Mika 4:7 - Wunta Mempori

⁷ Ondae anu luuka Aku mokogagi ira torea anu pinokowo'ohu, ka ondae anu mensinaari gagi aasa tongku moroso. Ondae i Ue Ira gagi mokoledo i torukuno Sioni, mompu'u kanandio-andio ranta nahina tampulaano.

Mika 4:7 ပူးပေါင်းရင်းမြစ်များ

Po'unde-unde 2:6

”Ongkuemo anu motoroo mokole-Ku i Sioni, torukuno-Ku anu mempori!”

Yesaya 16:5

asa kadera poparentaa ta tineahako a laro mpetenunu mompehohawa ka i wawono, a laro ngkemano i Daudi ta wela mentoro asa puu mpobitara anu tumeahakono moleoa, ka anu ronga moweweu menteea.”

Yesaya 24:23

Wulantii ta tekoko'ii, ka oleo mokula ntu'u ta mohawe mokoko'ii, hangano Ondae Ueno luwuakoano Ira meparenta i Torukuno Sioni ka i Yerusale, ka Ira mopokitao maramba-Do i arodo mia pinemota'udo bawaa-Do.

Yesaya 6:13

Tewala i ra'ai da mpo'ia asa ntia hopulu inso ndi ondae, ta kumaa ira api pohonapo mbo'u, kana keu tarabanti ka keu langkai susuano anu tinuehi butumo koa tu'ono tebinta. Tu'o atuu gagi wuku mpinopaho anu mempori.”

Yesaya 60:22

Anu lalu kodei ta gagi suku anu langkai, ka anu lalu molema ta gagi tongku anu moroso. Ongkue, Ue, Aku ronga weweuo a tempono.

Yesaya 66:8

Isemake anu morongeomo anu gagi kanatuu, isemake anu mongkitaomo anu gagi kanandio? Mentee koake asa mpo'ianga pine'anaako i larono asa oleo, ke asa tongku pine'anaako i larono asa mpiniro? Sine da saraipo ipemoluki mompemahaki, i Sioni umariomo me'anaako ira anano.

Yehesikieli 43:7

Pau-Do ndi ongkue, ”Hei anano mia, ndiomo po'iangano kadera poparentaa-Ku ka po'iangano pelengkaru-Ku. I ndi'aimo Aku mo'ia i tonga-tongado to Isaraeli ranta nahina tampulaano. Suku Isaraeli nahi ira mengkokoburutio mbo'u nee-Ku anu mempori, moiko ondae maupo luwuno mokoledo, hangano pebelesua ke saru wata ngkoroido luwuno mokoledo anu memate iramo,

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

Danieli 4:34

Sine, mansano laloomo tempo anu pinakosi, ongkue, i Nebukanesa, mentombu i langi, ka pinewowolo molinoku mepokule ndi ongkue. Ka ku'amba umunde-unde Ira Anu Tedoa mantande, melangkai Ira Anu Tuwu nahina tampulaano atuu hangano pabawa-Do pabawa anu nahina tampulaano ka poparentaa-Do hawe a mapa'api-apino inule.

Danieli 7:14

Ka i'amba ndi onae wineeako pabawa ka marambaa, saru pentoroa gagi mokole, ka mia inso a luwuno tongku, suku tongku ka pau mpepe'ata ndi onae. Pabawano onaemo pabawa anu nahina tampulaano, anu nahi ta tampula, ka poparentaano onaemo poparentaa anu nahi ta ropu.

Danieli 7:27

Poparentaa, pabawa, ka marambano luwuno poparentaa i totono asa wawo langi ira mewineeako mia mempori, bawaa-Do Anu Tedoa Mantande. Poparentaado onaemo poparentaa anu nahina tampulaano, ka luwuno pabawa ira ntepe'ata ka mpetuundu ndi ondae.

Hosea 1:10

Sine lembuino, hadiodo to Isaraeli ta kana oneno tahi, anu nahi pinokosa'u ka nahi pinokodoa. A mpo'ianga ba isua domempinauako, ”Omiu komba bawaa-Ku,” i tu'ai ira mempinauako, ”Luwuno ana-Do Ue Ala anu tuwu.”

Yoeli 2:32

Isemamo koa anu mebooli a nee-Do i Ue ta kinadudui, hangano i Torukuno Sioni ka i Yerusale ta hina tekaduduia; kana anu Dopauomo i Ue, sompo mia anu pinoboi-Do i Ue ta tewinso a luwuno mia anu tepotola.”

Yoeli 3:17

”Ka komiumo mento'orio nine Ongkuemo Ue Alamiu, anu mo'ia i Sioni, torukuno-Ku anu mempori. Yerusale ta gagi mempori, ka luwuno mia hawe nahi ira ntelaloio mbo'u.

Obaja 1:21

Luwuno anu mpongkadudui ira mpewuatako a wawo Torukuno Sioni ira mebitarao mentorukuno Esau; ka poparentaa atuu ta gagi tia-Do i Ue.

Mika 2:12

Menteeano Aku pumpu komiu luwu, hei Yako. Menteeano Aku pumpu ira toreano to Isaraeli; Aku mo'asao kana asa bawaa bembe bimba a laro kanda, kana bawaano pinotuwu a ntonga mpadano, bukeako maroano mia!

Mika 2:13

Mia mperumpa ta lumako i arodo; ira mperumpa ka mpelempa melaloo pewowa langkai ka mpeluarako inso i tu'ai. Mokoledo ta melempa mpiha i arodo, Ondae i Ue petewawano baresido!

Mika 5:3

Onae ta moroso pakambi ira a laro roso-Do i Ue, a laro langkaino nee-Do Ue Alano; ira mpo'ia mpiha, hangano kanandio-andio langkaino pabawa-Do ta hawe i tompano wawontolino.

Mika 7:18

Isemake kana Omiu Ue Ala anu mo'ampuni hala, anu nahi pompototoi salado toreano bawaa anu lano Ondae me'ueo, ka nahi kongko mpiha a laro ntekuda-Do, tendeano umehe mokomengkaao petenunu pompehohawa?

Sepanya 3:13

Toreano to Isaraeli atuu nahi ira mpoweweu anu mosa'o. Nahi ira mpegaupi ka a laro ngangado nahi ta hinawe elo pompopo'oo. Mentee ntu'u, ondae ira mengkana bimba anu mpongkuri ewo ka mpepombole nahina anu monsosanggoli.”

Sepanya 3:20

Ia tempo atuu Aku wawa komiu mpekule, ia tempo atuu Aku pumpu komiu, hangano Aku weweo neemiu gagi telele ka inunde-unde i olodo luwuno tongku i tolino saru wali mokomoikoo teweweumiu i arono matado,” pau-Do i Ue.

I LUKASI 1:33

ka Ira gagi mokoledo inuleno i Yako hawe nahina tampulaano ka Poparentaa-Do nahina tompaano.”

MENGKAAA 11:15

Ka i'amba mala'eka anu ko'opitu puurio tawuwuano, ka terongeomo luwuno suara meroku i laro nsuruga, motae, ”Poparentaa i wawontolino Do'inio Ueto ka Ondae anu inurapi-Do, ka Ira momparenta gagi mokole ranta nahina tampulaano.”