Mika 4:4 - Wunta Mempori

⁴ Sine ondae singge mia ta mentoro a ntoto keu anggorono ka a ntoto keu arano nahina anu mompokodoito, hangano Ondae Ueno luwuakoano anu pauo.

Mika 4:4 ပူးပေါင်းရင်းမြစ်များ

1 Mokole 4:25

To Yehuda ka to Isaraeli sanaa domentuwu asa ntinuwuno i Salomo, singge mia a ntoto ngkeu anggorono ka keu arano, inso i Dani hawe i Bereseba.

1 Mokole 5:5

Kai to'oriomo, Tinooku aku mowangu asa raha tiano nee-Do i Ue, Ue Alaku, kana anu dinandi-Do i Ue ndi ondae amaku i Daudi, kanandio: Anamu anu Aku motoroo a ngkadera poparentaamu umeuko, onaemo anu ta wanguo raha atuu tiano nee-Ku.

Ayubi 11:19

omue komepombole nahina monsosanggoli, ka hadio mia ira me'unde-undeko.

Po'unde-unde 72:3

Po'ineeomo luwuno torukuno mpowawa manangaiano tongku, ka luwuno pongku mpowawa menteea!

Powadi 3:25

Siimo doitoakono masolaa anu mepobingko, ke mateano mia mosa'o gauno, tewala atuu hawe.

Yesaya 1:20

Sine tewala mpe'ewa komiu, ta kumaa komiu ponai.” Mentee ntu'u, Ondae i Ue anu pauo.

Yesaya 17:2

luwuno kota kodeino ta bininta mpiha ka gagi po'iangado bawaano pinotuwu, anu mpepombole nahina monsosanggoli maupo isema.

Yesaya 22:25

I tempo atuu, kanandiomo pau-Do Ueno luwuakoano, pandora anu tinandapako moroso a rere watu anu moroso atuu nami ta moroso mbo'u, ranta ka itepudu ka tedonta, ka luwuno tembiano atuu terawo-rawo. Mentee ntu'u, Dopauomo i Ue.”

Yesaya 26:16

Oo Ue, a laro ma'isoa dome'ungke Komiu; tempono pohuku-Miu umalu ira, mpe'anaiki ira a laro mpekakai.

Yesaya 32:17

Isua itineahako menteea, i ra'ai hinao rodoa, ka wuano menteea onaemo rodoa ka rodoa ranta nahina tampulaano.

Yesaya 36:16

Si merongeo i Hisikia, hangano kanandiomo paudo mokoledo to Asiuri: Poweweumo pedandia sintuwu saru ongkue ka peluarakomo tepohaweakune, asalakono sompo mia inso i olomiu ta mongkaa inso a ngkeu anggorono ka keu arano saru mo'inu inso a nsumuruno,

Yesaya 40:5

asalakono maramba-Do i Ue ta pinokomengkaa ka luwuno mia ira mengkitao mperonga-ronga; mentee ntu'u, Dopauomo i Ue.”

Yesaya 54:14

Omue kotineahako a menteea. Omue ko'olai inso a porontua, hangano omue siimo doito mbo'u, ka omue ko'olai inso a doitoa, hangano onae nahi ta umpedaakomu.

Yesaya 58:14

asalakono komesana-sanaa hangano Ondae i Ue, ka Aku weweuko telalo a luwuno punsuno pongku i tolino Aku moweeko kaanga inso a ntia pusakano i Yako, uempu'umu, hangano nganga-Domo i Ue anu pauo.

Yeremia 23:4

Aku mompotoroako ira puu mpompakambi anu ta pakambi ira, onaemo ka nahi ira medoito mbo'u ke ntededengke, ka nahi ta hina maupo te'asa anu ta tetadi, kanandiomo pau-Do i Ue.

Yeremia 30:10

Ka omue, siimo doito, hei tetenaa-Ku Yako, kanandiomo pau-Do i Ue, siimo pondende, hei Isaraeli! Hangano menteeano, Ongkue kumaduduiko inso a mpo'ianga olai ka inulemu inso i wita tadiado. I Yako ta mekule ka tuwu rodo, ka nahina anu mompodengke.

Yehesikieli 34:25

Aku mowutu pedandia manangai saru ondae ka mokotampulao kondehora lambaha inso i wita atuu, ranta ka dompokompo'ia rodo i pada one ka mpoturi a luwuno tobu.

Yehesikieli 34:28

Ondae nahi ira mbo'u megagi pomuruado luwuno tongku, ka kondehora mo'ila nahi ta merangkami ira. Ira mpo'ia rodo nahina anu mompokodoito.

Yehesikieli 38:11

Omue motae: Aku sumapoio wita anu luwuno kotano nahi merere watu ka sumapoi ira mia anu mentuwu roodo ka manangai, luwuno anu mpo'ia a mpo'ianga nahi merere watu, nahina lansono ke pewowa langkai.

Yehesikieli 39:26

Ira mengkolupeo mokoburuado ka luwuno pe'ewa anu pinopokitado ndi Ongkue tempono dowali mpo'iangario witado merodo ira nahina mompodengke maupo hapa koa.

Imama 26:6

Aku mompowee rodoa i wita atuu, ranta komiu mpepombole nahina maupo hapa ta modengke komiu. Aku mokotampulao kondehora lambaha inso i wita atuu, ka ponai nahi ta telalo i witamiu.

Mika 5:3

Onae ta moroso pakambi ira a laro roso-Do i Ue, a laro langkaino nee-Do Ue Alano; ira mpo'ia mpiha, hangano kanandio-andio langkaino pabawa-Do ta hawe i tompano wawontolino.

Sepanya 3:13

Toreano to Isaraeli atuu nahi ira mpoweweu anu mosa'o. Nahi ira mpegaupi ka a laro ngangado nahi ta hinawe elo pompopo'oo. Mentee ntu'u, ondae ira mengkana bimba anu mpongkuri ewo ka mpepombole nahina anu monsosanggoli.”

Sakaria 3:10

A oleo atuu, kanandiomo pau-Do Ueno luwuakoano, singge mia ta umoluo walino mentoro a ntoto ngkeu anggoro ka a ntoto ngkeu ara.”