Mika 4:2 - Wunta Mempori

² ”aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno sala-Do, ka tompelempa a nsala-Do; hangano inso i Sioni ta hawe pompaguru ka pau-Do i Ue inso i Yerusale.”

Mika 4:2 ပူးပေါင်းရင်းမြစ်များ

Po'unde-unde 110:2

Tuko poparentaamu Ira motolao i Ue inso i Sioni: poparentamo i olodo iwalimu!

Po'unde-unde 119:1

Me'uraomo mia anu tuwuno nahina tataano, anu tuwu montonda Taura-Do i Ue.

Po'unde-unde 119:171

Po'ineeomo wiwiku ka ipompau po'unde-unde, hangano Ipaguruakunemo luwuno pompakosi-Miu.

Po'unde-unde 122:1

Penani pekohono i Daudi. Mawongko aku, tempono kupinauako, ”Aiwa ka tomelako a Raha-Do i Ue.”

Po'unde-unde 25:12

Isemake mia anu doitoako Ira i Ue? Ndi onae Dopontisoakono i Ue pesalaa anu asalakono ibinikio.

Yesaya 2:3

ka hadio sukuno tongku ira melako saru mpotae, ”Aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno pesalaa-Do, ka tompesala a mpesalaa-Do; hangano inso i Sioni ta saba pompaguru ka pau-Do i Ue inso i Yerusale.”

Yesaya 54:13

Luwuno anamu ira megagi ana guru-Do i Ue, ka langkaiomo manangaido anamu.

Yesaya 56:7

ondae Aku wawa ira a ntorukuno-Ku anu mempori ka Aku moweeako ira mawongkoa a raha pekakaia-Ku. Aku memoikoo luwuno pesomba tinunu ka pesomba sinumbeledo anu pinesombaakodo a wawo meda pontunua pesomba ndi Ongkue, hangano raha-Ku ta pinewua raha pekakaiado luwuno tongku.

Yeremia 31:6

Mentee ntu'u, ta hawe oleono nine luwuno anu mpodagai mpebooli i torukuno Eparai: Aiwamo tompewuatako i Sioni, ndi Ondae i Ue, Ue Alato!

Yeremia 42:3

Po'ineeomo Ondae i Ue, Ue Alamu, pauakami pesalaa anu asalakono kami mentondao ka hapa anu asalakono kami meweweuo.”

Hosea 6:3

Aiwamo tomento'orio ka mentee ntu'u tumo'ori Ira i Ue; manasa Ira me'umbaako kana wanta, Ira hawe ndi ontae kana usa, kana usa tempo pinopaho mentumba anu umuwoio tolino.”

Sakaria 14:16

Umarino atuu luwuno mia anu tebinta inso i olodo tongku anu sumapoiomo Yerusale, ira me'aiwa mpenggolontu mpesombai Ira Mokole, Ueno luwuakoano a nta'u me'eu ta'u, ka ira mpokomaroao oleo langkai Laika Lewe Ngkeu.

Sakaria 2:11

I tempo atuu hadio tongku ira tepo'asaako Ira i Ue ka gagi bawaa-Ku ka Aku mo'ia i tonga-tongamiu.” Ka kotumo'orio nine Ondae Ueno luwuakoano anu tumena aku ndi omue.

Sakaria 9:10

Onae ta mokotampulao kareta inso i Eperai ka ngara inso i Yerusale; pana mpetea ta pinokotampula ka onae ta paleleo manangai a luwuno tongku. Wita pinabawaino ta tewile malua inso a ntahi hawe a ntahi ka inso a Ngkoro Eparata hawe a luwuno tompano tolino.

I MARAKUSU 16:20

Ondae mbo'u melako iramo mempaleleo Lele Mawongkoa a sompo siuno wita, ka Ondae i Ue mokowali ira a mpo'anggaado ka pau-Do atuu Dopokomorosoakono luwuno petondoni anu kumongkomi ira.

I LUKASI 24:47

ka mbo'u: a nee-Do lele mongkona tepidia ka po'ampunia hala asalakono pinohawe a luwuno tongku, mompu'u inso i Yerusale.

I YOHANE 6:45

Hinao teburi a wuntado nabi: Ka luwudo Ondae Ue Ala paguru ira. Ka sompo mia, anu rumongeomo ka tumarimao pompaguru inso ndi Ondae i Ama, aiwa ndi Ongkue.

I YOHANE 7:17

Ba isema anu behe weweuo po'ehe-Do, onae ta tumo'orio pompaguru-Ku andio ba te'inso ndi Ondae Ue Ala, ke pepau-Ku inso a ngkoroi-Ku Ongkue-Ku.

WINEWEUDO TINENA 1:8

Sine komiu mpotarima pabawa, tewala metii Penaa Mempori ndi omiu, ka komiu megagi sakosii-Ku i Yerusale ka i asa wawo wita Yudea ka Samaria ka hawe i tompano tolino.”

WINEWEUDO TINENA 13:42

Tempono dompeluarako i Paulu ka i Baranaba, dome'emao ndi ondae ka dotutuluo mongkona tinutuludo mbo'u atuu a oleo Saba anu ta hawe.

ROMA 15:19

hangano pabawano luwuno petondoni ka anu mengkinohali-haliako ka hangano pabawa-Do Penaa. Kanandiomo a laro pelempaa sumompoo wita inso i Yerusale hawe i Ilirikumi kupaleleomo luwu Lele Mawongkoa-Do i Kerisituu.

Winali 6:1

Ndiomo parenta, onaemo pompakosi ka atora, anu aku paguruakomiu a parenta-Do i Ue, Ue Alamiu, kai wineweu i wita, ba isua imelako komiu mpetorokio.