Mika 5:7 - Wunta Mempori

⁷ Toreano inuleno i Yako ta hina i olodo hadio tongku, i tonga-tongano hadio tongku kana singa i olodo kondehora a ntobu, kana singa mongura i olodo bawaano bembe bimba; isuamo koa ilako, onae momperangkami ka moberi-beri; nahina anu motolao.

Mika 5:7 ပူးပေါင်းရင်းမြစ်များ

2 Samueli 17:12

Tome'ungkeo maupo isua ipo'ia ka to mensapoio kana tontoru tedonta i tolino. Nahi ta hina anu tola, moiko onae maupo luwuno mia anu tumondao.

Po'unde-unde 110:3

Sorodadumu tetinda ira melako a oleo peteaamu, mperamba-rambaako memporia, tempono towea da a laro mpe'anakaa, tontoru tempo monguramu gagiomo omue me'ueo.

Po'unde-unde 133:3

Kana tontoruno Torukuno Heremoni anu metii a wawo luwuno torukuno Sioni. Hangano i ra'aimo Doparentao i Ue ronso, tuwua anu nahina tampulaano.

Po'unde-unde 72:6

Po'ineeomo ka ikana usa anu metii a wawo mpada ewo, kana usa marombo anu umuwoio tolino!

Powadi 19:12

Tekudano mokole kana pengaolino singa mongura, sine moikono kana tontoru a wawo ewo.

Yesaya 32:15

hawe kai inuwu ndi ontae Penaa inso i wawono; pada one ta gagi lere wua mpinopaho, lere wua mpinopaho ta rineke tobu.

Yesaya 44:3

Hangano, Aku umuwuo uwoi a wawo wita anu mokoranga, ka usa marombo a wawo wita anu mokari. Aku umuwuo Penaa-Ku a inulemu, ka ronso-Ku a ana'uemu.

Yesaya 55:10

Hangano kana usa ka seru baku metii inso i langi ka nahi pekule i tu'ai, tendeano umuwoio tolino, mokomewaloo ka mompokotuwu pinopaho, moweeako ira inii a puu mporawo ka kaanga a mia anu ta mongkaa,

Yesaya 66:19

Aku monaa petondoni i tonga-tongado. Aku montena inso i olodo mia anu mentola a luwuno tongku, lumako i Tarasisi, i Puli ka i Ludi, anu teto'oriako pandedo mpepana, melako i Tubali ka Yawani, melako a luwuno togo anu olai anu napi hori domporonge lele mongkona Ongkue ka napi hori domengkitao maramba-Ku. Ira mempaleleo maramba-Ku i olodo luwuno tongku.

Yeremia 14:22

Hinaoke i olono pinesombai anu nahina pengkonaano inso a tongku atuu polio mompotii usa? Ke langi polioke onaeno mompotii usa marombo? Kombake butu koa Omiu, oo Ue Alamami? Ndi Omiumo pomperorohiamami, hangano Omiumo anu weweuo luwuno atuu?

Yehesikieli 14:22

Sine mentee ntu'u, ta tepo'ia i ra'ai mia anu tola, nana'ote tama ka beine anu winawa meluarako. Kitao, ira me'aiwa ndi omue! Komiu mengkitao peleludo ka tetarero mongkona masolaa anu Kupotiiakono Yerusale, mongkona luwuakoano anu Kupotiio ndi onae.

Yehesikieli 47:1

Ka i'amba wawa aku mekule a mpewowano Raha Mempori, ka mentee ntu'u, hinao uwoi meluarako inso i totono montoweano pewowa a Raha Mempori atuu ka waa te'aro i sabaano oleo, hangano Raha Mempori mbo'u me'aro i sabaano oleo. Uwoi atuu waa inso i totono koanano Raha Mempori i selatano meda pontunua pesomba.

Yehesikieli 5:5

Kanandiomo pau-Do Ue Ala: Ndiomo Yerusale! Onae Kunaao i tonga-tongado tongku ka hinao luwuno wita lumimbuo.

Danieli 11:32

Mia anu mosa'o gaudo a Mpedandia ira mempopandeiakono pau pompopo'oo ranta ka dompebungkuio. Sine, bawaa anu tumo'ori Ira Ue Alano ta moroso mpiha ka meweweuo.

Hosea 14:5

Aku mokotompa ira inso a mpopebungkuido ndi Ongkue, Aku mehohawa ira hangano po'ehe-Ku, hangano tekuda-Ku telusa inso ndi ondae.

Hosea 6:3

Aiwamo tomento'orio ka mentee ntu'u tumo'ori Ira i Ue; manasa Ira me'umbaako kana wanta, Ira hawe ndi ontae kana usa, kana usa tempo pinopaho mentumba anu umuwoio tolino.”

Yoeli 2:32

Isemamo koa anu mebooli a nee-Do i Ue ta kinadudui, hangano i Torukuno Sioni ka i Yerusale ta hina tekaduduia; kana anu Dopauomo i Ue, sompo mia anu pinoboi-Do i Ue ta tewinso a luwuno mia anu tepotola.”

Amosi 5:15

O'aliaakonomo anu mosa'o, kekewoiomo anu moiko ka weweuomo moleoa a mpewowa langkai. Bara'ura Ondae i Ue, Ue Alano luwuakoano Ira mehohawao inuleno i Yusupu anu da mentuwu.

