Mika 4:10 - Wunta Mempori

¹⁰ Pemolukimo ka peraepimo, hei ana beine Sioni, kana beine anu kontongaano me'ana! Hangano kanandio-andio omue asalakono meluarako inso a ngkota ka mo'ia i tongampada, omue asalakono melempa hawe i Babeli. I ra'aimo omue kopinotola, i ra'aimo Ira tumolosiko i Ue inso a ngkaeno iwalimu.

Mika 4:10 ပူးပေါင်းရင်းမြစ်များ

2 Mokole 20:18

Asa ntia inso a inulemu anu ta hinawemu, ta inala gagi pegawai a langkanaeno mokole i Babeli.”

2 Mokole 25:4

Rere watuno kota atuu binolo ka luwuno sorodadu mpolai i tempono wongi telalo a mpewowa langkai i olono orua rere watu anu umpeda lere bungano mokole, kontongaado to Kasidimi mengkaduo limbu kota atuu. Melako ira te'aro i Araba-Yarade.

2 Tawarika 33:11

Ka Do'amba i Ue tumenaako ira luwuno tadulako sorodaduno mokole Asuri. I Manase domerakoakono kai, memponguakono rante mala ka domewawao i Babeli.

2 Tawarika 36:20

Ondae anu da tebinta ka anu tola inso a mponai winawa i Babeli ka ondae megagi atano ka atado luwuno anano ranta Peresia uminio poparentaa.

2 Tawarika 36:23

”Kanandiomo parentano i Koresi, mokole Peresia: luwuno poparentaa i tolino Doweeakumo i Ue, Ue Alano luwuno langi. Dotena aku mowangu raha-Do i Yerusale, anu kongko i Yehuda. Isema i olomiu tewinso bawaa-Do, po'ineeomo Ondae i Ue, Ue Alano kumongkomio, ka mo'ineeo ipelungka mekule!”

Po'unde-unde 106:10

Kanatuumo Dokadudui ira inso a ngkaeno anu mo'o'aliaako, tumolosi ira inso a ngkaedo iwali;

Yesaya 43:14

Kanandiomo pau-Do i Ue, Puu Pontolosimu, Anu Tedoa Mempori, Ue Alado to Isaraeli, ”Hangano omiu Akumo montena mia lumako i Babeli ka motii ira to Kasidimi gagi mia mpolai, luwuno a laro ngkapala tinondaako peraalido.

Yesaya 45:13

Ongkuemo anu lumeluo i Koresi me'empehiako moleoa, ka luwuno salano Aku mokomereteo. Onaemo anu ta wanguo kota-Ku ka motola ira bawaa-Ku anu mekongko a laro pontadia, nahi inowahi ka nahina pompowee anu nahi pototono,” pau-Do Ueno luwuakoano.

Yesaya 48:20

Peluarakomo inso i Babeli, polaimo inso i Kasidimi! Pauomo saru kokora-kora mawongko ka paleleomo mongkona andio! Paleleomo hawe i tompano tolino! Pauomo, ”Ondae i Ue Dotolosiomo i Yako, tetenaa-Do!”

Yeremia 13:4

”Alaomo peboo ntonga anu inolimu ka pokonaomo a ntongamu atuu! Pontuturakomo lako a ngkoro Eparata ka uwunio i olo-olono pongku watu i ra'ai!”

Yeremia 15:21

Aku motolako inso a ngkaedo mia mpoweweu mosa'o ka motolako inso a pokungkudo mia melambaha.”

Yeremia 29:20

Rongeomo pau-Do i Ue, hei luwumiu mia mentinadi, anu Ku'oliwi komiumo inso i Yerusale lumako i Babeli!

Yeremia 4:31

Mentee ntu'u, kurongeo suara kana pompemahakino beine me'ana, pe'o'osuno kana suarano ine anu me'anaakono ana amba-ambano, suarano ana beine i Sioni anu ngaasa, anu padindio kaeno, ”Masola akumo, hangano telusa aku i arodo anu pompepate!”

Yeremia 48:41

Luwuno kota pinongko'ala, luwuno bente pekorahakoa rinontu. Aroado pongkiarino Moabi i tempo atuu ta kana aroano beine anu mahaki me'ana.

Yeremia 52:27

Ka i'amba mokole i Babeli metena mepate ira i Ribela, i wita Hamati. Kanandiomo to Yehuda mewinawa inso i witado lumako a pontadia.

Hosea 1:10

Sine lembuino, hadiodo to Isaraeli ta kana oneno tahi, anu nahi pinokosa'u ka nahi pinokodoa. A mpo'ianga ba isua domempinauako, ”Omiu komba bawaa-Ku,” i tu'ai ira mempinauako, ”Luwuno ana-Do Ue Ala anu tuwu.”

Hosea 13:13

Pompemahaki me'ana mese'elungio hinaano, sine onae nana'ote anu nahi ponto'ori mompewowolo; mansano haweako tempono, onae nahi behe meluarako inso a mpe'anakaa.

Hosea 2:14

Inso i ra'ai Aku weakono lere anggorono, ka Kuweweuo lembono Akoro gagi pewowa pomperorohia. I ra'aimo onae ta meweengakono koroino kana tempono imongura, kana tempono ipelungka meluarako inso i wita Masiri.

Mika 5:2

Onaemo pu'uno dopo'inee ira ka ihaweako tempono beine anu kontongaano me'ana umariomo me'ana. Ka i'amba anu susuano inso a luwuno pepaekompono ira mpepokule a luwuno anano i Isaraeli.

Mika 5:3

Onae ta moroso pakambi ira a laro roso-Do i Ue, a laro langkaino nee-Do Ue Alano; ira mpo'ia mpiha, hangano kanandio-andio langkaino pabawa-Do ta hawe i tompano wawontolino.

MENGKAAA 12:14

A beine atuu wineeako orua panino singko langkai, ka ipenee lumako a mpo'iangano i pada one, i ra'ai ipinekaria olai inso a mpo'iangano ule atuu i larono aasa tempo ka orua tempo ka entonga tempo.