Mika 6:4 - Wunta Mempori

⁴ Menteeano Ongkuemo anu tumaateko meluarako inso i wita Masiri, motolako inso a raha tepe'ataa ka tumenao i Musa wawako, saru i Haruni ka i Miriami.

Mika 6:4 ပူးပေါင်းရင်းမြစ်များ

2 Samueli 7:23

Isema kana bawaa-Miu Isaraeli, asa tongku i tolino, anu Ue Alano lumako ta tumolosio gagi bawaa-Do? Mohawe Komiu nee-Miu hangano luwuno wineweu-Miu anu langkai ka mongkokongiri ndi ondae, ka sumaari ira luwuno tongku ka pinesombaido anu susua inso i arodo bawaa-Miu anu tinolosi-Miumo inso i Masiri.

Po'unde-unde 77:20

Pesalaa-Miu molalo tahi ka batatana-Miu molalo wawo uwoi anu malua, sine hanga-Miu nahi tengkita.

Peluarakoa 12:51

I oleomo atuu Ondae i Ue wawa ira baresido to Isaraeli mpeluarako inso i wita Masiri.

Peluarakoa 20:2

”Ongkuemo Ue, Ue Alamu, anu wawakomiu mpeluarako inso i wita Masiri, inso a ntepe'ataa.

Peluarakoa 3:10

Gagi kanandio-andio, lakomo, Kutenako lumako ndi Pirao ka uwawa ira bawaa-Ku, to Isaraeli, mpeluarako inso i wita Masiri”

Peluarakoa 4:10

Ka i'amba i Musa motae ndi Ondae i Ue, ”Tabea-Miu, Ue, ongkue andio, mompu'u i ndi'ipua, ka maupo umari-Miu mepau ndi ongkue, tetenaa-Miu andio, nahi kupande mpau, hangano ongkue mobea elo, nahi magasi mepau.”

Peluarakoa 4:16

Onae anu ta mepauakomu a tongku atuu. Gagi kanandio onae ta gagi puu mpepaumu ka omue ta rumekeko kana Ue Ala ndi onae.

Peluarakoa 6:27

Asa tempo mepau Ira i Ue ndi Musa i wita Masiri.

Yeremia 32:21

Saru luwuno petondoni ka anu mengkinohali-haliako, saru kae anu moroso ka tokia anu tetande saru mongkokongiria anu langkai Iwawa iramo bawaa-Miu Isaraeli mpeluarako inso i wita Masiri.

Amosi 2:10

Kahinaano Ongkuemo anu tumaate komiu mpeluarako inso i wita Masiri ka wawa komiu i larono pato pulu nta'u i pada one, ka impetorokio witado to Amori.

Podoaa 12:1

I Miriami ka i Haruni tumatao i Musa mongkona saru beine to Kusi anu inalano, hangano onae mo'alaomo asa beine to Kusi.

Podoaa 33:1

Ndiomo luwuno po'ianga tetoroado to Isaraeli, mansado mpeluarako inso i wita Masiri, montonda pebawaado iwawa ira i Musa ka i Haruni.

WINEWEUDO TINENA 7:36

Onaemo anu wawa ira mpeluarako saru mompokohina anu mengkinohali-haliako ka hadio petondoni i wita Masiri, i Tahi Motaha ka i pada one, patopulu nta'u tehineno.

Winali 15:15

Asalakono upewowoloo nine omue mbo'u i ndi'ipua ata i wita Masiri ka omue Dotolosiko i Ue, Ue Alamu. Onaemo pu'uno kuweeakomu parenta atuu a oleo andio.

Winali 24:18

Asalakono kau pewowoloo, nine omue mbo'u i ndi'ipua ata i wita Masiri ka omue Dotolosiko i Ue, Ue Alamu, inso i ra'ai. Onaemo pu'uno kuparentaakomu kau weweuo anu andio.

Winali 4:20

Sine, Do'ala komiumo i Ue ka imewinawa mpeluarako inso i wita Masiri, inso a awu pompokolonoa labu, kai megagi bawaa-Do, kana anu gagi kanandio-andio.

Winali 4:34

Horiokoake aasa ue ala mo'arahako aiwa ta mo'ala tiano aasa tongku inso i tonga-tongano tongku anu susua a mperupa-rupa po'arahako, petondoni, wineweu kinohali-haliako, ka peteaa, ka kae anu moroso ka tokia tetande, saru luwuno mongkokongiria langkai, kana anu wineweu-Do i Ue, Ue Alamiu ndi omiu i wita Masiri, i arono matamiu?

Winali 5:6

’Ongkuemo Ue, Ue Alamiu anu wawa komiu mpeluarako inso i wita Masiri, inso a mpo'ianga tepe'ataa.

Winali 7:8

Sine hangano Dopehohawa komiu i Ue ka Do'inio sumpa anu Dopauomo ndi ondae uempu'umiu, Dowawa komiumo i Ue mpeluarako saru kae-Do anu moroso ka tumolosi komiu inso a mpo'ianga tepe'ataa, inso a ngkaeno i Pirao, mokole i wita Masiri.

Winali 9:26

Mekakai aku ndi Ondae i Ue, kupotae, ”Oo Ue Ala, siimo Iropu ira bawaa-Miu, anu Itolosiako ira langkaino pabawa-Miu ka Iwawaako ira kae-Miu anu moroso mpeluarako inso i wita Masiri.

1 Samueli 12:6

I Semueli motaeako ira tongku atuu, ”Ondae i Ue anu biniki ira i Musa ka i Haruni ka anu tumaate ira ue mpu'umiu mpeluarako inso i wita masiri.