Mika 6:8 - Wunta Mempori

⁸ ”Oo mia, umariomo upinauako hapa anu moiko, ka hapa anu tinuntu-Do i Ue inso ndi omue umarino melelu moleo, kumekewoio petenunu, ka tuwu me'urumako i aro-Do Ue Alamu?”

Mika 6:8 ပူးပေါင်းရင်းမြစ်များ

Tegagia 18:19

Hangano Kubinikiomo, ka iparenta ira anano ka inuleno ka dokongko mentondao sala-Do i Ue saru mpoweweu menteea ka moleoa; ka Dopoweeakono mbo'u i Ue i Burahima hapa anu dinandi-Do ndi onae.”

Tegagia 5:22

Pelempano tumuwuno i Heno momperorohi ndi Ondae Ue Ala i larono tolu etu nta'upo mbo'u, umarino pine'anaako i Metusala, onae mohawe mbo'u ana ntama ka beine.

2 Tawarika 30:11

Sine ba'opia mia inso i Asieri, Manase ka Sebulo, mpe'urumako, ka me'aiwa i Yerusale.

2 Tawarika 32:26

Sine lembuino ipokonto'orio pompelangka-langkaino atuu ka ipe'urumako meronga saru palilino Yerusale, ranta tekuda-Do i Ue nahi alu ira tempono i Hisikia.

2 Tawarika 33:19

Pekakaino ka sangkino pekakaino, luwuno hala ka nahi petenununo, luwuno po'ianga pesombaa anu umari winanguno saru luwuno karuno lahumoa ka luwuno tinaha anu pinontadeno i ra'ai, se'eluno ipe'urumako, menteeano luwuno atuu teburi a laro nteweweudo puu mpongkita.

2 Tawarika 33:23

Sine onae nahi pe'urumako i aro-Do i Ue kana i Manase, amano me'urumako. Tendeano i Amoni laluaopo mbo'u hadio salano.

2 Tawarika 34:27

hangano omue me'o'ole ka me'urumako i aro-Do Ue Ala i tempono urongeo pau-Do te'aro a mpo'ianga andio ka palilino, ka hangano me'urumakokomo i aro-Ku, berio sangkamu ka mengese i aro-Ku, onaemo ka Kurongeo, kanandiomo pau-Do i Ue,

Nehemia 9:13

Metii Komiu a wawo ntorukuno Sinai ka mepau saru ondae inso i langi. Ipoweeako ira luwuno atora anu moleo, luwuno songka anu mentee saru luwuno pompakosi ka luwuno parenta anu moiko.

Po'unde-unde 101:1

Penani po'unde-undeno i Daudi. Aku menaniako pompehohawa ka moleoa, aku menani umunde-unde Komiu, oo Ue.

Po'unde-unde 112:4

A laro wongi-wongi saba mewine tiano mia mentee; onae me'aroa ka mompehohawa, ka moleo.

Po'unde-unde 112:9

Saru pe'aroano onae montia-tia a mia mongkokolaro; poweweuno anu moiko nahi bali ranta nahina tampulaano, tandu rosono pinoko'ondau a laro marambaa.

Po'unde-unde 37:26

sompo oleo onae mompehohawa ka mompesaboako, ka inuleno gagi ronso.

Po'unde-unde 73:28

Sine ongkue, ineheku umpeda ndi Ondae Ue Ala; Ondae Ue Ala kupakosio gagi pepekaduduiaku, ka kupokotutuluo luwuno inangga-Do.

Powadi 21:3

Moweweu menteea ka moleoa Dopemoikoopo i Ue sekonopo pesomba.

Puu Pontutulu 12:13

Poko'ariano pau inso a luwuno anu rinonge onaemo doitoako Ira Ue Ala ka pekariaomo luwuno parenta-Do, hangano andio onaemo anu ta wineweudo sompo mia.

