Mika 5:2 - Wunta Mempori

² Onaemo pu'uno dopo'inee ira ka ihaweako tempono beine anu kontongaano me'ana umariomo me'ana. Ka i'amba anu susuano inso a luwuno pepaekompono ira mpepokule a luwuno anano i Isaraeli.

Mika 5:2 ပူးပေါင်းရင်းမြစ်များ

Tegagia 35:16

Umarino atuu ondae mpelungka inso i Beteli. Tempono nahi dome'olai mbo'u inso i Eparata, i Raheli me'ana, sine pe'anano tedoa motungko.

Tegagia 35:19

Kanandiomo mateno i Raheli, ka i'amba kinaburu a nsala lumako i Eparata, onaemo Beteleme.

Tegagia 48:7

Tempono ku'aiwa inso i Padana, ibinta aku i Raheli anu mate a nsala i wita Kana'a, nahi olai inso i Eparata. Kukaburuo i ra'ai, a nsala lumako i Eparata, onaemo Beteleme.”

Tegagia 49:10

Tuko poparentaa nahi ta melimba inso ndi Yehuda ka tuko poparenta inso i olono karuno, ranta ka ihawe onae anu tekona ndi onae, ka ndi onae ira mpetuundu luwuno tongku.

1 Tawarika 2:54

Inuleno i Salama, onaemo i Beteleme, to Netopa, i Ataroti-Beti-Yoabi ka entongano inso a nto Manahati, onaemo to Sori.

1 Tawarika 4:4

ka i'amba i Penueli, amano i Gedori, ka i Eseri amano i Husa. Onaemo atuu inuleno i Huri, anano anu aka i Eparata, amano i Beteleme.

1 Tawarika 5:2

I Yehudamo anu lalu pinelangkai i olodo luwuno pepaekompono, tamoako asa mia i olono inuleno gagi mokole, sine pabawano ana aka atuu kongko ndi Yusupu.

Po'unde-unde 132:6

Mentee ntu'u tomerongeo nine burua pedandia atuu kongko i Eparata, tomehaweo i pada Ya'ari.

Po'unde-unde 90:2

Se'eluno luwuno torukuno pine'anaako, tolino ka wawontolino pine'anaako, inso i ndi'ipua hawe nahina tampulaano Omiumo Ue Ala.

Peluarakoa 18:21

Maupo kanatuu inso a luwuno tongku andio asalakono po'ungke mbo'u mia anu timama ka doito ndi Ondae Ue Ala, mia anu pine'ala-ala ka anu mosa'oakono pompowee nahi moleo. Potoro ira i olodo tongku andio gagi petewawa asa nsowu mia, petewawa asa etu mia, petewawa lima pulu mia ka petewawa hopulu mia.

Peluarakoa 18:25

Te'inso a luwudo to Isaraeli, i Musa mobiniki mia timama ka ipotoro ira gagi petewawa a tongku atuu, gagi petewawa asa nsowu mia, petewawa asa etu mia, petewawa lima pulu mia ka petewawa hopulu mia.

Yesaya 11:1

Asa tumba ta meluarako inso a ntu'ono i Isai, ka asa tumba ta tuwu inso a mpu'uno.

Yesaya 53:2

Kana tumba onae tuwu i aro-Do i Ue ka kana haka inso a wita motu'i. Onae nahi montama ke tengkita maramba ba ikinita, ka nahina a rupano anu weweu kita ineheakono.

Yesaya 55:4

Menteeano, Kupakosiomo onae gagi sakosiido luwuno tongku, gagi asa petewawa anu meparenta a luwuno suku tongku;

Yesaya 7:14

Onaemo pu'uno, Ondaemo i Ue anu Ira weeakomu asa petondoni: Menteeano, beine mongura atuu mentia ka ta me'anaakono asa ana ntama, ka nineeako i Imanueli.

Yeremia 30:21

Petewawado ta koa inso ndi ondaedo, ka anu pabawaako ira ta me'umbaako inso i tonga-tongado. Aku weweuo rumangkuhi Aku ka onae ta umpeda ndi Ongkue. Hangano, isemake anu mosia tuma'oo penaano ta umpeda ndi Ongkue? Kanandiomo pau-Do i Ue.

Hosea 6:3

Aiwamo tomento'orio ka mentee ntu'u tumo'ori Ira i Ue; manasa Ira me'umbaako kana wanta, Ira hawe ndi ontae kana usa, kana usa tempo pinopaho mentumba anu umuwoio tolino.”

Amosi 9:11

”Ia oleo atuu Aku wali montadeo laikano i Daudi anu tebangkuomo; Aku tumutuwio umeteno rereno, ka Aku wali wanguo rereno anu tehoa; Aku wali wanguo kana se'eluno,

Mika 4:10

Pemolukimo ka peraepimo, hei ana beine Sioni, kana beine anu kontongaano me'ana! Hangano kanandio-andio omue asalakono meluarako inso a ngkota ka mo'ia i tongampada, omue asalakono melempa hawe i Babeli. I ra'aimo omue kopinotola, i ra'aimo Ira tumolosiko i Ue inso a ngkaeno iwalimu.

Sakaria 13:7

”Hei ponai, pelelumo ewaio puu pompakambi-Ku, ewaio mia anu umpeda ndi Ongkue!”, kanandiomo pau-Do Ueno luwuakoano. ”Pepateomo puu mpopakambi, ka dontesiarawo asa bawaa bembe bimba! Aku woliteo kae-Ku maupo ndi ondae anu molema.

Sakaria 9:9

Peboo-boolimo temeroku, hei ana beine Sioni, peboo-boolimo, hei ana beine Yerusale! Kitao, mokolemu hawe ndi omue; onae moleo ka poponangi. Onae mauru ka mesawi a asa kalide, kalide lakino anu mongura.

