Mika 7:12 - Wunta Mempori

¹² Ia oleo atuu mia ira mpe'aro ndi omue inso i Asuri ka luwuno kota i Masiri, inso i Masiri hawe a ngkoro Eparata, inso a ntahi hawe a ntahi, inso a ntorukuno hawe a ntorukuno.

Mika 7:12 ပူးပေါင်းရင်းမြစ်များ

Yesaya 11:11

Tempo atuu Ondae i Ue Ira tumandeo mbo'u kae-Do tumolosi ira bawaa-Do anu da mentuwu anu mpo'ia i Asuri ka Masiri, i Patirosi, Etiopia ka Elami, i Sineari, Hamati ka a luwuno togo i Tahi Tongano.

Yesaya 11:16

Te'ipua ta hina sala langkai tiado bawaa-Do anu da mentuwu anu mpo'ia i Asuri, kana anu hinaomo tiado to Isaraeli i ndi'ipua, i tempono dompeluarako inso i wita Masiri.

Yesaya 43:6

Aku mepauakono utara: Peweengakonomo! Ka a nselata: Sii ontoo! Wawa iramo ana-Ku tama inso a olaiano, ka ana-Ku beine inso a luwuno tompano tolino,

Yesaya 49:12

Kitao, hinao mia hawe inso a olaiano, hinao anu inso i utara ka inso i sumooano oleo, ka hinao anu inso i wita Sinimi.”

Yeremia 23:3

Ongkue isa'a pumpu ira anu ntebinta inso a bawaano bembe bimba-Ku inso a luwuno wita ba isua Kusiarawo ira. Aku wawa ira mpekule a mpada pakambiado. Ka do'amba mpo'ule ka ntetiangi hadio.

Yeremia 3:18

I tempo atuu suku Yehuda ira mpelempa ntepo'umpeda saru suku Isaraeli. Ira mehawe mperonga-ronga inso i wita utara lumako a wita anu Kutia-tiaako iramo a uempu'umiu gagi tia pusaka.

Yeremia 31:8

Menteeano, Aku wawa ira inso i wita utara ka pumpu ira inso a luwuno tompano tolino; i olodo hinao mia morawu ka mia puungku, hinao beine mentia meronga beine me'ana; asa tepumpua langkai ira mpekule i ndi'ai.

Yeremia 46:27

Ka omue, siimo doito, hei tetenaa-Ku Yako, siimo doito, hei Isaraeli! Hangano menteeano, Ongkue kumaduduiko inso a mpo'ianga olai ka inulemu inso a mpo'iangado mentinadi. I Yako ta mekule ka tuwu sanaa ka roodo, nahina mompokodoito.

Yehesikieli 29:21

A oleo atuu Aku motuwuo tanduno suku Isaraeli ka weweuko mokompepau mbo'u i tonga-tongado. Ka ira mento'orio nine Ongkuemo Ue.”

Yehesikieli 37:21

pauomo ndi ondae: Kanandiomo pau-Do Ue Ala: Mentee ntu'u, Aku umala ira to Isaraeli inso i olodo luwuno tongku ba isua domelako. Aku pumpu ira inso a luwuno siuno ka wawa ira i witado.

Hosea 11:11

kana manu-manu anu mondidi-ndidi hawe inso i Masiri, ka kana marapatii inso i wita Asuri, ka Ku'amba numaa ira mbo'u a luwuno rahado, kanandiomo pau-Do i Ue.