Yesaya 56:1

Kanandiomo pau-Do i Ue: Tondaomo songka ka teahakonomo moleoa, hangano saraimo koa ta hawe tekaduduia anu inso ndi Ongkue, ka moleoa-Ku ta pinokomengkaa.

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Yesaya 66:2

Kombake kae-Ku anu weweuo luwuno, ranta ka igagi luwuno andio? Kanandiomo pau-Do i Ue. Sine, miamo anu kanandio anu kinita-Ku: mia anu tepokonsii ka nahina pompe'osaiano ka anu doitoakono pau-Ku.

Yeremia 22:16

Onae umalaakono kara-karano mia marasai ka mia mongkokolaro, ranta luwuno atuu moiko. Kombake atuu pengkonaano tumo'ori Aku? kanandiomo pau-Do i Ue.

Yeremia 22:3

Kanandiomo pau-Do i Ue: Weweuomo moleoa ka menteea, potolaomo anu rinontu inso a ngkaeno anu bobarasaio. Si pompokonsii ka si bobarasai ira mia mehawe, nana'ote nahina amano ka tuwu beine, ka si mbo'u po'uwu reano mia nahina salano a mpo'ianga andio.

Yeremia 9:23

Kanandiomo pau-Do i Ue, ”Mia pande mosongka ka si po'undeakono pandeno mosongka, mia moroso ka si po'undeakono rosono, mia kaea ka si po'undeakono kaeano.

Ponsabangi 3:26

Moikoomo mesikori saru menoro-noro pontulungi-Do i Ue.

Yehesikieli 16:63

Ka kanandio omue korumambeo anu i ndi'ipua ka mokoko'ii ranta ngangamu tekomu ntu'u hangano halamu, tempono kupoweweuakomu pesintuwua hangano luwuno wineweumu, kanandiomo pau-Do Ue Ala.”

Yehesikieli 33:14

Tewala Ongkue mepau a mia mosa'o gauno, ’Omue manasa mate!’ sine onae mepokule inso a halano saru moweweu moleoa ka menteea,

Danieli 4:37

Gagi kanandio-andio ongkue, i Nebukanesa, mo'unde-unde, ka melangkai Ira Mokole i suruga, hangano luwuno wineweu-Do mentee ka luwuno sala-Do moleo, ka Ondae polio tumotoako ira anu mpompelangka-langkai.

Hosea 12:6

Ondaemo i Ue, Ue Alano luwuakoano, Ondae nineeako Ue.

Hosea 6:6

Hangano inehe-Ku petenunu mompehohawa ka komba pesomba sinumbele; Inehe-Ku ponto'oria mongkona Ondae Ue Ala, laluaopo sekono pesomba tinunu.

Imama 26:41

ka Ongkue mbo'u umewai ira ka wawa ira a witano iwalido ke tewala lembuino aroado anu motea atuu metuunduomo ka dome'owahio salado,

Amosi 5:24

Sine laluopo moleoa mekalu-kalulu kana uwoi ka menteea kana uwoi korono anu waa mpiha.”

Mika 6:9

Rongeomo, Ondae i Ue mebooliakono kota: Tedoa moiko dumoitoakono nee-Do, ”Rongeomo, oo tongku ka mia a ngkota!

Sepanya 2:3

Ungke Iramo i Ue, oo luwuno mia anu me'urumako i wita anu weweuo songka-Do. Ungkeomo moleoa, ungkeomo pe'urumakoa; bara'ura komiu koa ntekadudui a oleo tekudaa-Do i Ue.

Sakaria 7:9

”Kanandiomo pau-Do Ueno luwuakoano: Polempaomo songka anu mentee ka popokitaomo petenunu ka pompehohawa a mpe'asa miamu!

I MATIU 5:3

”Me'uraomo mia memongkokolaro i aro-Do Ue Ala, hangano ondaemo anu mpe'umbuo Poparentaa Nsuruga.

I MATIU 5:7

Me'uraomo mia anu me'aroa, hangano ira mpohawe pe'aroaa.

