Mika 6:5 - Wunta Mempori

⁵ Bawaa-Ku, impewowoloomo hapa anu tinoono i Balaki, mokole i Moabi, hapa sangkino i Bilea anano i Beori ndi onae ka pelempaa inso i Sitimi hawe i Giliga, ka upokonto'orio luwuno wineweu-Do i Ue anu moleo.”

Mika 6:5 ပူးပေါင်းရင်းမြစ်များ

Po'unde-unde 111:4

Luwuno wineweu anu kinohali-haliako Doweweuo gagi pepopoto'ori, Ondae i Ue atuu me'aroa ka mompehohawa.

Po'unde-unde 143:11

A nee-Miu, Ikadudui akumo, oo Ue, Iluarakoomo sumangaku inso a laro ma'isoa a moleo-Miu!

Po'unde-unde 36:10

Hangano ndi Omiu hinao pu'uno tuwua, a laro mewine-Miu omami mpokita mewine.

Po'unde-unde 71:19

ka moleo-Miu, anu humaweo langi anu mantande, oo Ue Ala. Iweweu iramo mongkona anu langkai, isemake kana Omiu, oo Ue Ala?

Yesaya 1:27

Sioni ta pinokobebasi molalo moleoa ka luwuno miano anu tepidi molalo menteea.

Podoaa 22:41

Tisomono i Bala tumotowoo i Bilea ka iwawao mewuatako a pongku wita Baala. Inso i ra'ai ikitao anu lalu i wiwino inso a nto Isaraeli.

Podoaa 23:27

Ka i'amba motaeomo i Bala ndi Bilea, ”Aiwamo aku wawako a mpo'ianga susua. Bara'ura mentee a pongkita-Do Ue Ala tewala ondae utotonaakune inso a mpo'ianga atuu.”

Podoaa 25:1

Kontongaado to Isaraeli mpo'ia i Sitimi, mpopu'u iramo tongku atuu mponsosabo saru beinedo to Moabi.

Podoaa 25:2

Do'oluako ira tongku atuu metondao gau mpesomba a mpinesombaido ka tongku mbo'u atuu mpetonda ira mpongkaa saru mpesombaio pinesombaido.

Podoaa 31:16

Komba luwuno beine andio ke, a mpatuduno i Bilea gagi pompu'uano to Isaraeli nahi dompetenunu ndi Ondae i Ue anu gagi ndi Peori, ranta kai petii pohuku umalu ira bawaa-Do i Ue.

Podoaa 31:8

Sangkadio luwuno mia anu mempinepate atuu, dompepateo mbo'u Mokole Ewi, i Rekemi, i Suri, i Huri ka i Reba, olima mokoledo to Midia. Ondae mbo'u mpepateakono ponai i Bilea anano i Beori.

Podoaa 33:49

Mpekema ira i wiwi ngkoro Yarade, inso i Beti-Yesimoti hawe i Abeli-Sitimi i lembono Moabi.

EPESU 2:11

Onaemo pu'uno impewowoloomo, nine i ndi'upua omiu – anu komba to Yahudi montonda koroi, ondae anu meneeakono koroido ”tindi” meneeakomiu mia nahi mpetindi, onaemo petindi ngkoroi anu inanggano kaeno mia, –

Winali 16:3

Si mpokaa hapa anu meragi saru onae. I larono opitu oleo omiu asalakono kai mpokaa roti nahi peragi, roti marasaia atuu, hangano mpodadusi komiu impeluarako inso i wita Masiri. Bakanatuu, asa ntinuwumiu komiu nterorambe ia oleo peluarakoamiu inso i wita Masiri.

Winali 23:6

Asa ntinuwumu si mpompewowoloako ira manangaiado ranta nahina tampulaano.

Winali 8:18

Sine asalakono impewowolo Ira i Ue, Ue Alamiu, hangano Ondaemo anu moweeakomiu roso kai mpohawe pompolia, anu tinoo-Do mokorosoo pedandia anu pinau-Do saru sumpa ndi ondae uempu'umiu, kana kanandio-andio.

Winali 8:2

Impewowoloo koa luwuno pelempaa anu tinondamiu a mpo'ehe-Do i Ue, Ue Alamiu i pada one i larono pato pulu nta'u andio. Tinoo-Do weweukomiu mpe'urumako ka umara-arahako komiu ka Doto'orio hapa anu kongko i laro aroamiu, ba mpe'ini komiu koa a parenta-Do ke naahi.

Winali 9:7

Impewowoloo koa, si mengkolupeo, nine impokotesingkaomo tekuda-Do i Ue, Ue Alamiu i pada one. Mompu'u impeluarako inso i wita Masiri ranta kai mehawe i ndi'ai, ime'ewai Ira i Ue.

Yosua 2:1

Menongkoakoomo i Yosua anano i Nunu montena inso i Sitimi orua mia pompadaso, ipotae, ”Ilakomo poporoo inia atuu, ka kota Yeriko.” Lumako iramo mia atuu, ka hawe i rahano aasa beine belesu anu meneeako i Rahabu, ka doperato i tu'ai.

Yosua 3:1

Da mo'oru, mewanguomo i Yosua saru luwudo to Isaraeli, mpelungka te'inso i Sitimi, ka hawe iramo ia Koro Yarade, mperato iramo i ra'ai, se'eluno napi dompesakiako.

Yosua 4:19

Luwuno tongkudo to Isaraeli mpeluarako inso ia koro Yarade ia tanggala hopulu wula ko'asa, ka mpoweweu kema i Giliga, i sabaano oleo Yeriko.

2 PETURU 2:15

Hangano domebintaomo pesalaa anu mentee, onaemo ka dontesaa, ka do'amba mentondao pesalaano i Bilea, anano i Beori, anu ineheno montarima tambo a luwuno wineweu anu mosa'o.

1 YOHANE 1:9

Tewala tomemangakuakono halato, Ondae pine'ala-ala ka moleo Ira, onaemo ka Do'ampunio luwuno halato ka mokomempori kita inso a luwuno mosa'oa.

YUDASI 1:11

Memasola iramo, hangano domentondao sala anu tinondano i Kai ka hangano ondae, ka hangano tambo, onaemo ka dontedonta a ntepopo'oono i Bilea, ka memate ira hangano pe'ewado kana i Kora.

MENGKAAA 2:14

Sine Ongkue hinao ba opia nahi Kupemoikoo ndi omue: i olomiu hinao ba opia mia anu tumondao pompaguruno i Bilea, anu mompauakono i Bala ka ipopo'oo ira to Isaraeli, ka domengkaano pesomba a lahumoa ka mponsosabo.

Puu Mpobitara 11:25

Ka moikokopo ke sekono i Bala anano i Sipora mokole Moabi? Horio ke me'u'uako ira to Isaraeli ke ba me'iwaliako ira?

Puu Mpobitara 5:11

Ia luwuno pontambua uwoi, i olono anu suarado anu mpontia uwoi, i ra'aimo mia mpenaniako anu wineweu-Do i Ue anu moleo, wineweu-Do anu moleo ia luwuno mia-Do i inia Isaraeli. Itempo atuu mpetii ira bawaa-Do i Ue ia tondo mpewowano inia.

1 Samueli 12:7

Kanandio-andio, impentademo aku mopokara-kara komiu i aro-Do i Ue mongkona luwuakoano wineweu anu moleo, anu wineweu-Do i Ue ndi omiu ka ndi ondae ue mpu'umiu.