Mika 2:12

Menteeano Aku pumpu komiu luwu, hei Yako. Menteeano Aku pumpu ira toreano to Isaraeli; Aku mo'asao kana asa bawaa bembe bimba a laro kanda, kana bawaano pinotuwu a ntonga mpadano, bukeako maroano mia!

Mika 4:13

Pentademo ka sesaomo, hei ana beine Sioni, hangano tandumu Aku weweuo kana labu, ka kukumu Aku weweuo kana mala, ranta ka uperawo-rawo ira hadio tongku; Omue komesusuao rinontudo tia-Do i Ue ka pompolido tia-Do Ueno asa wawo ntolino.

Mika 4:7

Ondae anu luuka Aku mokogagi ira torea anu pinokowo'ohu, ka ondae anu mensinaari gagi aasa tongku moroso. Ondae i Ue Ira gagi mokoledo i torukuno Sioni, mompu'u kanandio-andio ranta nahina tampulaano.

Mika 5:3

Onae ta moroso pakambi ira a laro roso-Do i Ue, a laro langkaino nee-Do Ue Alano; ira mpo'ia mpiha, hangano kanandio-andio langkaino pabawa-Do ta hawe i tompano wawontolino.

Mika 5:8

Kaemu ta tinande umewai ira taromu, ka luwuno iwalimu ta pinokotampula!

Mika 7:18

Isemake kana Omiu Ue Ala anu mo'ampuni hala, anu nahi pompototoi salado toreano bawaa anu lano Ondae me'ueo, ka nahi kongko mpiha a laro ntekuda-Do, tendeano umehe mokomengkaao petenunu pompehohawa?

Sepanya 3:13

Toreano to Isaraeli atuu nahi ira mpoweweu anu mosa'o. Nahi ira mpegaupi ka a laro ngangado nahi ta hinawe elo pompopo'oo. Mentee ntu'u, ondae ira mengkana bimba anu mpongkuri ewo ka mpepombole nahina anu monsosanggoli.”

Sakaria 14:8

A oleo atuu uwoi tuwu ta waa inso i Yerusale, asa ntia oruano waa a ntahi i sabaano oleo, ka asa ntia oruano mbo'u a ntahi i sumooano oleo. Kanandiomo anu ta gagi i tempo motu'i ka i tempo morini.

Sakaria 9:13

Hangano, Yehuda Kupadiio ndi Ongkue kana wo'eno pana ka umihiiakono Eparai. Aku mesoeakono luwuno anamu, hei Sioni, a luwuno anamu, hei wita Yawani, Aku pakeko kana ponaino asa puu mpe'iwali.

I MATIU 28:19

Onaemo pu'uno imelakomo, impokogagi iramo ana guru-Ku luwuno tongku ka imebaho iramo a nee-Do i Ama ka Ana ka Penaa Mempori,

WINEWEUDO TINENA 11:15

Ka tempono kupompu'u mepau, metiiomo Penaa Mempori ndi ondae, mengkena kana i ndi'upua ndi ontae.

WINEWEUDO TINENA 13:46

Sine i Paulu ka i Baranaba mosia mepau, ”Lano asalakono ndi omiumo se'elu ipinalele pau-Do Ue Ala, sine nahi imentarimao ka impotae nahi pototomiu mpohawe tuwua anu nahina tampulaano. Onaemo pu'uno kami mpewolili a luwuno tongku susua.

WINEWEUDO TINENA 16:9

Tempono wongi ikitaomo i Paulu aasa pongkita: hinao aasa to Makedonia mentade i tu'ai ka ipebooliakono, ipotae, ”Pesakiakomo ramai ka tulungi kamimo!”

WINEWEUDO TINENA 9:15

Sine pau-Do i Ue ndi onae, ”Lakomo, hangano mia andio onaemo parewa bininiki-Ku ka ipaleleo nee-Ku a luwuno tongku susua saru luwuno mokole ka to Isaraeli.

ROMA 10:20

Ka i Yesaya mosia mepau, ”Kupemoikoomo domehawe Aku anu nahi dome'ungke Aku, mepopokita Akumo ndi ondae anu nahi dompesikenoa-Kune.”

ROMA 11:12

Hangano tewala salado pengkonaano kaeano wawontolino, ka makurado kaeado luwuno tongku susua, tamoako mbo'u ba dompompe'ala-ala.

ROMA 9:30

Tewala kanandio, hapake anu kita mpompau? Ndio: nine luwuno tongku susua anu nahi dompo'ungke menteea, mpohawe iramo menteea, onaemo menteea hangano pompe'ala-ala.

1 KORINTI 3:6

Ongkue pahoo, i Apolo sumiwuio, sine Ondae Ue Ala anu motuwuo.

Winali 32:2

Po'ineeomo pompaguruku te'iti kana usa, pinauku i'iti kana tonturu, kana usa ntiri-ntiri a wawo ntumba mongura ka kana usa sumiwuio luwuno pinopaho.

Puu Mpobitara 6:36

Ka i'amba motae i Gideo ndi Ondae Ue Ala, ”Ba Komiu tumolosi ira to Isaraeli mesala ndi ongkue, kana anu pinau Miu,