Mika 7:18 - Wunta Mempori

¹⁸ Isemake kana Omiu Ue Ala anu mo'ampuni hala, anu nahi pompototoi salado toreano bawaa anu lano Ondae me'ueo, ka nahi kongko mpiha a laro ntekuda-Do, tendeano umehe mokomengkaao petenunu pompehohawa?

Mika 7:18 ပူးပေါင်းရင်းမြစ်များ

Tegagia 4:7

Komba ta moleoke rupamu, tewala moweweuko anu moiko? Sine tewala nahi moiko wineweumu, hala padasoomo i arono pewowa. Po'eheno aroano te'aro ndi omue, sine asalakono ka upabawaio.”

1 Mokole 8:23

ka ipotae, ”Oo Ue, Ue Alado to Isaraeli! Nahina Ue Ala kana Omiu, moiko i langi anu i wawono maupo i tolino anu i totono. Omiu anu mekariao pedandia ka pompehohawa a luwuno tetenaa-Miu anu tuwu tompaano aroano i aro-Miu.

2 Tawarika 30:9

Menteeano, tewala mpekule komiu ndi Ondae i Ue, luwuno pepaekompomiu ka luwuno anamiu ira mpohawe pompehohawa inso a luwuno mia anu tumawa ira, ranta ka dompekule i wita andio. Hangano Ondae i Ue, Ue Alamiu, anu puu mpompehohawa. Nahi Ira wolilio rupa-Do inso ndi omiu, tewala mpepokule komiu ndi Ondae!”

2 Tawarika 6:21

Irongeomo po'emano tetenaa-Miu ka bawaa-Miu Isaraeli ba dompekakai a mpo'ianga andio. Irongeomo inso a mpo'ianga-Miu, inso i suruga; Irongeomo ka I'ampunio.

Nehemia 9:17

Nahi dobehe mentondao parenta-Miu ka nahi dompewowoloo wineweu anu kinohali-haliako anu umariomo Iweweuo i olodo. Memotea ulu ira tendeano mpedada ira mpekule a ntepe'ataa i Masiri. Sine Omiumo Ue Ala anu mo'ampuni, mompehohawa, sabara, ka nahi otu-otu pompehohawa-Do. Nahi hori binta ira.

Po'unde-unde 103:13

Kana ama mehohawa ira anano, kanatuumo Dopehohawao i Ue mia anu doitoako Ira.

Po'unde-unde 130:4

Sine ndi Omiu hinao po'ampunia, ka idoito mia ndi Omiu.

Po'unde-unde 35:10

luwuno wukuku motae, ”Oo, Ue, isemake kana Omiu, anu motolao mia marasai inso a ngkaeno mia anu lalu moroso, mia memarasai ka mongkokolaro inso a ngkaeno mia anu rumontuo?”

Po'unde-unde 65:3

hei Omiu anu merorongeakono pekakai. Ndi Omiumo luwuno mia dome'aiwa mpe'aro

Po'unde-unde 65:4

hangano mensala. Luwuno halamami lumaloio rosomami, sine Omiumo anu pahihio.

Po'unde-unde 71:19

ka moleo-Miu, anu humaweo langi anu mantande, oo Ue Ala. Iweweu iramo mongkona anu langkai, isemake kana Omiu, oo Ue Ala?

Po'unde-unde 86:15

Sine Omiu, oo Ue, Ue Ala me'aroa ka mompehohawa, tedoa sabara ka hadio ntu'u pompehohawa ka pokongkomi.

Po'unde-unde 86:5

Hangano Omiu, oo Ue, moiko ka behe mo'ampuni ka hadio ntu'u pompehohawa nahi bali a luwuno mia anu mebooli ndi Omiu.

Po'unde-unde 89:6

Po'ineeomo langi ka ipaleleo luwuno pabawa-Miu, oo Ue, ka petenunu-Miu a laro tepumpuado anu mempori.

Po'unde-unde 89:8

Ondae Ue Ala atuu mongkokongiri i olodo anu mempori, maramba ka mongkokodoito lumaloio luwuno anu kongko a mpehori-hori-Do.

