Mika 6:14 - Wunta Mempori

¹⁴ Omue komongkaa, sine nahi komowohi, ka mokoninggoa kongko mpiha ndi omue; omue komompekaria hapa-hapa, sine nahi upokokaduduio, ka hapa anu pinokokaduduimu Aku meweengakono a mponai.

Mika 6:14 ပူးပေါင်းရင်းမြစ်များ

Yesaya 30:6

Pau-Do anu pabawa mongkona kondehora i Wita Nege. Telalo a wita anu buke ma'isoa ka te'asi, po'iangado singa waino ka singa lakino mpengaoli, po'iangado ule me'ipo ka ule mepani, domewawao arataa pompolido a wawo bungkuno kalide, ka luwuno parewa pinekariado a wawo palasa unta a tongku anu nahi domempolio mpompowee anu mentudu,

Yesaya 65:13

Onaemo pu'uno, kanandiomo pau-Do Ue Ala, ”Menteeano, luwuno tetenaa-Ku ira mpongkaa, sine omiu komiu memarasai mokoninggo. Menteeano, luwuno tetenaa-Ku ira mpo'inu sine omiu komiu memarasai mokoranga. Menteeano, luwuno tetenaa-Ku ira memawongko, sine omiu komiu mpohawe mokoko'ii.

Yesaya 9:20

I Manase kumaano i Eperai, ka i Eparai kumaano i Manase, ka ondae meronga-ronga umewaio Yehuda. Maupo gagiomo luwuno andio, tekuda-Do napi morini, ka kae-Do da tetaangako.

Yeremia 48:44

Anu molai inso a doitoa ta tedonta a laro aa pompete'umala, ka anu mewuatako inso a laro aa ta tepongko'ala a laro oho. Mentee ntu'u, luwuno atuu Kupotiio ndi Moabi a nta'u hukuado, kanandiomo pau-Do i Ue.

Yehesikieli 5:12

Asa ntia otolu inso ndi omue ta mate kona haki lele ka mate mokoninggo i tonga-tongamu; asa ntia otolu mbo'u ta mate ikaano ponai a mpehori-horimu; ka asa ntia otolu mbo'u Aku sumiarawoo a luwuno siuno angi ka Aku butao ponai i bungkudo.

Hosea 4:10

Ira mpongkaa, sine nahi ira memowohi, ira mpebelesu, sine nahi ira ntetiangi, hangano dobinta Iramo i Ue ka domentuwu a laro mpebelesua.

Imama 26:26

Tewala Kupokotampulao kaanga pinatindamu, manasa hopulu beine ta montunu roti i larono asa pontunua. Ira mempokuleo rotimu montonda ponsa'u pinakosi, ka komiu mpongkaa, sine nahi memowohi.

Hagai 1:6

Komiu mporawo hadio inii, sine hasilino tedei; komiu mpongkaa, sine nahi memowohi; komiu mpo'inu, sine nahi nte'osa; komiu mpesangka, sine koroimiu nahi pompemokula. Mia anu mo'angga ka itinambo, mohawe tambo a laro ngkadu-kadu anu mebolo!

Hagai 2:16

”Kanandio-andio, pekokoongakonomo mompu'u oleo andio ka koramaino: se'eluno napi domempinotuda watu a raha-Do i Ue,