Mika 7:17 - Wunta Mempori

¹⁷ Po'ineeomo domposile'i pampawu kana ule, kana kondehora melele i tolino; po'ineeomo dompeluarako saru mpondende inso a mpekorahakodo, ka me'aiwa ndi Ondae i Ue, Ue Alamami, saru mpondende; po'ineeomo ka domedoito ndi Omiu!

Mika 7:17 ပူးပေါင်းရင်းမြစ်များ

2 Samueli 22:46

Luwuno mia hawe momite ntelusa ka mpondende ira mpeluarako inso i kota pekorahakoado.

2 Tawarika 17:10

Doitoa inso ndi Ondae i Ue umaluo luwuno poparentaa a wita sumompoo Yehuda, ranta nahi dompetea umewaio i Yosapa.

Po'unde-unde 18:45

Mansano irongeo birido, ondae mpetenunu ndi ongkue; mia mehawe mpetuundu mensila'e aku.

Po'unde-unde 72:11

Po'ineeomo luwuno mokole mpenggolontu mpesomba ndi onae, ka luwuno tongku ntepe'ata ndi onae.

Po'unde-unde 72:9

Po'ineeomo anu mpo'ia a mpada malua mpenggolontu i'arono, ka luwuno iwalino mponsila'e pampawu;

Po'unde-unde 9:20

Ipentademo, Ue, ka si po'inee ira mia mponangi; po'ineeomo luwuno tongku mebinitara i aro-Miu!

Yesaya 25:3

Onaemo pu'uno, asa tongku anu moroso ta umunde-unde Komiu; kotado tongku anu melambaha ntu'u ira medoito ndi Omiu.

Yesaya 49:23

Luwuno mokole ira megagi puu mpete'iamu ka kombiado megagi puu mpete'ia beine ndi omue. Ira mpesomba ndi omue ranta rupado hawe a wita ka ira mensile'io pampawu a ngkarumu, Ka kotumo'orio, nine Ongkuemo Ue, ka mia anu mensisikori Aku nahi ira mpohawe mokoko'ii.”

Yesaya 59:19

Mia ta doitoakono nee-Do i Ue i sumooano oleo ka a maramba-Do i sabaano oleo, hangano Ira hawe kana uwoi mansolo anu idandao penaa-Do i Ue.

Yesaya 60:14

Luwuno anado mia anu mokonsiiko ira me'aiwa mpetuundu ndi omue, ka luwuno mia anu mepaukiakomu ira mpenggolontu mpesomba a pelengkarumu; Ira mempauko ”kota-Do i Ue,” ”Sioni, tia-Do Anu Tedoa Mempori, Ue Alado to Isaraeli.”

Yesaya 64:2

kana api anu sumongkoo sampa keu anu motu'i ka kana api mokoredeo uwoi, ka nee-Miu domento'orio anu umewai Komiu, ka luwuno tongku mpondidi-ndidi i aro-Miu.

Yesaya 65:25

Serigala ka ana bimba ira mongkaa ewo meronga-ronga, singa ta mongkaa seami kana sapi ka ule ta tuwu inso a pampawu. Nahina anu moweweu mosa'o ke mogau mokoburu a luwuno torukuno-Ku,” pau-Do i Ue.

Yesaya 7:19

Ka i'amba luwuno ira mehawe ntetopa a luwuno bangano melaapimpi ka a olono pongku-pongku watu, a luwuno wala rui ka a luwuno wita pompakambia.

Yeremia 16:16

Menteeano, Aku montena hadio puu mporako bou, kanandiomo pau-Do i Ue, anu ta rumako ira, umarino atuu Aku montena puu mpowemba anu ta wemba ira inso a wawo luwuno torukuno ka luwuno pongku ka inso a olo-olono pongku watu.

Yeremia 33:9

Kota andio ta gagi nee anu mompokomawongko, inunde-unde ka pinelangkai ndi Ongkue i arono luwudo tongku i tolino anu rumongeomo mongkona luwuno moikoa anu Kuweweuo ndi ondae; ira ntededengke ka mpondidi-ndidi hangano luwuno moikoa ka manangaia anu Kuweweuo ndi ondae.

Ponsabangi 3:29

Po'ineeomo ipebangkuako saru rupano a laro pampawu, bara'ura hinao pomperorohia.

Sakaria 14:5

Komiu mempolai a lembono luwuno torukuno-Ku, hangano lembono torukuno atuu ta hawe i Asali. Komiu mempolai kana hori komiu mempolaiako lelu tempono i Usia, mokole i Yehuda. Ka i'amba Ondae i Ue, Ue Alaku, Ira hawe, ka luwuno mia mempori merongaako Ira.

Winali 32:24

Telusa ira hangano mokoninggo, memarasaiako biibi ka haki mesaki; Aku mompotola tinduno kondehora ndi ondae, ka ipono ule anu melele a pampawu.

Yosua 9:24

Domesangkio i Yosua, dompotae, ”Lano pinaleleomo ndi omami, motae Ondae i Ue, Ue Ala miu tumenao i Musa tetenaa-Do, meweengakono luwuno wita andio ndi omiu ka rumopu ira luwuno palili inia atuu i aromiu. Onaemo ka kitedoa medoito memate, umaropi komiu; onaemo ka kimpoweweu kanatuu.

MENGKAAA 3:9

Kitaomo, ba opia mia inso a bawaano i Mosa'o, onaemo ondae anu mempauo koroido to Yahudi, sine anu menteeano komba kanandio, tendeano mpegaupi, Aku meweengako ira ndi omue. Menteeano Aku tumena ira me'aiwa ka mpenggolontu a mpuu karumu ka memangaku, nine Kupehohawako.

1 Samueli 14:11

Mansado lumako orua ira mepopokita a puu mpeteado to Pelisiti anu mpodagai, mpotae iramo to Pelisiti, ”Kitao, to Ibarani mpeluarako iramo inso a ngkineke pewuniado.”