Peluarakoa 15:11

Isema kana Omiu i olodo pinesombai susua, O Ue? Isema kana Omiu, maramba a laro mempori-Miu, ntengiri hangano wineweu-Miu tepalele, anu moweweu kinohali-haliako?

Peluarakoa 34:9

Ipotae, ”Tewala mohawe aku pompehohawa i aro-Miu, oo Ue, Ikongkomi kamimo, oo Ue. Lano tongku andio me'ulu watu, sine I'oninio sala ka hala mami, ka Ipokogagi kamimo bawaa-Miu.”

Yesaya 1:18

Aiwamo, moikoomo tompekara-kara! Pau-Do i Ue. Tewala halamu motaha kana kirimisi, ta gagi mopute kana seru baku; tewala motaha kana kasumba, ta gagi mopute kana wulu bimba.

Yesaya 33:24

Nahina maupo te'asa mia anu mo'ia i ra'ai ta motae, ”Ongkue mahaki,” ka luwuno palilino ta inampuni salano.

Yesaya 38:17

Menteeano, pompemarasai anu pinembasaiku gagiomo tekaduduiaku; Ipe'eheo ntu'u sumangaku tola inso a masolaa. Mentee ntu'u, Itadiomo luwu halaku inso i aro-Miu.

Yesaya 40:18

Gagi, saru isema komiu mpongkenaako Ira Ue Ala ka hapa anu komiu pokompengkenaako Ira?

Yesaya 40:25

Saru isema komiu mpongkenaa-Kune, kana ntu'u Ongkue mesongka saru onae? pau Anu Tedoa Mempori.

Yesaya 43:25

Ongkue, Ongkuemo Onae anu umoninio pe'ewamu hangano Ongkue-Ku, ka nahi Kupewowoloo halamu.

Yesaya 44:22

Kupokotampulaomo luwuno salamu kana gawu luwuno halamu kana seru. Pepokulemo ndi Ongkue, hangano Kutolosikomo!

Yesaya 55:7

Moikoomo mia mosa'o gauno bintao salano, ka mia lambaha bintao tinoono. Moikoomo ipepokule ndi Ondae i Ue, asalakono Ira mehohawao, ka ndi Ondae Ue Alato, hangano Ondae mo'onini hala hadio ntu'u.

Yesaya 57:10

Hangano olaino pelempaamu gagikomo telusa, sine nahi upotae, ”Siimo, nahina tuduno!” Omue mbo'u mohaweko roso wo'ohu, onaemo pu'uno, ka nahi upompemolema.

Yesaya 57:16

Mentee ntu'u, komba ranta nahina tampulaano Aku teposangki, ka komba Aku tekuda mpiha, ka si molema rosodo i aro-Ku; Ongkuemo anu weweuo penaa tuwua

Yesaya 62:5

Hangano, kana asa mangalitau gagi kombiano asa ana beine, kanandiomo Ondae anu wanguko Ira gagi tamamu, ka kana mawongkono aroano asa umbungkoroi kumitao umbungkoroi beineno, kanandiomo Ondae Ue Ala Ira mawongkoakomu.

Yesaya 64:9

Oo Ue, siimo Itekuda lahi ka siimo Ipewowoloo hala lembuino! Oo, po'ineeomo ka Ikita kami, hangano omami luwu onaemo bawaa-Miu.

Yesaya 65:19

Aku kokora-kora hangano Yerusale, ka mawongko hangano bawaa-Ku. I larono nahi ta teronge mbo'u pengesea ke maupo peraali.

Yeremia 3:12

Lakomo ka pebooliakonomo luwuno pau andio i utara. Potaemo: Pepokulemo, hei Isaraeli anu mehapuakono pompe'ala-alano, kanandiomo pau-Do i Ue. Rupa-Ku nahi ta mo'oro ndi omiu, hangano Ongkue me'aroa; nahi Aku tekuda ranta nahina tampulaano, kanandiomo pau-Do i Ue.

Yeremia 3:5

Nde Ira tekudake ranta nahina tampulaano ke monaa-naa aroa mosa'o mpiha? Kanandiomo paumu, sine omue moweweu mosa'o te'ipiamo koa upolio.”

