemo, hei Isaraeli ndi Ondae i Ue, Ue Alamu, nde tetidukomo hangano salamu.

Hosea 14:4

Asuri nahi pokokadudui kami; nahi kami mpopesawiki ngara, ka nami kami mpotae mbo'u, ’Ue Alamami’ a wineweuno kaemami. Hangano ndi Omiu nana'ote nahina amano mohawe pompehohawa.”

Sakaria 3:4

anu motae ndi ondae anu mpekakaakono, ”Imelohuomo sangka merege atuu inso ndi onae.” Ka i'amba ndi Yosua ipotae, ”Kitao, saru andio ku'oniniomo salamu! Aku mokonaakomu sangka porame-ramea.”

ROMA 6:14

Nde nami ta pabawai komiu mbo'u hala, hangano omiu komba mpo'ia i totono songka Taura, sine i totono pompohohawa.

ROMA 8:13

Hangano, Tewala mentuwu komiu montonda tuwu ntolino, komiu memate; sine tewala hangano Penaa ka impepateo luwuno wineweuno koroimiu, komiu mentuwu.

Winali 30:3

onaemo Ondae i Ue, Ue Alamu, Ira mokomoikoo tumuwumu ka mehohawako. Ira wali pumpu komiu inso a luwuno tongku ba isua Dopeweengakomiumo i Ue, Ue Alamiu.

Winali 30:6

Ondae i Ue, Ue Alamu Ira balio aroamu ka aroado inulemu, ranta kai mpehohawa Ira i Ue, Ue Alamu tompaano aroamu ka tompaano tinuwumu, kai mentuwu.

Winali 32:36

Mentee ntu'u Ondae i Ue mompowee moleoa a bawaa-Do, ka mehohawa ira luwuno tetenaa-Do, tewala dokitao rosodo nami hina, ka tetenaa-Do saru mia maradeka nami hina.

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

IBARANI 8:12

Hangano Aku umampunio salado ka nahi Aku mewowoloo mbo'u luwuno halado.”

1 YOHANE 3:8

ba isema anu kongko moweweu hala, tepu'u inso ndi Mosa'o, hangano i Mosa'o moweweu hala inso a pompu'uano. Onaemo andio pu'uno ka Dopepokomengkaa Ana-Do Ue Ala, onaemo ka Dopokoropuo luwuno wineweuno i Mosa'o atuu.