Mika 4:8 - Wunta Mempori

⁸ Omue mbo'u, hei Menara Pebawaano Bimba, hei Pongku Ana Beine Sioni, ndi omuemo ta hawe ka ta mekule poparentaa anu i ndi'ipua, poparentaa a Ana Beine Yerusale.

Mika 4:8 ပူးပေါင်းရင်းမြစ်များ

Tegagia 35:21

Umarino atuu melungkaomo i Isaraeli, ka i'amba pasao kemano i asatowano Migidali-Ederi.

2 Samueli 5:7

Sine i Daudi mongko'alao bente pekorahakoa Sioni, onaemo kota Daudi kanandio-andio.

Nehemia 3:25

I Palali anano i Usai mompokomoiko i arono Siuno ka i arono menara ondau anu kontasi-tasi i wawono langkanaeno mokole, umpeda kintala podagaia. I horino i Pedaya anano i Parosi mompokomoiko rere

Po'unde-unde 24:7

Tandeomo ulumu, hei luwuno pewowa langkai, ka intetandemo, hei luwuno pewowa anu mapa'etu-etu nta'u, ka Dopewinso Mokole Marambaa!

Po'unde-unde 48:3

Torukuno-Do anu mempori, anu kontasi-tasi tekosi, onaemo pino'undeakono asa wawontolino; Torukuno Sioni, kana punsuno Torukuno Saponi, onaemo kota-Do Mokole Langkai.

Po'unde-unde 61:3

Inso i tompano tolino kupebooli ndi Omiu, hangano telusa aku mokendo; Itaate akumo lumako a ntorukuno watu anu kontasi-tasi ondau i wawoku.

Penani Maramba 4:4

We'umu kana menarano i Daudi, winangu ponaapa parewa mpetea. Asa nsowu kanta tendoe ndi onae luwuno kantado puu mpetea.

Yesaya 1:26

Aku mokule ira puu mpobitaramu kana i ndi'ipua, ka luwuno puu pompatudu kana se'eluno. Umarino atuu omue konineeako kota moleoa, kota anu metenunu.”

Yesaya 10:32

Oleo andio i Asuri da menaa-naa i Nobi, mopo'io-ioo kaeno te'aro a ntorukuno ana beine Sioni, pongku Yerusale.

Yesaya 5:2

Ibingkuo ka itadi ira watuno, ipompahoakono keu anggoro bininiki; onae mowangu asa menara podagaia i tonga-tongano ka mongkeke aa pomporo'ia anggoro. Ka i'amba sumikorio lere atuu ka ipehasiliako wua anggoro, sine anu ipehasiliako wua anggoro anu mo'olo.

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

Danieli 7:18

Umarino atuu luwuno mia mempori-Do Anu Tedoa Mantande ira mpotarima poparentaa, ka ira me'inio poparentaa atuu hawe nahina tampulaano, tendeano nahina balino ranta nahina tampulaano.

Obaja 1:21

Luwuno anu mpongkadudui ira mpewuatako a wawo Torukuno Sioni ira mebitarao mentorukuno Esau; ka poparentaa atuu ta gagi tia-Do i Ue.

Mika 2:12

Menteeano Aku pumpu komiu luwu, hei Yako. Menteeano Aku pumpu ira toreano to Isaraeli; Aku mo'asao kana asa bawaa bembe bimba a laro kanda, kana bawaano pinotuwu a ntonga mpadano, bukeako maroano mia!

Sakaria 9:10

Onae ta mokotampulao kareta inso i Eperai ka ngara inso i Yerusale; pana mpetea ta pinokotampula ka onae ta paleleo manangai a luwuno tongku. Wita pinabawaino ta tewile malua inso a ntahi hawe a ntahi ka inso a Ngkoro Eparata hawe a luwuno tompano tolino.

Sakaria 9:12

Pekulemo a ngkota bentemu, hei luwuno mia mentinaha anu buke pomperorohi! A oleo koa mbo'u andio Kupauakomiu: Aku moweeakomiu euno meluka mpendua!

Sakaria 9:9

Peboo-boolimo temeroku, hei ana beine Sioni, peboo-boolimo, hei ana beine Yerusale! Kitao, mokolemu hawe ndi omue; onae moleo ka poponangi. Onae mauru ka mesawi a asa kalide, kalide lakino anu mongura.

Podoaa 24:19

ka inso ndi Yako ta me'umbaako asa mia anu pabawa. Onae ta mepate ira luwu mia anu mpolai inso a ngkota.”

I MATIU 21:33

”Rongeomo asa potundaano anu susua. Hinao asa mia ueno wita melere anggoro ka iwalao limbu. Ikekeo wita pomporo'iano anggoro ka mowangu menara podagaia a lere atuu. Ka i'amba metamboakono lere atuu a mia mpo'angga lere ka i'amba lumako a inia susua.

I MARAKUSU 12:1

Ka Do'amba i Yesu mompu'u mepauako ira a mpotundaano tutulu, ”Hinao asa mia melere anggoro ka iwalao limbu. Onae mongkeke pomporo'ia anggoro ka mowangu menara podagaia. Ka i'amba metamboakono lere atuu a mia mpo'angga lere ka i'amba lumako i wita susua.

EPESU 1:21

olai lalu mantande inso a luwuno anu mpeparenta ka anu mempabawa ka pabawa ka poparentaa ka sompo nee anu pinokopau, komba butu i wawontolino andio, tendeano i wawontolino koa mbo'u anu ta hawe.

MENGKAAA 22:5

Ka wongi nahi ta hina mbo'u i ra'ai, ka nahi dompongkere wantano hulu ka wantano mata'oleo, hangano Ondae Ue Ala Ira mokomewine ira, ka ira pomparenta kana mokole ranta nahina tampulaano.