Yeremia 31:20

Kombake i Eparai ana pinehohawa, kombake onae ana anu inehe-eheako? Hangano sompo Kutekudaakono, wela Aku rumambeo; onaemo pu'uno aroa-Ku mondende hangano onae; maupo kana'umpe Aku mehohawao, kanandiomo pau-Do i Ue.

Yeremia 31:34

Siimo mbo'u mia paguruo pe'asa miano ke pepaekompono ka ipotae, ’To'ori Iramo i Ue!’ Hangano luwudo, langkai ka kodei, ira mento'ori Aku, kanandiomo pau-Do i Ue. Hangano Aku umoniniako ira salado ka nahi pinewowolo mbo'u halado.”

Yeremia 32:41

Hangano ondae ta mawongko aroa-Ku moweweu moiko ndi ondae. Aku weweu ira mentuwu mpetenunu i wita andio, tompaano aroa-Ku ka tompaano sumanga-Ku.

Yeremia 33:8

Aku mokomentee ira inso a luwuno salado ka hala anu wineweudo ndi Ongkue. Aku umoninio luwuno sala, hala, ka pe'ewado ndi Ongkue.

Yeremia 38:8

meluarakoomo i Ebedi-Meleki inso a langkanaeno mokole, ka i'amba motae ndi mokole,

Yeremia 50:20

I tempo atuu, kanandiomo pau-Do i Ue, mia ta mo'ungke salano i Isaraeli sine nahi pohawe, ka halano i Yehuda sine nahi pohawe, hangano Aku umoniniako ira halado mia anu Kupo'inee ira mentuwu.

Yeremia 9:24

Sine isema ineheno mo'unde, laluopo ipo'undeakono mongkona andio: nine onae mokonto'orio ka tumo'ori Aku, nine Ongkuemo Ue anu mopokitao pompehohawa, moleoa ka menteea i tolino; mentee ntu'u, luwuno atuu inehe-Ku, kanandiomo pau-Do i Ue.”

Yehesikieli 18:23

Nde Aku memoikooke mateano mia mosa'o gauno? Kanandiomo pau-Do Ue Ala. Kombake a ntepidiano ka ituwu?

Yehesikieli 33:11

Pauako iramo: Hangano Ongkue anu tuwu, kanandiomo pau-Do Ue Ala, nahi Kupe'eheo mateno mia mosa'o gauno, tendeano inehe-Ku a mpepokuleno mia mosa'o gauno atuu inso a nsala ntumuwuno ka ituwu. Pepokulemo, Pepokulemo inso a nsala ntumuwumu anu mosa'o wineweumu atuu! Tembio ka i'asalakono komiu memate, hei suku Isaraeli?

Yehesikieli 33:16

Luwuno halano anu wineweuno nahi ta pinewowolo mbo'u. Onae moweweuomo moleoa ka menteea, ka onae manasa tuwu.

Danieli 9:9

Ndi Ondae i Ue, Ue Alamami, hinao pompehohawa ka po'oninia hala, maupo me'ewa kamimo ndi Ondae,

Hosea 14:2

Pepokulemo, hei Isaraeli ndi Ondae i Ue, Ue Alamu, nde tetidukomo hangano salamu.

Hosea 14:5

Aku mokotompa ira inso a mpopebungkuido ndi Ongkue, Aku mehohawa ira hangano po'ehe-Ku, hangano tekuda-Ku telusa inso ndi ondae.

Yoeli 2:32

Isemamo koa anu mebooli a nee-Do i Ue ta kinadudui, hangano i Torukuno Sioni ka i Yerusale ta hina tekaduduia; kana anu Dopauomo i Ue, sompo mia anu pinoboi-Do i Ue ta tewinso a luwuno mia anu tepotola.”

Amosi 1:11

Kanandiomo pau-Do i Ue, ”Hangano otolu wineweuno Edomi anu mosa'o, ke opaa, nahi Aku balio mbo'u pomputusi-Ku. Hangano onae moluluako ponai pepaekompono ka mepateo aroa pompehohawano, bamburuno moberi mpiha, ka tekudado kongko mpiha,

Amosi 7:8

Ka i'amba mepau Iramo i Ue ndi ongkue, ”Hapake anu kinitamu Amosi?” Sumangki aku, ”Koloro pompokomoleo!” Mepau Iramo i Ue, ”Menteeano, Aku monaa koloro pompokomoleo i tonga-tongano bawaa-Ku Isaraeli; nahi Aku umampuni ira mbo'u.

