Mika 7:14 - Wunta Mempori

¹⁴ Bawaa-Miu Ipakambiako iramo tuko-Miu, bawaano bimba lano Omiu ueno, anu mo'ia asa-asano a laro ntobu i tonga-tongano lere wua ngkeu. Po'ineeomo domengkaano ewo i Basani ka i Gileadi kana i tempono ndi'ipua.

Mika 7:14 ပူးပေါင်းရင်းမြစ်များ

Po'unde-unde 100:3

To'oriomo nine butu koa Ondae i Ue, Ue Ala; Ondaemo anu mokogagi kita ka Ondaemo anu me'ue kita, bawaa-Do ka bawaano bimba pinakambi-Do.

Po'unde-unde 143:5

Kurambeo luwuno oleo anu telaloomo, kuwela mewuao luwuno wineweu-Miu, kupenootio wineweuno kae-Miu.

Po'unde-unde 28:9

Po'ineeomo ka Ikadudui ira bawaa-Miu ka Ironso iramo mia-Miu, Ipakambi iramo ka Ipokowali iramo ranta nahina tampulaano.

Po'unde-unde 95:7

Hangano Ondaemo Ue Alato, ka ontaemo bawaa pinakambi-Do, bawaano bimba tinaateno kae-Do. A oleo andio, tewala mansa imerongeo suara-Do!

Peluarakoa 33:16

Gagi kana'umpe ira mento'orio mia, nine mohawe akumo pompehohawa i aro-Miu, ongkue ka bawaa-Miu andio? Kombake hangano Omiu kumongkomi kami, ranta omami, ongkue ka bawaa-Miu pinesusua inso a luwuno tongku i wawontolino?”

Penani Maramba 4:1

Omue tekosi ntu'u, pinehohawaku, tedoako tekosi! Kana marapati matamu i asambalino pesoumbumu. Wuumu kana bawaano bembe anu mpetuda-tuda mpetii inso a mentorukuno Gileadi.

Yesaya 27:13

I tempo atuu ta pinuuri tawuwua langkai, ka ira mehawe ondae anu ntetadi i wita Asiuri saru ondae anu mentinadi i wita Masiri ka dompenggolontu mpesomba ndi Ondae i Ue a ntorukuno anu mempori, i Yerusale.

Yesaya 35:2

kana bunga rosi onae ta marombo sisino, mengkokora-kora, oo mengkokora-kora ka maroa mengkokora-kora. Marambano Libano ta wineeako ndi onae, mewantano Karameli ka Saroni; oo, ira mengkitao maramba-Do i Ue, mewanta-Do Ue Alato.

Yesaya 37:24

Molalo luwuno tinenamu upokongkodei Iramo i Ue. Upotae, ’Saru hadiono karetaku ongkue mewuatako a luwuno po'ianga mantande a mentorukuno, a mpo'ianga anu lalu olai i torukuno Libano; kutuehi ira keu arasino anu me'ondau ka langkai, keu sinobarino anu tebiniki; hawe akumo a punsuno anu lalu mantande, a ntobuno anu mokapa.

Yesaya 40:11

Kana asa mia puu pompakambi Dopakambi ira bawaano pinotuwu-Do ka Dopumpuako ira kae-Do; ana bimba Do'awi ira, ineno bimba Dotaate ira.

Yesaya 49:10

Ondae nahi domemokoninggo ka mokoranga; mokula lansara ka makarano oleo nahi ta umalu ira, hangano anu Mehohawa ira ta wawa ira ka tumaate ira a umpeda insoano uwoi.

Yesaya 65:10

Saroni ta gagi tongampadado bawaano bembe bimba, ka Lembono Akoro gagi pepomboleado sapi, tiado bawaa-Ku anu umungke Aku.

Yeremia 49:31

Imelakomo mensapoio tongku anu tuwu sanaa, anu mpo'ia merodo, kanandiomo pau-Do i Ue, ka anu nahina pewowa langkaino ke lansono, saru mo'ia asa-asano!

Ponsabangi 1:7

Terorambeomo Yerusale, a luwuno oleo tebobarasai ka marasaiano, a luwuno arataa anu pine'ueno i ndi'ipua; tempono palilino ntedonta a ngkaedo iwali, ka nahina tumulungio, luwuno iwali mengkitao, ka mpengingisi hangano tekaleno.