I MATIU 2:1

Umari-Do pine'anaako i Yesu i Beteleme i wita Yudea itempono mokole Herode, mehawe iramo to majusi inso i sabaano oleo melako i Yerusale

I MATIU 2:6

Ka omue Beteleme, wita Yahuda, komba omuemo anu lalu kodei i olodo anu moparenta i Yahuda, hangano inso ndi omue ta mesabaako asa mia petewawa, anu ta pakambi ira bawaa-Ku to Isaraeli.”

I MATIU 28:18

Ondae i Yesu rumangkuhi ira ka Dopotae, ”Wineeako Akumo luwuno pabawa i suruga ka i tolino.

I LUKASI 23:2

I tu'ai mpompu'u iramo tumuluri Ira, dompotae, ”Kimehaweomo, nine mia andio mokontesaa ira tongkumami, ka umonto ira mpo'owahi sima'ulu a Datu, ka mongkona koroi-Do Dopotae, nine Ondaemo i Kerisituu, anu Mokole.”

I LUKASI 23:38

Hinao koa mbo'u binuri a wawo ulu-Do, ”Ndiomo mokoledo to Yahudi.”

I YOHANE 7:42

Hangano pinau a Wunta mempori, nine i Mesia inso a inuleno i Daudi ka inso i inia Beteleme, po'iangano i Daudi i ndi'upua.”

Winali 1:15

Umarino atuu ku'ala ira luwuno petewawa sukumiu, luwuno mia anu pande mpopewowolo ka hori iramo mpetewawa, ka kupotoro ira gagi petewawamiu. Ondae gagi petewawa asa nsowu mia, asa etu mia, lima pulu mia ka hopulu mia, saru mbo'u luwuno anu mpo'angga susua tiano sukumiu.

KOLOSE 1:17

Kongko Iramo se'elu sekono luwuakoano ka luwuakoano kongko ndi Ondae.

IBARANI 13:8

Ondae i Yesu Kerisituu mengkena mpiha, moiko indiawi maupo oleo andio ka hawe nahina tampulaano.

IBARANI 7:14

Hangano domento'oriomo luwuno mia, nine Ondae Ueto tepu'u inso a nsuku Yehuda ka mongkona suku atuu nahi hori i Musa mompau maupo te'asa mongkona luwuno sando pesomba.

1 YOHANE 1:1

Hapa anu hinaomo inso a pompu'uano, anu kimerongeomo, anu kimengkitaakonomo matamami, anu kimensakosiio ka anu kimperareakonomo kaemami mongkona Pau tuwua – onaemo anu binurimami ndi omiu.

MENGKAAA 19:16

Ka a lemba meloe-Do ka pa'a-Do teburi aasa nee, onaemo, ”Mokoledo luwuno mokole ka Ue i wawono luwuno ue.”

MENGKAAA 2:8

”Ka buriakonomo mala'ekado bawaa i Semirina: Ndiomo pau inso Anu Amba-ambano ka Anu Pokotompaano, anu mate Iramo ka wali tuwu:

MENGKAAA 21:6

Pau-Do mbo'u ndi ongkue, ”Luwuno gagiomo. Ongkuemo Alfa ka Omega, Anu Pompu'uano ka Anu Pokotompa. Mia anu mokoranga Aku moweeakono mo'inu mpena inso a mata uwoi tuwua.

Puu Mpobitara 17:7

Hinao asa mia mongura te'inso i inia Beteleme-Yehuda, inso ia tongku Yehuda. Onae to Lewi mo'ia i ra'ai kana mia hawe.

Ruti 1:1

I tempono puu mpobitara mpoparenta ia nto Isaraeli, i witado to Isaraeli hinao mokoninggoa. Lumakoomo asa mia inso i Beteleme-Yehuda, saru kombiano ka orua ira anado pada tama lumako i wita to Moabi ira mpo'ia i ra'ai kana mia mehawe.

Ruti 4:11

Ka luwudo mia anu mehawe ia mpewowa inia atuu, ka mia memota'u mpotae ira, ”Omamimo gagi sakosii. Ondae i Ue Ira weweuo beine anu ta mewinso i rahamu atuu, kana i Raheli ka i Lea, anu wanguo tongku Isaraeli. Po'ineomo ka ugagi manangai i Eparata, po'ineomo neemu telele i Beteleme,

1 Samueli 10:19

Sine kanandio-andio nahi impe'ala-ala Ira Ue Alamiu anu kumadudui komiu inso a luwuakoano masolaa ka masusaamiu, ka impotaeako Ira, ’Ipotoroa kami asa mokole.’ Gagi kanandio, impentademo i aro-Do i Ue montonda suku ka pepe'etuamiu.”

1 Samueli 17:12

I Daudi anano i Isai to Eparata inso i Beteleme-Yehuda. I Isai hinao anano oalu ira tama. Tempono poparentaano i Saulu, mia atuu mota'uomo ka pinemota'u.

1 Samueli 17:18

Ka hopulu mpole keju andio wawaakono petewawa puu mpetea asa nsowu. Tepohaweako ira koa luwu akamu ka powawa petondoni inso ndi ondae.

1 Samueli 23:23

Impepenteeomo luwu po'ianga pewuniano. Tewala manasaomo, iwali me'aiwa ndi ongkue, ka to'amba mperonga melako. Tewala lano kongko i wita andio, akumo umungkeo i olodo luwuno to Yehuda.”

1 Samueli 8:12

Onae ta tumena ira gagi petewawa asa nsowu sorodadu ka petewawa lima pulu sorodadu. Ondae ira mpopadeko lereno ka mensowiakono. Ondae ira mpoweweu sangka mpetea ka sangka mpetea a ngkaretano.