Amosi 8:2

Ka Do'amba mepau, ”Hapake kinitamu, Amosi?” Kusangki Ira, ”Asa baki me'ihi hadio rupa wua anu motaha.” Mepau Iramo i Ue ndi ongkue, ”Poko'ariano haweomo a bawaa-Ku Isaraeli. Nahi Aku umampuni ira mbo'u.

Yunu 4:2

Ka mekakaiomo ndi Ondae i Ue, ipotae, ”Oo Ue, kombake kupauomo mongkona andio, tempono ongkue da i witaku? Onaemo pu'uno, ka kupolai i ndi'ipua lumako i Tarasisi, hangano kuto'orio, nine Omiumo Ue Ala anu me'aroa ka mompehohawa, anu tedoa sabara ka tedoa metenunu mompehohawa, saru me'o'ole hangano masolaa anu tinoo-Do.

Mika 2:12

Menteeano Aku pumpu komiu luwu, hei Yako. Menteeano Aku pumpu ira toreano to Isaraeli; Aku mo'asao kana asa bawaa bembe bimba a laro kanda, kana bawaano pinotuwu a ntonga mpadano, bukeako maroano mia!

Mika 4:7

Ondae anu luuka Aku mokogagi ira torea anu pinokowo'ohu, ka ondae anu mensinaari gagi aasa tongku moroso. Ondae i Ue Ira gagi mokoledo i torukuno Sioni, mompu'u kanandio-andio ranta nahina tampulaano.

Mika 5:3

Onae ta moroso pakambi ira a laro roso-Do i Ue, a laro langkaino nee-Do Ue Alano; ira mpo'ia mpiha, hangano kanandio-andio langkaino pabawa-Do ta hawe i tompano wawontolino.

Mika 7:14

Bawaa-Miu Ipakambiako iramo tuko-Miu, bawaano bimba lano Omiu ueno, anu mo'ia asa-asano a laro ntobu i tonga-tongano lere wua ngkeu. Po'ineeomo domengkaano ewo i Basani ka i Gileadi kana i tempono ndi'ipua.

Sepanya 3:17

Ondae Ue Alamu kongko i tonga-tongamu; Ondaemo pongkiari anu mompowee ponangia. Domawongkoakomu saru buke po'unde. Dopokowo'ohuko a laro pompehohawa-Do, Ondae meboo-booliako pebooli mpo'unde hangano omue,

Podoaa 23:21

Nahi tengkita masolaa ndi Yako, ka nahi tengkita urasa'o i Isaraeli. Ondae i Ue, Ue Alado kumongkomi ira ka po'undedo ndi Ondae, Mokoledo.

I LUKASI 15:32

Tekona tompo'unde ka memawongko hangano uaimu anu mateomo wali tuwu, umari tetadi ka wali hinawe.”

I LUKASI 24:47

ka mbo'u: a nee-Do lele mongkona tepidia ka po'ampunia hala asalakono pinohawe a luwuno tongku, mompu'u inso i Yerusale.

ROMA 11:4

Sine kana'umpeke pau-Do Ue Ala ndi onae? ”Da pitu nsowupo mia Kupobinta tia-Ku anu nahi dohori mpesomba a Baala.”

Winali 33:26

Nahina kana Ondae Ue Ala, hei Yesuruni. Ondae mepole ilangi gagi pontulungimu ka luwuno seru a laro maramba-Do.

YAKOBU 2:13

Hangano pebitaraa anu nahina pompehohawa ta gagi a mia anu nahi pompehohawa. Sine ta monangi pompehohawa a mpebitaraa.

Puu Mpobitara 10:16

Ka do'amba imeliahakono luwuno anu pinesombaido mia hawe atuu ka dowali mpesomba ndi Ondae i Ue, ranta kanami dopokotahao i Ue aroa-Do kumitao masukarado to Isaraeli.