Mika 5:1 - Wunta Mempori

¹ Sine omue, hei Beteleme Eparata, hei anu lalu kodei i olono luwuno suku Yehuda, inso i olomu ta pine'anaako asa mia anu ta moparenta i Isaraeli, anu insoano mompu'uomo i ndi'ipua, mompu'u tempo i ndi'ipua.

Mika 5:1 ပူးပေါင်းရင်းမြစ်များ

Tegagia 35:19

Kanandiomo mateno i Raheli, ka i'amba kinaburu a nsala lumako i Eparata, onaemo Beteleme.

Tegagia 49:10

Tuko poparentaa nahi ta melimba inso ndi Yehuda ka tuko poparenta inso i olono karuno, ranta ka ihawe onae anu tekona ndi onae, ka ndi onae ira mpetuundu luwuno tongku.

1 Mokole 22:24

Umarino atuu i Sedekia anano i Kena'ana aiwa umpedaakono ka itampeleo kombisino i Mika. Ipotae, ”Kana'umpe ke penaa-Do i Ue melimba inso ndi ongkue ka ipepau ndi omue?”

2 Mokole 24:2

Ondae i Ue tumena ira gerombola Kasidimi, gerombolado to Arami, gerombolado to Moabi ka luwuno gerombola inuleno i Amoni umewaio i Yoyakimi. Dotena ira lumako umewaio Yehuda ka dosolangi ira menunu saru pau-Do i Ue anu pinohawe-Do tetenaa-Do luwuno nabi.

Ayubi 16:10

Domewileo ngangado ndi ongkue, kombisiku tinampeleako pompepaukiako, ka mperonga-ronga dumuduluhi aku.

Powadi 8:23

Wineweu akumo tempono i ndi'ipua, amba-ambano, se'eluno ihina tolino.

Yesaya 10:6

A tongku anu humapu Aku Kutenao, a bawaa pontiiano tekuda-Ku Kuparentao ka iporontu ka mompomuru, ka ilolanda ira kana rege a nsala.

Yesaya 33:22

Hangano, Ondaemo i Ue puu mpobitarato, Ondaemo i Ue tadulako sorodaduto; Ondaemo i Ue mokoleto, Ira kumadudui kita.

Yesaya 8:9

To'oriomo, hei luwuno tongku, ka tededengkemo, impekokoongakonomo, oo, luwuno siuno tolino, impepatindamo mpetea, ka tededengkemo, impepatindamo mpetea, ka tededengkemo!

Yesaya 9:5

Hangano asa nana'ote hinaomo tiato, asa ana ntama mewineeako kitamo; luwuno poparentaa kongko a wawo oweano, ka neeno domempauo mia: Puu Pompatudu kinohali-haliako, Ue Ala Anu Moroso, Ama anu Nahina Tampulaano, Mokole Sintuwu.

Yeremia 25:9

menteeano, Aku tumena ira luwu suku tongku i utara, kanandiomo pau-Do i Ue, ka lumeluo mbo'u i Nebukanesa, mokole i Babeli, tetenaa-Ku atuu; Aku wawa ira me'ewaio wita andio, palilino ka umewai ira tongku petengi-tengino andio, anu Aku rumopuo ka weweuo gagi asa anu mompokodoito, pomansu pasinggiri ka terawono anu nahina tampulaano.

Yeremia 4:7

Singa me'umbaakoomo inso a ntonga ewo, anu ta rumopu ira tongku melungkaomo, meluarako inso a mpo'iangano ta weweuo witamu boni-boni; luwuno kotamu gagi howuno anu terawo nahina palilino.

Ponsabangi 3:30

Po'ineeomo ipeweengakono kombisi a mia anu tumampeleo, po'ineeomo imowohiako pepaukia.

Yehesikieli 21:32

Omue ta gagi kaangano api, reamu ta te'uwu i tonga-tongano wita atuu, ka omue nahi korinambe mbo'u, hangano Ongkue, Ue, anu pauo.”

Yehesikieli 24:2

”Hei anano mia, buriomo tanggala oleo andio, humbee, tanggala oleo andio. A oleo koa mbo'u andio mokole i Babeli mompu'u sumapoio Yerusale.

Danieli 9:25

To'oriomo ka pokonto'oriomo: inso a tempo ipeluarako pau atuu, tempono ta pinomule Yerusale ka wali winangu, ranta haweno asa mokole, asa mia anu inurapi, hinao opitu meluka opitu tempo. Ka i'amba i larono nomo pulu ka orua meluka opitu tempo tehineno kota atuu ta wali winangu saru tana lapa ka pangkorono, sine a tempo masukara.

Yoeli 3:9

Paleleomo mongkona andio i olodo tongku: pepatindamo mpo'aropi peteaa, patinda iramo puu mpetea; asalakono luwuno sorodadu me'umpeda ka melako!

Amosi 2:3

Aku mokotampulao anu pabawa inso i tonga-tongano ka mepateo luwuno anu langkai potorono saru onae,” pau-Do i Ue.

Habaku 1:6

Hangano menteeano, Aku montade ira to Kasidimi, tongku anu lambaha ka ineheno matea atuu, anu sumompoo luwuno siuno tolino ta mompentoroki po'ianga, anu komba ondae ueno.

Habaku 3:16

Tempono kurongeo, mondendeomo aroaku, rumongeo unino, bibiomo wiwiku; pompemekiki mewinso a laro wukuku, ka pelempano karuku mondidi-ndidi. Ka kupomperodo sumikorio oleo masusaa, anu ta umaluo tongku anu sumapoi kami.

I MATIU 26:67

Ka do'amba me'onuio rupa-Do ka mentidu Ira; mia susua mentunduhi Ira,

I MATIU 27:30

Dome'onui Ira ka me'alao tuko atuu ka domentunduhiako Ira a ulu-Do.

I MATIU 5:39

Sine Kupauakomiu: Si me'ewaio mia anu moweweu mosa'o ndi omiu, tendeano isemamo koa anu pedeo kombisi koanamiu, weeakono mbo'u kombisi manggalimiu.

I YOHANE 18:22

Tempono Dopepau kanatuu, asa mia puu mpodagai anu mentade i tu'ai, itampeleo rupa-Do ka ipotae, ”Kanatuuke ba Isangki ira Sando Mpesomba Langkai?”

I YOHANE 19:3

ka kontongaado melako i arono dompotae, ”Tabe, hei mokoledo to Yahudi!” Ka do'amba metampeleo rupa-Do.

WINEWEUDO TINENA 23:2

Sine Sando Mpesomba Langkai Anania tumena ira mia anu mpentade umpeda ndi Paulu mentopasio ngangano i Paulu.

2 KORINTI 11:20

hangano mensabara komiu, ba dompe'ata komiu mia, ba dome'alao mia anu komba tiado inso ndi omiu, ba domempabawai komiu mia, ba dompompelangka-langkaiakomiu, ba domempede komiu mia.

Winali 28:49

Ondae i Ue Ira montenaakomiu asa tongku inso i olaiano, inso i tompano tolino. Tongku atuu kana rajawali anu montiu ka pauno nahi imento'orio.

Winali 33:27

Ondae Ue Ala anu nahi bali onaemo puu pongkaduduimu; i totomu hinao tokia anu nahina tampulaano. Dosaario iwali inso i aromu ka mepau, ’Ropuomo.’

Puu Mpobitara 17:7

Hinao asa mia mongura te'inso i inia Beteleme-Yehuda, inso ia tongku Yehuda. Onae to Lewi mo'ia i ra'ai kana mia hawe.