Mika 6:6 - Wunta Mempori

⁶ ”Saru hapake bakanaano kulako me'aro ndi Ondae i Ue ka menggolontu mesomba ndi Ondae Ue Ala anu a mantandeano? Asalakono ke aku lumako me'aro ndi Ondae saru pesomba tinunu, saru ana nsapi anu tinuwuno asa nta'u?

Mika 6:6 ပူးပေါင်းရင်းမြစ်များ

2 Samueli 21:3

I Daudi motaeako ira to Gibeo atuu, ”Hapake anu aku mokoweweuakomiu ka saru hapake kupoweweu pontolosi, kai meronsoo pusaka-Do i Ue?”

Po'unde-unde 116:12

Kana'umpe aku sumuloo ndi Ondae i Ue luwuno poweweu-Do anu moiko ndi ongkue?

Po'unde-unde 22:29

Hangano Ondaemo i Ue anu pabawa gagi mokole, Ondae moparenta a luwuno tongku.

Po'unde-unde 95:2

Aiwamo tompe'aro ndi Ondae saru penani pontarimakasi, kokora-koraako Ira saru penani po'unde-unde.

Po'unde-unde 95:6

Pewinsomo, aiwamo tompenggolontu mpesomba, mpenggolontu i aro-Do i Ue anu mokogagi kita.

Peluarakoa 12:5

Moiko impo'ala ana bimba ke bembe, sine asalakono anu nahina tataano, lakino, metinuwu asa nta'u.

Peluarakoa 23:15

Oleo Langkai Roti Nahi Peragi asalakono impelangkaio. Kana anu umariomo Kutenaa komiu, i larono opitu oleo omiu asalakono impokaa roti nahi peragi ia tempo anu pinakosi a wula Abi, hangano a wula atuumo omiu mpeluarako inso i wita Masiri. Sine, mia anu mesomba ndi Ongkue, si aiwa moa ngkae.

Powadi 15:8

Pesombano mia mosa'o gauno mokoburu-Do i Ue, sine pekakaino mia moleo inehe-Do.

Powadi 21:3

Moweweu menteea ka moleoa Dopemoikoopo i Ue sekonopo pesomba.

Yesaya 40:16

Libano nahi sompo pekeu ponahu ka kondehorano a ntobu nahi sompo tiano pesomba tinunu.

Yeremia 6:20

Hapake tuduno ndi Ongkue impowawa dupa inso i Sieba ka towu anu moiko inso i wita anu olai? Nahi Kupekono ira pesomba tinunumiu ka luwuno pesomba sinumbelemiu nahi pokonsanaa Aku.

Yehesikieli 46:9

Tewala palili me'aiwa i aro-Do i Ue a mporame-ramea anu wela riname-rame mpiha, anu mpewinso telalo a mpewowa langkai utara ira mpetonda mpenggolontu mpesomba asalakono mpeluarako telalo a mpewowa langkai selata, ka anu mpewinso telalo a mpewowa langkai selata, asalakono mpeluarako telalo a mpewowa langkai utara. Nahina maupo te'asa mia mekule telalo a mpewowa langkai pewinsoano, sine singge mia asalakono meluarako inso a mpewowa langkai anu tepobungku pe'aroano.

Danieli 3:26

Ka i'amba i Nebukanesa rumangkuhio pewowano pompotuwua api anu kolanga-langa atuu ka ipotae, ”Sadaraki, Mesaki, ka Abenego, tetenaa-Do Ue Ala anu tedoa mantande, impeluarakomo ka ime'aiwamo ramai!” Mpeluarako iramo I Sadaraki, i Mesaki ka i Abenego inso a laro api atuu.

Danieli 4:9

Hei Beletasasari, petewawado anu pande mpebali-bali mata! Kuto'orio nine omue bukeako penaado pinesombai anu mempori, ka nine nahina rahasia pinemotungkomu! Onaemo pu'uno, ndiomo tutuluno pongkitano mo'ipi anu hinaweku; tutuluakunemo pengkonaano.

