Mika 4:1 - Wunta Mempori

¹ Ta gagi a luwuno oleo pokotompa: Torukuno raha-Do i Ue ta mentade lumaloio punsuno luwuno torukuno ka kontasi-tasi mantande i wawono luwuno pongku; luwuno tongku ira mpetonda-tonda raane,

Mika 4:1 ပူးပေါင်းရင်းမြစ်များ

Tegagia 49:1

Ka i'amba i Yako moboi ira anano ka ipotae, ”Ime'aiwamo mpepumpu, ka kupauakomiu, hapa anu komiu mpembasaio lembuino.

Tegagia 49:10

Tuko poparentaa nahi ta melimba inso ndi Yehuda ka tuko poparenta inso i olono karuno, ranta ka ihawe onae anu tekona ndi onae, ka ndi onae ira mpetuundu luwuno tongku.

Po'unde-unde 110:3

Sorodadumu tetinda ira melako a oleo peteaamu, mperamba-rambaako memporia, tempono towea da a laro mpe'anakaa, tontoru tempo monguramu gagiomo omue me'ueo.

Po'unde-unde 22:27

Mia anu marasai ta mongkaa ka mowohi, mia anu umungke Ira i Ue ta umunde-unde Ira; po'ineeomo aroamu ka imawongko mpiha!

Po'unde-unde 48:1

Penani. Penani po'unde-undedo inuleno i Kora.

Po'unde-unde 86:9

Luwuno tongku anu pinokogagi-Miu ira mehawe mpengolontu mpesomba i aro-Miu, oo Ue, ka ira mpelangkaio nee-Miu.

Yesaya 27:13

I tempo atuu ta pinuuri tawuwua langkai, ka ira mehawe ondae anu ntetadi i wita Asiuri saru ondae anu mentinadi i wita Masiri ka dompenggolontu mpesomba ndi Ondae i Ue a ntorukuno anu mempori, i Yerusale.

Yesaya 43:6

Aku mepauakono utara: Peweengakonomo! Ka a nselata: Sii ontoo! Wawa iramo ana-Ku tama inso a olaiano, ka ana-Ku beine inso a luwuno tompano tolino,

Yesaya 49:6

kanandiomo pau-Do, ”Tedeilahi lahi butu kogagi tetenaa-Ku, tumeahako ira sukuno i Yako ka mokule ira to Isaraeli anu mentola. Aku weweuko gagi mewinedo luwuno tongku ka pongkadudui-Ku ka ihawe koa i tompano tolino.”

Yesaya 54:2

Pokomaluaomo po'iangano kemamu, ka wileomo tenda po'iangamu, sii tidahio; poko'ondau iramo kolorono kemamu ka tandapako iramo pandoramu temoroso!

Yesaya 56:7

ondae Aku wawa ira a ntorukuno-Ku anu mempori ka Aku moweeako ira mawongkoa a raha pekakaia-Ku. Aku memoikoo luwuno pesomba tinunu ka pesomba sinumbeledo anu pinesombaakodo a wawo meda pontunua pesomba ndi Ongkue, hangano raha-Ku ta pinewua raha pekakaiado luwuno tongku.

Yeremia 16:19

Oo Ue, rosoku ka benteku, polaiaku a oleo pompema'isoku! Ndi Omiu ira me'aiwa tongku inso i tompano tolino saru mpotae, ”Mentee ntu'u, uempu'umami butu mpope'ue pinesombai nahi mentee, pinesombai nahina pengkonaano anu nahina tuduno.

Yeremia 26:18

”I Mika, to Moreseti, horio mompau anu ta gagi i tempono i Hisikia, mokoledo to Yehuda. Onae mepau a luwuno tongku Yehuda: Kanandiomo pau-Do Ueno luwuakoano: Sioni ta pinadeko kana lere; Yerusale ta gagi howuno anu terawo ka torukuno Raha Mempori ta gagi po'ianga pompesombaia anu mentobu.

