Mika 7:10 - Wunta Mempori

¹⁰ Iwaliku ta kumitao ka mokoko'iio ta lumimbuo anu mepau ndi ongkue, ”Isua Ira i Ue, Ue Alamu?” Mataku ta kumitao; kanandio-andio onae linolanda kana rege a nsala.

Mika 7:10 ပူးပေါင်းရင်းမြစ်များ

2 Samueli 22:43

Kugili ira motutu ntu'u kana awu wita, ku'isa ira ka kulolanda ira kana rege a nsala.

Po'unde-unde 109:29

Po'ineeomo mia anu tumuluri aku ka ipesangkaako mokoko'iia, ka po'ineeomo dompelemba meloeako mokoko'ii.

Po'unde-unde 115:2

Tembio luwuno tongku asalakono ka dompotae, ”Isuake Ue Alado?”

Po'unde-unde 18:42

Ondae mpebooli, sine nahina anu mongkadudui, ondae mpebooli ndi Ondae i Ue, sine nahi Dosangki ira.

Po'unde-unde 35:26

Po'ineeomo domempinokoko'ii ka kongira-ngira luwuno mia anu mpo'undeakono urasa'oku; po'ineeomo mokoko'ii ka pontata gagi pesangkado mia anu pelangkaio koroido ndi ongkue!

Po'unde-unde 42:10

Mepau aku ndi Ondae Ue Ala, torukuno watuku, ”Tembio ka Ikolupe aku? Tembio asalakono ka kutuwu mompemasusa i totono pabawano iwali?”

Po'unde-unde 42:3

Sumangaku mokorangaako Omiu Ue Ala, Omiu Ue Ala anu tuwu. Te'ipiake moiko ku'aiwa kumitao rupa-Miu Ue Ala?

Po'unde-unde 58:10

Se'eluno luwuno kuro mpompembasai apino ewo rui, ba molowulu ke mokari, po'ineeomo i'alu ira.

Po'unde-unde 79:10

Tembio luwuno tongku susua pino'inee mpotae, ”Isua Ira Ue Alado?” Po'ineeomo pombaloa a reado tetenaa-Miu anu te'uwu pinokomengkaa i arono matamami i olodo tongku susua.

Po'unde-unde 92:12

mataku me'uru-uruo iwaliku, biriku rumongeo mongkona mia lambaha anu mentade umewai aku.

Yesaya 26:11

Oo Ue, kae-Miu tetande, sine nahi domengkitao. Moikoano ka domengkitao po'ehe-Miu a bawaa-Miu ka domemokoko'ii! Po'ineeomo api anu rumopu ira anu umewai Komiu sumongko ira!

Yesaya 41:25

Kutenaomo asa mia inso i utara ka onae haweomo, asa mia anu ta mebooliako nee-Ku, inso a nsabaano oleo. Kana puu poweweu kuro mololanda wita pulu, kanatuumo onae ta lumolanda ira anu mempabawa kana rege.

Yeremia 49:15

Hangano menteeano, Kuweweuko kodei i olodo luwuno tongku, tinetewehi i olodo mia.

Yeremia 51:24

Aku mombalo ndi Babeli ka a luwuno palilino witado to kasidimi hangano luwuno mosa'oa anu domeweweuomo ndi Sioni, i arono matamu, kanandiomo pau-Do i Ue.

Yeremia 51:51

Omami memokoko'ii, hangano mporonge kamimo pontetewehi, mokoko'iia mokoburutio rupamami, hangano dompewinsokiomo mia mehawe luwuno po'ianga mempori a Raha-Do i Ue.

Yehesikieli 7:18

Ira mpopokona sawu po'inombo, doitoa pabawai ira. Luwudo ira ntekoko'ii ka luwuno ulu ta kineru londa.

Danieli 3:15

Kanandio-andio, tewala mpepatinda komiu, i tempono imerongeo unino tawuwua, siloli, katapi, geso-geso, gambusu, serudami ka mperupa-rupa anu me'uni, impenggolontumo mpesombaio tinaha anu wineweuku atuu! Sine tewala omiu nahi mpesomba, i tempo koa mbo'u atuu komiu mempinetadiako a laro api anu kolanga-langa. Pinesombai isuake anu polio motola komiu inso a ngkaeku?”

Yoeli 2:17

Moikoomo luwuno sando mpesomba, puu pompekakaako-Do i Ue, mengese i olono arono bansala ka meda mpontunua pesomba, ka impotae, ”Oo Ue Ipehohawa iramo bawaa-Miu, ka siimo Ipo'inee ira mia-Miu gagi tataa, ranta luwuno tongku pasinggiri ira. Tembio ka ipinau i olodo luwuno tongku: Isua Ira Ue Alado?”

Obaja 1:10

Hangano pobobarasaia a mpepaekompomu i Yako, tataa ta lumimbuko, ka omue kopinokotampula mpiha.

Obaja 1:12

Si pe'uru-uruo pepaekompomu, a oleo urasa'ono, si po'undeako ira to Yehuda a oleo mateado; ka si hadio mpau a oleo masukaraano.

Mika 4:11

Kanandio-andio hadio tongku mpepumpu umewaiko. Dompotae, ”Po'ineeomo onae isinosa'ai, po'ineeomo matato mo'ila kumitao Sioni!”

Mika 7:8

Si po'undeakune, hei iwaliku! Maupo kutebangku, aku koa mewangu mbo'u, maupo kupentoro a laro wongi-wongi, Ondae i Ue onaemo wantaku.

Sepanya 3:15

Dotadiomo i Ue hukumu, Dowowangunsule iramo iwalimu. Ondae i Ue, Mokole i Isaraeli kongko i tonga-tongamu. Omue nahi kodoito mbo'u a masolaa.

Sakaria 10:5

Ondae ira kana puu mpetea anu mpololanda iwali a laro rege a mpeteaa. Ira mpetea, hangano Ondae i Ue kumongkomi ira ka dompokoko'ii ira sorodadu mpengara.

Maleaki 1:5

Matamu ta kumitao ka Omiu isa'a komiu mpotae, ”Ondae i Ue tedoa langkai lumaloio witado to Isaraeli.”

Maleaki 4:3

Komiu melolanda ira mia mosa'o gaudo, hangano ira megagi awu a ntoto mpelengkarumiu, a oleo Kupohuku, pau-Do Ueno luwuakoano.

I MATIU 27:43

Onae momperorohi ndi Ondae Ue Ala: po'ineeomo Ondae Ue Ala kumadudui Ira, tewala Dopemoikoo! Hangano motaeomo: Ongkue Ana-Do Ue Ala.”

Yosua 7:9

Nde ba domerongeo to Kana'a ka luwuno palili i wita andio, iramo sumapoi kami ka dome'upu kami luwu inso i wawontolino andio. Ka hapa ta wineweu Miu kai tepokule nee Miu, nee Miu anu langkai?”

MENGKAAA 18:20

Impo'undeakonomo, hei suruga, ka omiu, hei luwuno mia mempori, luwuno tinena ka luwuno nabi, hangano Ondae Ue Ala mompotii Iramo pohuku ndi onae hangano omiu.”