Ponsabangi 5:21

Iwawa kamimo ndi Omiu, oo Ue, asalakono kami mpepokule, Ipokowo'ohuomo oleomami kana i ndi'ipua!

Yehesikieli 36:11

Aku mokohadioo porokono mia ka kondehora i wawomu, ka ira ntetiangi hadio ka mpe'ana ue. Aku weweu komiu wali pino'iangi kana amba-ambano ka moweweu moiko ndi omiu laluaopo sekono se'eluno. Ka komiu mento'orio nine Ongkuemo Ue.

Imama 27:32

Mongkona pesomba tia hopulu inso a nsapi ke asa bawaa bembe bimba, onaemo sompo pinotuwu kohopulu inso a luwuno anu telalo itotono tukono puu pompakambi asalakono ta gagi pesomba mempori ndi Ondae i Ue.

Amosi 9:11

”Ia oleo atuu Aku wali montadeo laikano i Daudi anu tebangkuomo; Aku tumutuwio umeteno rereno, ka Aku wali wanguo rereno anu tehoa; Aku wali wanguo kana se'eluno,

Obaja 1:19

Luwuno to Nege ira mpe'ueo mentorukuno Esau, ka luwuno to Sepela ira mpe'ueo witado to Pelisiti. Ira mpe'ueo wita Eparai ka wita Samaria, ka suku Benami ira mpe'ueo wita Gileadi.

Mika 5:4

Onae ta gagi rodoa. Tewala to Asuri mpewinso a witato ka mpewinsokio luwuno benteto, kita mpontiso opitu puu mpopakambi umewaio, maupo oalu petewawado palili.

Sepanya 3:13

Toreano to Isaraeli atuu nahi ira mpoweweu anu mosa'o. Nahi ira mpegaupi ka a laro ngangado nahi ta hinawe elo pompopo'oo. Mentee ntu'u, ondae ira mengkana bimba anu mpongkuri ewo ka mpepombole nahina anu monsosanggoli.”

Sakaria 10:10

Aku wawa ira mpekule inso i wita Masiri, ka inso i Asuri Aku pumpu ira. Aku wawa ira i wita Gileadi ka i Libano, ranta nahina mbo'u po'iangado.

Sakaria 11:7

Ka ku'amba pakambi ira asa bawaa bembe bimba sumbelea atuu tiado puu mpebalu-balu bembe bimba. Ku'alao orua tuko: anu asa kupauo ”Me'aroa” ka anu susua kupauo ”Powutu.” Ka ku'amba pakambi ira asa bawaa bembe atuu.

Maleaki 3:4

Pesombano Yehuda ka Yerusale ta mokomawongkoo aroa-Do i Ue kana luwuno oleo i ndi'ipua anu telaloomo ka kana luwuno ta'u i ndi'ipua anu telaloomo.

Podoaa 23:9

Hangano inso a punsuno luwuno torukuno watu kupensiroi ira, inso a luwuno pongku wita kukita ira. Kitao, asa tongku anu tuwu asa-asano ka nahi behe dinoa i olono luwuno tongku mpelahumoa.

Podoaa 32:1

Inuleno i Rube ka inuleno i Gadi hadio pinotuwudo, nahi pinokopau hadiono. Mansado kumitao wita Yaeseri ka wita Gileadi, tengkitaomo po'ianga atuu moiko ntu'u pompekariaa pinotuwu.

Podoaa 32:4

wita anu Donangiomo i Ue tiado bawaa Isaraeli, moiko ntu'u pompekariaa pinotuwu ka luwuno atamiu andio hinao pinotuwu.”

I MATIU 2:6

Ka omue Beteleme, wita Yahuda, komba omuemo anu lalu kodei i olodo anu moparenta i Yahuda, hangano inso ndi omue ta mesabaako asa mia petewawa, anu ta pakambi ira bawaa-Ku to Isaraeli.”

I YOHANE 17:16

Ondae komba inso i wawontolino, mengkena kana Ongkue komba inso iwawontolino.

Winali 33:28

I Isaraeli mo'ia rodo a mata uwoino i Yako nahi umonsoio i asa wita anu hinao gandu ka anggoro; maupo langino mompo'iti tontoru.