Mika 6:9 - Wunta Mempori

⁹ Rongeomo, Ondae i Ue mebooliakono kota: Tedoa moiko dumoitoakono nee-Do, ”Rongeomo, oo tongku ka mia a ngkota!

Mika 6:9 ပူးပေါင်းရင်းမြစ်များ

2 Samueli 21:1

Tempono poparentaano i Daudi gagiomo mokoninggoa otolu nta'u metonda-tonda tehineno, ka i'amba i Daudi lumako mompesikenoako pontiso-Do i Ue. Mepau Iramo i Ue, ”Mongkona pasua rea hinao ndi Saulu ka somborino, hangano ipepate iramo to Gibeo.”

Ayubi 10:2

Aku mepau ndi Ondae Ue Ala: Siimo Ipokonsala aku, sine Ipauakune tembio ka Ipekara-karaakune.

Ayubi 23:14

Menteeano, Ira moko'umario hapa anu Dopakosio ndi ongkue, ka hadio mbo'u mongkona anu kanatuu kongko ndi Ondae.

Ayubi 5:17

Menteeano, me'uraomo mia anu Dokuahakono Ue Ala, onaemo pu'uno tarimaomo pompaguru-Do Anu Tedoa Pabawa.

Po'unde-unde 107:43

Isema anu hinao ponto'orino anu mentee? Po'ineeomo ka ipe'ini a luwuno atuu, ka mekokoongakono luwuno pompehohawa-Do i Ue.

Po'unde-unde 48:10

Kimpe'ihilaroo, oo Ue Ala, pompehohawa-Miu anu nahi bali i laro raha-Miu.

Po'unde-unde 83:18

Po'ineeomo domempinokoko'ii ka ntededengke nahina tampulaano; po'ineeomo dompohawe pontetewehi ka memate,

Po'unde-unde 9:16

Luwuno tongku saampu a laro aa anu wineweudo, karudo kona rako a laro buani anu pinasado ondaedo.

Powadi 22:3

Tempono mia anu pande mo'ungke akala kumitao masolaa, onae mewuni, sine mia anu napi hina pinembasaino melempa mpiha, ka i'amba kumonao masolaa.

Yesaya 26:11

Oo Ue, kae-Miu tetande, sine nahi domengkitao. Moikoano ka domengkitao po'ehe-Miu a bawaa-Miu ka domemokoko'ii! Po'ineeomo api anu rumopu ira anu umewai Komiu sumongko ira!

Yesaya 27:10

Hangano kota anu mebente atuu gagi boni-boni, asa po'ianga anu pinokomooa ka bininta kana pada one; ana nsapi ta mongkaa ewo ka melungku i ra'ai mokopingko ira sampano keu.

Yesaya 30:27

Kitaomo, nee-Do i Ue hawe inso a mpo'ianga anu olai, tekuda-Do tensila a laro ahu mokapa anu membombo, wiwi-Do bukeako tekuda, ka elo-Do kana api anu mengkaa ka ipingko;

Yesaya 66:6

Rongeo, suara tewukaa inso a ngkota, rongeo, haweno inso a Raha Mempori! Rongeo, Ondae i Ue mombalo a luwuno iwali-Do!

Yesaya 9:13

Onaemo ka Dotebasio i Ue inso i Isaraeli ulu ka iki, watano ka sampano merongaako a oleo anu mengkena.

Yeremia 26:18

”I Mika, to Moreseti, horio mompau anu ta gagi i tempono i Hisikia, mokoledo to Yehuda. Onae mepau a luwuno tongku Yehuda: Kanandiomo pau-Do Ueno luwuakoano: Sioni ta pinadeko kana lere; Yerusale ta gagi howuno anu terawo ka torukuno Raha Mempori ta gagi po'ianga pompesombaia anu mentobu.

Yeremia 26:6

onaemo pu'uno Aku weweuo raha andio kana Silo, ka mokogagio kota andio totonaado luwuno tongku i tolino.”

Yeremia 47:7

Sine, kana'umpe ta mokompenaa-naa? Kombake Ondae i Ue parentao? Lumako i Asikeloni ka i wiwi ntahi, i ra'aimo Dotenao!”

Yehesikieli 7:9

Nahi Aku mompehohawa ka nahi ta hina pompehohawa; Aku mombalo ndi omue menunu saru pelelumu, ka luwuno wineweumu anu mokoburu ta umaluko. Ka komiu mento'orio nine Ongkuemo Ue, anu montunduhi.

Hosea 14:9

I Eparai, hapa mbo'u tekaino ndi Ongkue a luwuno lahumoa? Ongkuemo anu sumangki ka mensiroiko! Ongkue andio kana keu sanobari anu molowulu, inso ndi Ongkue upohawe wua.

Amosi 2:5

Aku mompotola api a laro Yehuda, ranta luwuno bente Yerusale mo'ai luwu.”

Amosi 6:1

”Memasola iramo ntu'u mia anu momperodo i Sioni, mia anu momperodo i torukuno Samaria, luwuno mia memota'u inso a tongku amba-ambano, anu dontepohaweakono tongku Isaraeli!

Mika 3:12

Onaemo pu'uno hangano omiu, Sioni ta pinadeko kana lere, Yerusale ta gagi howuno anu terawo, ka torukuno raha mempori ta gagi pongku mentobu.

Mika 6:10

Kombake a rahano mia mosa'o gauno da hinao arataa mosa'oa ka ponsa'u efa anu makura ka tetotonaa atuu?

Mika 6:8

”Oo mia, umariomo upinauako hapa anu moiko, ka hapa anu tinuntu-Do i Ue inso ndi omue umarino melelu moleo, kumekewoio petenunu, ka tuwu me'urumako i aro-Do Ue Alamu?”

Sepanya 3:2

Onae nahi behe merorongeakono patudu ka nahi pomperio pongkuahako; onae nahi pe'ala-ala Ira i Ue ka nahi aiwa ndi Ondae Ue Alano.

MENGKAAA 3:19

Ba isema Kupehohawao, Kukuahakono ka Kusepio; onaemo pu'uno peweengakonomo aroamu ka tepidimo!