Mika 5:3 - Wunta Mempori

³ Onae ta moroso pakambi ira a laro roso-Do i Ue, a laro langkaino nee-Do Ue Alano; ira mpo'ia mpiha, hangano kanandio-andio langkaino pabawa-Do ta hawe i tompano wawontolino.

Mika 5:3 ပူးပေါင်းရင်းမြစ်များ

1 Mokole 14:16

To Isaraeli iramo mempinebungkui, hangano luwuno hala anu iweweuomo i Yerobea ka anu mokontehala ira to Isaraeli.”

2 Tawarika 30:7

Siimo impoweweu kana uempu'umiu ka pepaekompomiu anu nahi petenunu ndi Ondae i Ue, Ue Alano uempu'udo. Mongkokongiri ntu'u Doweweu ira, kana anu kinitamiu.

Po'unde-unde 67:3

kai tino'ori i tolino pesalaa-Miu, ka pongkadudui-Miu i olodo luwuno tongku.

Yesaya 11:11

Tempo atuu Ondae i Ue Ira tumandeo mbo'u kae-Do tumolosi ira bawaa-Do anu da mentuwu anu mpo'ia i Asuri ka Masiri, i Patirosi, Etiopia ka Elami, i Sineari, Hamati ka a luwuno togo i Tahi Tongano.

Yesaya 49:6

kanandiomo pau-Do, ”Tedeilahi lahi butu kogagi tetenaa-Ku, tumeahako ira sukuno i Yako ka mokule ira to Isaraeli anu mentola. Aku weweuko gagi mewinedo luwuno tongku ka pongkadudui-Ku ka ihawe koa i tompano tolino.”

Yeremia 23:5

Menteeano, ta hawe tempono, kanandiomo pau-Do i Ue, nine Aku motuwuo Tumba Moleo tiano i Daudi. Onae ta moparenta gagi mokole pande mosongka ka ta weweuo moleoa ka menteea i wita atuu.

Yeremia 31:1

”I tempo atuu, kanandiomo pau-Do i Ue, Aku gagi Ue Alado luwuno pepe'etuado to Isaraeli ka ondae gagi bawaa-Ku.

Yehesikieli 34:16

Anu tetadi Aku umungkeo, anu tesaa Aku wawao mekule, anu mobela Aku waluo, anu mahaki Aku mokomorosoo, saru anu mewalo ka anu moroso Aku dumagai ira. Aku pakambi ira kana'umpe menteeano.

Hosea 11:8

Kana'umpe nahi Aku merioko, hei Eparai, meweengakomu, hei Isaraeli? Kana'umpe nahi Aku merioko kana i Adima, weweuko kana i Seboimi? Aroa-Ku mepokule a ngkoroi-Ku, pompehohawa-Ku mansa haweako.

Hosea 2:14

Inso i ra'ai Aku weakono lere anggorono, ka Kuweweuo lembono Akoro gagi pewowa pomperorohia. I ra'aimo onae ta meweengakono koroino kana tempono imongura, kana tempono ipelungka meluarako inso i wita Masiri.

Hosea 2:9

Ka kanandio-andio, Aku sumungkeo anuno i arodo mia pinehohawano, ka maupo te'asa mia nahi ta motolao inso a ngkae-Ku.

Amosi 5:15

O'aliaakonomo anu mosa'o, kekewoiomo anu moiko ka weweuomo moleoa a mpewowa langkai. Bara'ura Ondae i Ue, Ue Alano luwuakoano Ira mehohawao inuleno i Yusupu anu da mentuwu.

Mika 4:4

Sine ondae singge mia ta mentoro a ntoto keu anggorono ka a ntoto keu arano nahina anu mompokodoito, hangano Ondae Ueno luwuakoano anu pauo.

Mika 4:7

Ondae anu luuka Aku mokogagi ira torea anu pinokowo'ohu, ka ondae anu mensinaari gagi aasa tongku moroso. Ondae i Ue Ira gagi mokoledo i torukuno Sioni, mompu'u kanandio-andio ranta nahina tampulaano.

Mika 5:7

Toreano inuleno i Yako ta hina i olodo hadio tongku, i tonga-tongano hadio tongku kana singa i olodo kondehora a ntobu, kana singa mongura i olodo bawaano bembe bimba; isuamo koa ilako, onae momperangkami ka moberi-beri; nahina anu motolao.

Mika 5:8

Kaemu ta tinande umewai ira taromu, ka luwuno iwalimu ta pinokotampula!

Mika 6:14

Omue komongkaa, sine nahi komowohi, ka mokoninggoa kongko mpiha ndi omue; omue komompekaria hapa-hapa, sine nahi upokokaduduio, ka hapa anu pinokokaduduimu Aku meweengakono a mponai.

Mika 7:13

Sine witado ta gagi boni-boni, hangano palilino gagi wuano wineweudo.

Sakaria 10:6

Aku mokomorosoo suku Yehuda, ka Aku kumaduduio inuleno i Yusupu. Aku mokomoikoo tuwudo, hangano Kupehohawa ira. Ondae ira megagi kana nahi Kuhori tumempu ira, hangano Ongkuemo Ue, Ue Alado, ka Aku sumangki ira.

I MATIU 1:21

Onae ta me'anaako ana ntama ka numeeako Ira i Yesu, hangano Ondaemo anu Ira kumaduduio bawaa-Do inso a halado.”

I MATIU 12:50

Hangano isema anu weweuo po'ehe-Do Ama-Ku i suruga, onaemo pepaekompo-Ku tama, pepaekompo-Ku beine, ka ine-Ku.”

I MATIU 25:40

Ka Mokole atuu ta sumangki ira: Kupauakomiu, menteeano luwuakoano anu wineweumiu tiano asa mia inso a mpepaekompo-Ku anu tedoa mongkokolaro andio, imeweweuomo ndi Ongkue.

ROMA 8:29

Hangano luwuno mia anu bininiki-Do se'eluno, ondae koa mbo'u pinakosi-Do se'eluno ka domegagi kana rupano Ana-Do, ka igagi anu amba-ambano i olodo hadio pepaekompo, Ondae, Ana-Do atuu.