Danieli 5:18

Oo ueku mokole! Ondae Ue Ala Anu Tedoa Mantande meweengakonomo pabawa gagi mokole, pompelangkai, marambaa ka mantandea ndi Nebukanesa, amamiu.

Danieli 5:21

Onae sinaari inso i olodo mia ka aroano mengkena kana aroano kondehora, ka po'iangano kongko i olodo kalide ntobu; onae pinakaako ewo kana sapi, ka koroino mobahoako tontoru inso i langi, ranta ka imangaku nine Ondae Ue Ala, Anu Tedoa Mantande, pabawa a mpoparentaano mia ka motoroo isema anu inehe-Do.

Hosea 5:6

Saru asa bawaa bembe bimba ka sapi pesomba, domelako umungke Ira i Ue, sine nahi dohawe Ira; Dobinta iramo.

Amosi 5:22

Maupo impesombaakono ndi Ongkue luwuno pesomba tinunu ka pesomba kaangamiu, nahi Kubehe, ka pesomba tekaduduiamiu onaemo pinotuwu anu mewalo, nahi Aku kumitao.

Podoaa 7:51

asa sapi lakino mongura, asa bimba lakino ka asa bimba lakino tinuwuno asa nta'u, weweua pesomba tinunu.

I MATIU 19:16

Hinao asa mia hawe ndi Ondae i Yesu, ka ipotae, ”Guru, poweweu moiko hapake anu asalakono kuweweuo ka kupohawe koa tuwua nahina tampulaano?”

I MARAKUSU 12:33

Lano mehohawa Ira tompaano aroa ka tompaano ponto'ori ka tompaano roso, ka mehohawao mbo'u pe'asa mia kana koroito ontaeto laluaopo langkai sekonopo luwuno pesomba tinunu ka pesomba sinumbele.”

I MARAKUSU 5:7

ka meroku ikokora-kora, ”Hapa ta mbinio-Miu ndi ongkue, hei Yesu, Ana-Do Ue Ala Anu Lalu i wawono? A nee-Do Ue Ala, si bobarasai aku!”

I LUKASI 10:25

Pohona mentadeomo asa anu monto'ori Taura ta umara-arahako Ira i Yesu, ipotae, ”Guru, Hapa kupoweweu ka kupohawe tuwua anu nahina tampulaano?”

I YOHANE 6:26

Sumangki Ira i Yesu, ”Kupauakomiu, menteeano ime'ungke Aku, komba hangano imengkita iramo petondoni, tendeano hangano mpongkaa komiumo roti atuu ka memowohi komiu.

WINEWEUDO TINENA 16:17

Itonda bungku kami i Paulu ka ipebooli, ipotae, ”Mia andiodo tetenaa-Do Ue Ala Anu i Wawono ntu'u. Domempaleleakomiu sala ntekaduduia.”

WINEWEUDO TINENA 16:30

Iwawa ira meluarako, ka ipotae, ”Ue, hapa anu asalakono kupoweweu, ka kutekadudui?”

WINEWEUDO TINENA 2:37

Mansado merongeo mongkona atuu tedoa te'urense aroado, ka do'amba mpotaeakono i Peturu ka tinena anu mehano, ”Hapamoke kami mpombio, pepaekompo?”

EPESU 3:14

Onaemo pu'uno ka kupenggolontu mesomba ndi Ondae i Ama,

IBARANI 10:11

Ka i'amba sompo sando mpesomba weweuo sompo-sompo oleo pompekakaakono ka mararu mompesombaako pesomba anu mengkena, anu nahi pokompahihio ntu'u hala.

1 Samueli 15:22

Sine ipotae i Semueli, ”Nde Ira memoikoo i Ue pesomba tinunu ka pesomba sinumbele, mengkena kana momperorongeako pau-Do i Ue? Menteeano, moikoopo momperorongeako, sekonopo pesomba sinumbele, tumondao songka-Do, moikoopo sekono tabano bimba laki.