I LUKASI 10:42

Sine butu aasa anu kinere: I Maria mo'alomo tiano anu lalu moiko, anu nahi ta inala inso ndi onae.”

I LUKASI 11:42

Sine memasola komiumo, hei to Parisi, hangano ime'owahio tia hopuluno solasi, timbowane ka luwuno rupano inahu, sine nahi impebungkuio moleoa ka pompehohawa-Do Ue Ala. Anu aasa asalakono wineweu ka anu susua si mpebungkuio.

I LUKASI 12:14

Sine Dopotaeakono i Yesu, ”Pepaekompo, isemake anu motoro Akumo gagi puu mpobitara ke po'oloti i olomiu?”

I LUKASI 6:36

Asalakono ka impe'aroa, kana pe'aroa-Do Amamiu.”

ROMA 7:16

Gagi tewala kuweweuo hapa anu nahi ineheku, kupementeeo, nine songka Taura atuu moiko.

ROMA 9:20

Isemake omiu, hei mia, ka ime'ewai Ira Ue Ala? Polioke anu pinokogagi motaeakono anu mokogagio, ”Tembioke ka upokogagi aku kanandio?”

1 KORINTI 7:16

Hangano kana'umpeke ka uto'orio, hei beine, nahi kokumaduduioke tamamu? Ba kana'umpeke ka uto'orio, hei tama, nahi kokumaduduioke beinemu?

EPESU 4:32

Sine po'ineeomo ka imemambe pe'aroaako, buke pompehohawa ka mambe'ampuni, kana Ondae Ue Ala Do'ampunikomiumo ndi Ondae i Kerisituu.

Winali 27:10

Onaemo pu'uno, asalakono imperorongeakono pau-Do i Ue, Ue Alamiu, ka meweweuo parenta ka pompakosi-Do, anu kupohaweakomiu a oleo andio.”

Winali 30:15

Kitaomo, aku mopo'aroaakomu ia oleo andio, tuwua ka manangaia, matea ka masolaa.

KOLOSE 3:12

Onaemo pu'uno, kana mia bininiki-Do Ue Ala anu mempinokomempori ka pinehohawa-Do, impokonaomo pompehohawa, pe'aroa, pe'urumako, mauru ka sabara.

2 TESALONIKA 2:16

Ka Ondae, Ueto i Yesu Kerisituu, ka Ondae Ue Ala, Amato, anu a mpe'aroa-Do Dopehohawa kitamo ka anu moweeakitamo pontarero anu nahina tampulaano ka pomperorohi moiko ndi ontae,

YAKOBU 2:20

Hei mia anu monge-monge, behekoke mangakuakono kanandio-andio, nine pompe'ala-ala nahina wineweu onaemo pompe'ala-ala anu mooa?

Yosua 24:14

Gaagi kanandio, imedoitoako Iramo i Ue, ka impesombamo ndi Ondae ia memoleo ka petenunu. Ime'olaiakono luwuno pinesombaido ue mpu'umiu i asatowano koro Eparata ka Masiri, ka impesomba ndi Ondae i Ue.

1 PETURU 3:8

Ka pokotompaano, po'ineeomo ka impe'asa mpau luwu, mpe'asa aroa, mpehohawa ira pepaekompo, marapompehohawa ka mpe'urumako,

1 Samueli 12:23

Mongkona ongkue, nahi aku tehala ndi Ondae i Ue, hangano menaa-naa aku mekakaiakomiu. Aku paguruakomiu sala anu moiko ka moleo.

1 Samueli 15:22

Sine ipotae i Semueli, ”Nde Ira memoikoo i Ue pesomba tinunu ka pesomba sinumbele, mengkena kana momperorongeako pau-Do i Ue? Menteeano, moikoopo momperorongeako, sekonopo pesomba sinumbele, tumondao songka-Do, moikoopo sekono tabano bimba laki.