Yeremia 3:17

I tempo atuu Yerusale ta pinau kadera poparentaa-Do i Ue, ka luwuno tongku ira mpepumpu i ra'ai, i Yerusale a nee-Do i Ue, ka nahi ira mpelelu tumondao aroado anu motea ka mosa'o.

Yeremia 31:12

Ira me'aiwa mpeboo-booli a wawo pongku Sioni, rupado ta mewanta hangano moiko-Do i Ue, hangano gandu, anggoro ka lana, hangano bawaano ana bembe bimba ka sapi; tuwudo ta kana lere bunga anu inuwoi, nahi ira memarasai mbo'u.

Yeremia 48:47

Sine, lembuino Aku momuleo teweweuno Moabi, kanandiomo pau-Do i Ue.” Hawemo i ndi'ai pau pohuku ndi Moabi.

Yehesikieli 38:16

Omue mentade umewai ira bawaa-Ku Isaraeli kana seru anu tumutuwio tolino. A tempo anu ta hawe mongkona atuu ta gagi, ka Aku wawako umewaio wita-Ku, ka domento'ori Aku luwuno tongku, i tempono Kupopokitao mempori-Ku ndi omue i arodo, hei Goge.

Yehesikieli 40:2

a laro luwuno pongkita-Do i Ue i wita Isaraeli ka Donaa aku a wawo asa torukuno anu ondau ntu'u. I wawono atuu, i selatano, hinao asa anu kana kota.

Yehesikieli 43:12

Ndiomo pompakosi mongkona Raha Mempori atuu: luwuno wita i punsuno torukuno atuu tedoa mempori. Mentee ntu'u, onaemo atuu pompakosi mongkona Raha Mempori atuu.”

Danieli 10:14

Ongkue aiwa weweuko ka upokonto'orio hapa anu ta gagi a tongkumu a oleo anu pokotompa; hangano pongkita mbo'u andio mongkona luwuno oleo atuu.”

Danieli 2:28

Sine, i suruga kongko Ira Ue Ala anu mosabao luwuno rahasia. Dopauakomiumo ueku Mokole Nebukanesa hapa anu ta gagi a oleo anu ta hawe. Ndiomo mo'ipi ka luwuno pongkita anu kinitamiu ueku a mpoturia:

Danieli 2:35

Ia tempo koa mbo'u atuu terawoomo labu, wita pulu, mala, salaka ka wulaa atuu; luwuno gagi kana ota a mponsesaa i tempono motu'i-tu'i. Ka i'amba puurio angi, ranta maupo hangano nahi hinawe. Sine watu anu dumunsio tinaha atuu gagi torukuno langkai anu buketio asa wawontolino.

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

Danieli 7:14

Ka i'amba ndi onae wineeako pabawa ka marambaa, saru pentoroa gagi mokole, ka mia inso a luwuno tongku, suku tongku ka pau mpepe'ata ndi onae. Pabawano onaemo pabawa anu nahina tampulaano, anu nahi ta tampula, ka poparentaano onaemo poparentaa anu nahi ta ropu.

Danieli 7:18

Umarino atuu luwuno mia mempori-Do Anu Tedoa Mantande ira mpotarima poparentaa, ka ira me'inio poparentaa atuu hawe nahina tampulaano, tendeano nahina balino ranta nahina tampulaano.

Danieli 7:22

ranta ka Dohawe Anu Tende Ntinuwu atuu ka moleoa wineeako a luwuno mia mempori-Do Anu Tedoa Mantande ka hawe tempono mia mempori atuudo me'inio poparentaa.

Danieli 7:27

Poparentaa, pabawa, ka marambano luwuno poparentaa i totono asa wawo langi ira mewineeako mia mempori, bawaa-Do Anu Tedoa Mantande. Poparentaado onaemo poparentaa anu nahina tampulaano, ka luwuno pabawa ira ntepe'ata ka mpetuundu ndi ondae.

Hosea 3:5

Umarino atuu to Isaraeli ira mpepokule ka umungke Ira i Ue, Ue Alado, saru i Daudi mokoledo. Saru medoito ira me'aiwa ndi Ondae i Ue ka a moikoa-Do a oleo pokotompa.

