Mika 5:8 - Wunta Mempori

⁸ Kaemu ta tinande umewai ira taromu, ka luwuno iwalimu ta pinokotampula!

Mika 5:8 ပူးပေါင်းရင်းမြစ်များ

Tegagia 49:9

I Yehuda kana anano singa. Umari morako, komewuatako mantande, hei anaku. Onae me'opo ka mepombole kana singa lakino ke singa waino, isemake anu mosia wanguo?

Po'unde-unde 104:20

Tewala Ipotiio wongi-wongi, ka oleo mbo'u gagi woongi, tempono atuu dompompu'u mpelakopi luwuno kondehora ntobu.

Po'unde-unde 44:5

Omiumo Mokoleku ka Ue Alaku anu parentao ponangino i Yako.

Po'unde-unde 50:22

Pekokoongakonomo andio, hei omiu anu kumolupe Ira Ue Ala; ka si Kupomperangkami, ka nahina anu motolao.

Powadi 30:30

singa, anu lalu moroso i olono kondehora, anu nahi ponsuka maupo hapa;

Yesaya 5:29

Pengaolido kana singa waino, kana singa mongura dompengaoli; ondae mperaali ka mporako kaangado, mewawao mpelulu ka nahina mokompotolao.

Yehesikieli 39:10

Ondae nahi ira mpo'ala keu inso a mpada ke mpobansi keu a ntobu, hangano api ira mpolangaakono pepatinda parewa mpetea atuu. Ira merontuo luwuno mia anu rumontu ira ka momuru ira mia anu momuru ira, kanandiomo pau-Do Ue Ala.

Hosea 5:14

Hangano Ongkue andio kana singa ndi Eparai ka singa mongura a nsuku Yehuda. Ongkue, Ongkue-Ku anu momperangkami, umarino atuu lumako, Aku molaisakono ka nahina anu motolao.

Mika 2:12

Menteeano Aku pumpu komiu luwu, hei Yako. Menteeano Aku pumpu ira toreano to Isaraeli; Aku mo'asao kana asa bawaa bembe bimba a laro kanda, kana bawaano pinotuwu a ntonga mpadano, bukeako maroano mia!

Mika 4:13

Pentademo ka sesaomo, hei ana beine Sioni, hangano tandumu Aku weweuo kana labu, ka kukumu Aku weweuo kana mala, ranta ka uperawo-rawo ira hadio tongku; Omue komesusuao rinontudo tia-Do i Ue ka pompolido tia-Do Ueno asa wawo ntolino.

Mika 4:7

Ondae anu luuka Aku mokogagi ira torea anu pinokowo'ohu, ka ondae anu mensinaari gagi aasa tongku moroso. Ondae i Ue Ira gagi mokoledo i torukuno Sioni, mompu'u kanandio-andio ranta nahina tampulaano.

Mika 5:3

Onae ta moroso pakambi ira a laro roso-Do i Ue, a laro langkaino nee-Do Ue Alano; ira mpo'ia mpiha, hangano kanandio-andio langkaino pabawa-Do ta hawe i tompano wawontolino.

Mika 7:18

Isemake kana Omiu Ue Ala anu mo'ampuni hala, anu nahi pompototoi salado toreano bawaa anu lano Ondae me'ueo, ka nahi kongko mpiha a laro ntekuda-Do, tendeano umehe mokomengkaao petenunu pompehohawa?

Sakaria 10:5

Ondae ira kana puu mpetea anu mpololanda iwali a laro rege a mpeteaa. Ira mpetea, hangano Ondae i Ue kumongkomi ira ka dompokoko'ii ira sorodadu mpengara.

Sakaria 11:6

Ongkue mbo'u nahi Aku mehohawao palilino wita andio, kanandiomo pau-Do i Ue. Menteeano, Aku meweengakono singge mia a ngkaeno pe'asa miano ka a ngkaeno mokoleno. Ira merawo-rawoo wita andio ka nahi Aku motolao inso a ngkaedo.”

Sakaria 12:3

I tempo atuu Aku weweuo Yerusale gagi watu pompokomobea a luwuno tongku. Isemamo koa anu mokomobeaakono watu atuu koroino ta mobela langkai. Luwuno tongku i tolino ira mpepumpu me'ewaio.

Sakaria 14:18

Tewala sukudo to Masiri nahi dome'aiwa ka nahi dompe'aro, ndi ondae nahi ta metii usa. Ndiomo pohuku anu Do'aluako ira i Ue a luwuno tongku anu nahi aiwa mokomaroao oleo langkai Laika Lewe Ngkeu.

Sakaria 9:15

Ondae Ueno luwuakoano anu dumagai ira ka ira mepingkoo saru mperawo-rawo ira watu pongkembi. Ira mempo'inu ka ira mpohohoi kana molanguako anggoro, lulua kana loea kodei ponsiwui, merano kana luwuno siuno meda pontunua pesomba.

Maleaki 4:3

Komiu melolanda ira mia mosa'o gaudo, hangano ira megagi awu a ntoto mpelengkarumiu, a oleo Kupohuku, pau-Do Ueno luwuakoano.

Podoaa 24:9

Onae me'opo ka mepombole kana singa lakino, ka kana singa waino; isemake anu sapa wanguo? Rinonsoomo mia anu rumonsoko, ka tetotonaaomo mia anu tumotonaako!”

I MATIU 10:14

Ka tewala asa mia nahi tarima komiu ka nahi perorongeakono pinaumiu, impeluarakomo ka bintao raha ke kota atuu ka imetantamio pampawu inso a mpele ngkarumiu.

WINEWEUDO TINENA 18:6

Sine mansado mpe'iwaliakono mia ka mpepaukiakono, itantamio pampawu inso a sangkano ka ipotaeako ira, ”Po'ineeomo ka ite'uwu reamiu a wawo ulumiu omiu-miu; ongkue morina, nahina salaku. Mompu'u kanandio-andio aku lumako a tongku susua.”

IBARANI 12:25

Impedagai ka si komba nahi impe'ala-ala Ira, anu mepau. Hangano tewala ondae, anu nahi dompe'ala-ala Ira anu mohaweo pau-Do Ue Ala i tolino, nahi domentola, tamoako ontae, tewala tompebungkui Ira anu mepau inso i suruga?

IBARANI 2:3

kana'umpeke kita mempokotola, tewala nahi tomentuduo tekaduduia anu langkai kanatuu, anu amba-ambano Dopopoto'oriakita i Ue ka ondae anu merongeomo, mesala a anu pinokompe'ala-ala, sekono