Mika 4:9 - Wunta Mempori

⁹ Tembio kanandio-andio ka upebooli meroku? Nahina ke mokole i tonga-tongamu? Nde masolaomo ke puu mpopatudumu, ranta ka umarasai mompemahaki kana beine anu kontongaano me'ana?

Mika 4:9 ပူးပေါင်းရင်းမြစ်များ

Yesaya 13:8

ka ira ntededengke. I'ali ira mekiki kompo ka haki me'ana, ira pompemahaki kana beine ta me'ana. Ira mambekikita saru pompemokokongiri, rupado motaha kana i'alu ira haki mokula.

Yesaya 21:3

Onaemo pu'uno, tongaku tedoa mahaki, mahaki kompo umalu aku kana mahakino kompono beine anu me'ana; mompemasusa aku hangano hapa anu rinongeku, tededengke aku hangano hapa anu kinitaku.

Yesaya 26:17

Kana beine mentia anu temponomo ta me'ana, memoluki mahaki, meraipi hangano mahaki me'ana, kanatuumo hieno teweweumami i aro-Miu, oo Ue:

Yeremia 22:23

Hei omue anu mo'ia i Libano, ka anu mpeseno a ngkeu arasi! Kotedoa meraipi tempono i'aluko pompemahaki, pompemahaki kana beine anu me'ana!

Yeremia 30:10

Ka omue, siimo doito, hei tetenaa-Ku Yako, kanandiomo pau-Do i Ue, siimo pondende, hei Isaraeli! Hangano menteeano, Ongkue kumaduduiko inso a mpo'ianga olai ka inulemu inso i wita tadiado. I Yako ta mekule ka tuwu rodo, ka nahina anu mompodengke.

Yeremia 4:21

Opiapo mbo'u tehineno kukita ira bandera, ka rumongeo unino tawuwua atuu?

Yeremia 4:31

Mentee ntu'u, kurongeo suara kana pompemahakino beine me'ana, pe'o'osuno kana suarano ine anu me'anaakono ana amba-ambano, suarano ana beine i Sioni anu ngaasa, anu padindio kaeno, ”Masola akumo, hangano telusa aku i arodo anu pompepate!”

Yeremia 48:41

Luwuno kota pinongko'ala, luwuno bente pekorahakoa rinontu. Aroado pongkiarino Moabi i tempo atuu ta kana aroano beine anu mahaki me'ana.

Yeremia 50:43

Irongeomo mokole i Babeli mongkona ondae, kaeno gagiomo molema, ipabawaio ma'isoa, mompemahaki kana beine anu me'ana.

Yeremia 8:19

Irongeomo peboolido mpepetulungi ana beinedo tongkuku inso a luwuno po'ianga anu olai i wita andio, ”Nahi Dokongkoke i Ue i Sioni? Nahina mokolenoke i ra'ai?” Tembio tekuda-Ku ka dompokotesingkaakono luwuno tinaha-Do, saru luwuno lahumoado mia mehawe anu nahina pengkonaano?

Ponsabangi 4:20

Mia anu inurapi-Do i Ue, penaano tumuwumami, kona rako a laro mpobolodo, onae anu potaemami, ”A laro mpe'engoiano kami mentuwu i olodo tongku.”

Hosea 10:3

Mentee ntu'u, kanandio-andio mpotae ira, ”Nahina mbo'u mokoleto, hangano nahi tomedoitoako Ira i Ue. Hapa anu ta mokoweweuakita mokole?”

Hosea 13:13

Pompemahaki me'ana mese'elungio hinaano, sine onae nana'ote anu nahi ponto'ori mompewowolo; mansano haweako tempono, onae nahi behe meluarako inso a mpe'anakaa.

Hosea 3:4

Hangano to Isaraeli ta tehine domentuwu nahina mokole, nahina petewawa, nahina pesomba, nahina tugu lahumoa, nahina epo ka terapimi.

Mika 5:3

Onae ta moroso pakambi ira a laro roso-Do i Ue, a laro langkaino nee-Do Ue Alano; ira mpo'ia mpiha, hangano kanandio-andio langkaino pabawa-Do ta hawe i tompano wawontolino.

I YOHANE 16:21

Aasa beine mompemasusa tempono ipe'ana, sine umarino me'anaakono anano, nami pewowoloo mbo'u marasaino, hangano mo'unde nine aasa mia hinaomo i wawontolino.

MENGKAAA 12:2

Onae kontongaano mentia ka a laro pompemapari ka marasaino ta me'ana onae meraali mompemahaki.