Mika 3:12

Onaemo pu'uno hangano omiu, Sioni ta pinadeko kana lere, Yerusale ta gagi howuno anu terawo, ka torukuno raha mempori ta gagi pongku mentobu.

Sakaria 14:10

Luwuno wita andio ta bali gagi kana lembono, inso i Geba hawe i Rimoni i selatano Yerusale. Sine kota andio ta kontasi-tasi ka kongko mpiha a mpo'iangano, inso a mpewowa langkai Benami hawe a mpo'iangano pewowa langkai tese'elu, onaemo pewowa langkai Siuno, ka inso a menara Hananeeli hawe a mpopuro'ia anggorodo mokole.

Sakaria 2:11

I tempo atuu hadio tongku ira tepo'asaako Ira i Ue ka gagi bawaa-Ku ka Aku mo'ia i tonga-tongamiu.” Ka kotumo'orio nine Ondae Ueno luwuakoano anu tumena aku ndi omue.

Sakaria 8:3

Kanandiomo pau-Do i Ue: Aku mekule i Sioni ka Aku mo'ia i tonga-tongano Yerusale. Yerusale ta pinau Kota Metenunu, ka torukuno-Do Ueno luwuakoano ta pinau Torukuno Mempori.

Maleaki 1:11

Hangano mompu'u saba oleo hawe sumooano, nee-Ku langkai i olodo tongku. A sompo po'ianga ta pinesombaako dupa mana mo'ahi tiano nee-Ku ka pesomba kana mbo'u anu morina, hangano langkai nee-Ku i olodo tongku, pau-Do Ueno luwuakoano.

WINEWEUDO TINENA 2:17

Ta gagi a oleo pokotompa – kanandiomo pau-Do Ue Ala – nine Aku motiio Penaa-Ku a luwuno mia; ka anamiu tama ka beine ira mpompau anu ta gagi, ka mangalitaumiu ira mpohawe pongkita, ka miamiu anu mota'u ira memo'ipi.

IBARANI 1:2

ka a tempo pokotompa andio mepau Iramo ndi ontae telalo a Ana-Do, anu Dopakosiomo gagi anu tekona tumarimao luwuno anu hina. Hangano Ondae Dopokogagiomo Ue Ala wawontolino saru luwuno ihino.

2 PETURU 3:3

Anu lalua asalakono ka imento'orio onaemo, nine a luwuno oleo pokotompaano tempo ira mehawe anu mpopopodeu-deuako pompopodeu-deudo, onaemo luwuno mia anu mentuwu montonda po'eheno aroado.

MENGKAAA 11:15

Ka i'amba mala'eka anu ko'opitu puurio tawuwuano, ka terongeomo luwuno suara meroku i laro nsuruga, motae, ”Poparentaa i wawontolino Do'inio Ueto ka Ondae anu inurapi-Do, ka Ira momparenta gagi mokole ranta nahina tampulaano.”

MENGKAAA 15:4

Isemake nahi doito, oo Ue, ka anu nahi pelangkaio nee-Miu? Hangano butu Omiu anu mempori; hangano luwuno tongku ira me'aiwa mpenggolontu mpesombai Komiu, hangano mengkaaomo menteeno luwuno pobitara-Miu.”

MENGKAAA 20:4

Ka ku'amba kumita ira kadera poparentaa ka mia anu mpentoro i wawono; ndi ondae mempinoweeako pabawa ka dompobitara. Kukita ira mbo'u sumangado, anu me'inimpahiomo uludo hangano ponsakosii mongkona Ondae i Yesu ka hangano pau-Do Ue Ala; anu nahi pesombaio kondehora atuu ka tinahano ka anu nahi hori montarima pontondoni a ra'i ka a ngkaedo; ka wali ira mentuwu ka pomparenta kana mokole meronga saru Ondae i Kerisituu tiano tempo asa nsowu ta'u.